【東京免費的士】雖然日本鐵路覆蓋完善,但係非常複雜!而且延誤情況都幾頻繁,趕行程嘅話,免不了要搭的士去目的地。東京的士嘅起錶價都唔平㗎,每次跳錶都會心痛到心跳漏拍!但12月去東京嘅話,就可以狂搭喇!事關東京將會有0円免費的士推出!

撰文:C|圖片:DeNA、どん兵衛

東京免費的士

由日本公司DeNA推出嘅的士配對app「MOV」開始運作,乘客不需付費嘅「0円的士」亦開始行駛!

運行期間為2018年12月5日1:00pm至12月31日10:00pm為止。每日7:00am至10:00pm會有限定50架的士運行,在東京都內嘅涉谷區、新宿區、港區、中央區、千代田區附近,可透過專用手機app同免費的士進行配對,只要行駛範圍為東京都內23區之內,就全程車費都唔使畀,免費載你到目的地!

第一彈免費的士sponsor:どん兵衛

「0円的士」當然係有sponsor先可以實現啦!第一彈就係大家都一定識嘅日清杯麵「どん兵衛」。經由「MOV」的士配對app運行嘅sponsor的士,車身外觀及車內設計都會用上sponsor公司嘅自家商品,從而造到宣傳效果。

 

運行期間中,除咗可以免費乘搭「どん兵衛的士」,於12月26日至12月31日期間乘搭嘅話,更可獲得「日清どん兵衛 天婦羅蕎麥麵」一個!

「Project MOV」

DeNA公司預計於2019年2月起,於的士前座後背裝上Tablet,提供適合嘅廣告內容予乘客。將來更預定會增設QR code付款系統及活用AI。

常見問題

最新的日本入境及疫苗要求詳情?

日本入境開關最新消息,本厚生勞動省公布了最新入境放寬政策的詳情有打針及沒有打針都有相關的方法入境。在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡。而日本回港時,香港政府早前都發表了最新的香港入境檢疫措施。立即看。

去東京有什麼好去處及景點推介?

未諗好去邊好,可以看留意東京自由行最新大行程東京必食美食淺草橫町美食街東京年度拉麵店東京蟹店推介。想去東京迪士尼的話,大可一看東京迪士尼樂園門票攻略領取全新3大門票Pass方法。喜歡購物則可到東京Outlet;要是想過一個輕鬆的旅程,可到箱根溫泉旅館。準備到日本賞櫻花的大家,可預先一看日本櫻花花期預測