距離日本蠔季完結時間不遠,以為3月以後かき小屋(蠔小屋)就通通閂門?若還未來得及請假、買機票,錯過10-3月出發,其實日本部分蠔小屋都會全年營業,海鮮迷一樣四季都有平價鮮蠔可吃。但講到至抵,在宮城縣松島的「松島さかな市場」就可以¥2,000/HK$133, 任食燒蠔 45分鐘!

text:[email protected]港女講旅行  photo:him 

5星綠提燈!狂食100%真﹒日本蠔

松島沿岸蠔穫豐富,一年四季皆有蠔可吃。除了松島海岸駅前的蠔小街,相距10分鐘路程的「松島さかな市場」主要出售產地直送的新鮮海鮮,另有不同的海鮮小食,包括海鮮丼、壽司、燒物等等。但最吸引的,絕對是市場旁邊的かき小屋(蠔小屋)的燒蠔放題任食!

店內掛了5星綠提燈,保證店內掙用超過9成國內產食材。
店內掛了5星綠提燈,保證店內採用超過9成國內產食材。

現場以日本人為多。
現場以日本人為多。

店家唔小氣 每人吃超過廿隻燒蠔!

一入店內蠔香已經撲鼻,店員早已經在我們的位置上放了一座燒好的蠔山。急不及待埋位打開有手掌大的蠔殼,雖然蠔肉身形較小,但勝在口感柔滑,味道濃厚,燒過之後特別香口。食到一半,店員更自覺用鐵鏟送上一堆又一堆鮮蠔,唔怕店家小氣,最怕冇多個胃狂食咋!45分鐘任食時間,我們每人吃了超過廿隻燒蠔,回本有凸!連附送的鮮蠔味噌湯和鮮蠔蒸飯,¥2,000/HK$133就可以食到日本蠔,絕對物超所值。

雖然打開蠔殼見到蠔肉身偏小,但食落柔滑味濃,絕對唔會失望而回。
雖然打開蠔殼見到蠔肉身偏小,但食落柔滑味濃,絕對唔會失望而回。

店員加蠔好爽手,見客人食到一半,已經自覺加蠔。
店員加蠔好爽手,見客人食到一半,已經自覺加蠔。

燒蠔五大堂A套餐 ¥1,200/HK$86 唔食放題,可以試這個套餐,享受松島蠔不同烹調方法的食感。
燒蠔五大堂A套餐 ¥1,200/HK$86
唔食放題,可以試這個套餐,享受松島蠔不同烹調方法的食感。

$100唔使!滿瀉三文魚子丼

專誠來到「松島さかな市場」,單食一餐燒蠔又怎會滿足。貢入旁邊的魚市場走一圈,已經叫我這個刺身控胃口大開。魚市場由當地漁業公司直接營運,捕魚、入貨、出售一手包辦,不時都有超低價益街坊,平食海鮮不是夢。秋季限定的放題三文魚子丼,價錢只需¥1,300/HK$94,我們下晝1點來到仲食到!

三文魚子放題丼 ¥1,300/HK$94 日本產的三文魚子多到滿瀉,畫面超澎湃!
三文魚子放題丼 ¥1,300/HK$94
日本產的三文魚子多到滿瀉,畫面超澎湃!

唔叫停,店員都唔會停手,超大方!
唔叫停,店員都唔會停手,超大方!

滿到瀉!唔叫停唔停手

上枱時,店員仲一大羹一大羹加,唔叫停唔停手,極之豪爽。他們採用東北的氣仙沼市產的三文魚子,粒粒卜卜脹,入口非常鮮味。過了秋季限定期,都唔使失望,平日超足料的三文魚子丼亦不過¥1,100/HK$79。面對眼前即時鮮,我全部都想食晒入肚!

海膽丼 ¥2,500/HK$178 雖然海膽份量未有三文魚子的澎湃,不過入口甜美柔滑,海膽迷必食。
海膽丼 ¥2,500/HK$178
雖然海膽分量未有三文魚子的澎湃,不過入口甜美柔滑,海膽迷必食。

燒鰻魚丼¥1,300/HK$94 鰻魚非常新鮮,亦燒得夠香,不會有腥味,價錢唔使$100,性價比高!
燒鰻魚丼¥1,300/HK$94
鰻魚非常新鮮,亦燒得夠香,不會有腥味,價錢唔使$100,性價比高!

DSCF1186
店內有不少乾濕魚鮮,即食、買走做手信都得。

DSCF1188

松島さかな市場
地址 :日本宮城縣宮城郡松島町松島字普賢堂4-10
電話:+81(0)22-353-2318
營業時間:8:00am-5:00pm
交通:由松島海岸駅徒步10分鐘即達
網址:www.sakana-ichiba.co.jp