日本雜貨店Village Vanguard雖然在香港撈唔掂,但去日本玩的時候,唔少香港人都喜歡去逛逛,因為入面實在有太多新奇好玩刺激的東西!唔講唔知,原來佢係有福袋賣,仲要好搶手、好受日本年輕人歡迎添!點解呢?唔係因為入面啲嘢抵,而係有好多九唔搭八嘅嘢,新年流流用幾千yen玩下自己,再post上網畀朋友笑下開心一番,其實都幾抵!咁究竟Village Vanguard福袋 入面有啲咩呢?

01 | 說真話 講明伏味濃


唔呃你 VillageVanguard福袋 完全合乎商品說明條例!包裝上面已經寫到明「安定的低水準」、「入面裝著一年分的不幸」、「與其唔買後悔,不如買咗覺得超後悔更好」!哈哈!日本人真係好有趣!

01
點解有人想買「1年分的不幸」?

B6l1UNyCIAALCFT[1]
嗯!我都好想挑戰下有幾後悔!

不如睇下不同福袋內裡會有啲咩!

02 |紫色福袋:Variety雜貨

VillageVanguard福袋 入面呢條長筒形、冇彈性、約70公分嘅,究竟係咩東東?不過一定是與衣車有關,大家又知不知道是甚麼!

02
似襪但又冇彈性,似呔又唔夠長……

呢個仲正!好似插蘇……個殼!但也不能解釋是甚麼來。

03
有人估係調色板!

03 |綠色福袋-大型家居「垃圾」篇

不要看 VillageVanguard福袋 袋細細。咁大件都可以放到入去,勁!呢座狐狸單槓雙手大迴環,除咗「阻碇」,我搵唔到第二個形容詞!

04
衰在唔得意嘛!

更「阻碇」的,係呢個企鵝座地燈!

06
但物主表示好喜歡!

04 |黃色福袋:尋寶吧

呢個抽到都唔知攞唔攞返香港好!

08
可以留番聖誕節交換禮物用!

抽到真係「Frozen」!個心寒一寒!Do you want to build a snowman…….有聲~

09
見到一定大唱「Let it go」~~~

04 |粉紅色福袋:超實用生活雜貨

有時真係估佢唔到,唔係袋袋都咁「伏」,好似呢位幸運兒,就用3,000yen得到一個成萬yen的headphones!

07
算係中大獎吧!

呢個更勁,同一袋有3 sets headphones!

10
但要咁多做咩呢?

05 |點樣揀「挑戰項目」?

原來,你可以自己揀想挑戰的組別,2016年的話,唔同顏色係代表唔同內容。

紫色:Variety雜貨

黃色:尋寶(呢個最高危!)

綠色:室內擺設雜貨

粉紅色:生活雜貨

ヴィレッジヴァンガード福袋3500円[1]

唔知2018年又會點玩,新年去開日本玩的朋友可以試試挑戰一下!

2018 年 VillageVanguard福袋 又有咩?

看過往年的實物圖,你也有興趣買一個挑戰嗎?不過Village Vanguard福袋分很多種類,以下特別推介最「伏」的4大類別。

粉紅色福袋-送禮之選!夠神秘

連甚麼類型都無法定義,如果是交換禮物或是想「伏人」,真的是很好的選擇。可惜已經賣完了!

綠色福袋-運動型

如果是好動的你,不妨可以購入這一款 ,起碼有用,不至於「廢物」。

黃色福袋-夠冒險

玩具、遊戲、裝備等,都被歸納為冒險類,適合充滿希望、有抱負的「冒險家」用。

藍色福袋-夠無謂

示範圖明明是寫著「裝備」,但都是不實用的玩具及裝設,恐怕會成為另一個家居「垃圾」。