朋友講心唔講金,何況港女身上亦都冇金,所以去親旅行都不會買手信派街坊。反而老土少少,買靚靚明信片寄給好友,寫低旅途所見所聞,仲有心意啦!不過每次買的明信片設計都以名勝風景為主,老友次次都嫌我冇taste!唔想再寄娘味明信片,在日本可以簡單 明信片DIY ,在7仔就做到,又平又方便!

逐個step教!SD卡過相最簡單


想製作獨一無二的明信片,唔使四圍搵,因為7-11總有一間喺左近,只要店內有影印機服務就得。全程自助,唔使店員幫手。影印機支援USB、SD卡、Micro SD、CF卡、CD等等,對相機或者可外置記憶卡電話的用家就最方便!雖然影印機主畫面有中文的選項,但中文介面部分只有列印照片,不可選列印明信片。唔識用,可以睇以下教學!

性價比高!仲有得調大小、位置!

在便利店自製明信片,有心思之餘,價錢亦都唔貴。相比在精品店購買,動輒要¥100以上,自製彩色的不過¥60,黑白的就只需¥20!加上可以調整相片大小、位置,user-friendly製作出簡單的設計。

預設白邊框,不留白邊也可以!

但冇SD卡點算?繼續睇!!

用電話Wi-Fi連線就得!

慣用電話速食影相的香港人,在電話更可以用不同修圖程式、加入濾鏡公仔等,出來的明信片自然效果更靚!但iPhone用家就要麻煩少少喇!由於不能外置記憶卡,可先到app store/Google Play下載「セブン-イレブン マルチコピー」,直接以電話Wi-Fi傳相。不過這個程式只能用日本的Apple帳戶下載,沒有的話,要還原基本步,過相入SD卡或者USB!

info
7-11「DIY明信片」功能
地點:全國7-11便利店
費用:彩色列印¥60張,黑白¥20張
圖檔類:JPEG / TIFF / BMP