對於一年去幾次日本的人來說,日遊就等於返鄉下。有網友就表示每次去完日本返到香港,都會好唔習慣,不少網友都表示好同意。成日去日本的話,會唔會都同意以下10大日本完勝的地方呢?

text: Cynthia|photo:LIHKG截圖、新傳媒資料庫|資料來源:LIHKG

01 | 萬能的便利店

去過日本一定會同意,日本便利店真係好完美,關東煮、溏心蛋、Lawson炸雞、飯糰,樣樣都非常好食!每次日遊都一定會帶勁多食物返酒店做宵夜,又平又高質!

日本 旅行
同樣都係7-11,日本高質很多!

日本 旅行
連飯糰都高質好多!

日本 旅行

日本 旅行

唔少網友都話,返到香港之後去便利店買嘢都要望下價錢,選擇少都算啦!仲要買咩都有種中伏感,勁難食仲要勁貴!

日本 旅行
Lawson 炸雞是很多人的最愛。

日本 旅行

日本 旅行

02 | 溫暖的廁板

日本的廁板真心好服務,可以洗屁股,仲會暖笠笠,冬天去到一坐低,成個人都會暖晒!至於香港嘅廁板有幾凍,相信大家最近都體會到,坐上去嗰一刻,簡直會凍到想彈起身!

日本 旅行
暖暖的廁板認真很無敵!

 

日本 旅行

日本 旅行

除此之外,商場廁所的乾淨程度都好大分別,日本廁所非常乾淨,而且地下好乾爽,唔會濕淥淥!

日本 旅行
香港的廁所比起其他地方,已經乾淨很多!

日本 旅行

日本 旅行

03 | 食物有質素

有網友就覺得,香港雖然嘢食多,但冇樣精,小食方面周街都一式一樣,而且間間都係連鎖式,想食啲特色小店都要搵搵!相比之下,日本廚師對食材的認真已經完勝!

日本 旅行
有網友就嫌香港的小食太一式一樣。

日本 旅行
日本食物用料實在!

日本 旅行

日本 旅行

不過都有網友為香港平反,話喺日本唔食拉麵、燒肉、壽司、炸物就冇啖好食!而且香港煮法多,各國嘅料理都可以食到!美食呢樣嘢,真係各花入各眼啦!

日本 旅行
有網友就覺得日本食物來來去去都係嗰幾樣!

 

日本 旅行

日本 旅行

04 | 日本限定好吸引

雖然好多日本品牌都已經喺香港買得到,但好多產品都係日本限定,香港買唔到!好似Häagen-Dazs限定口味非常吸引、可口可樂新出桃味,又或者合味道的新出款等等,都只可以喺日本買到,所以去旅行一定要大掃貨!

日本 旅行

 

日本 旅行
1-2月新品超多!

05 | 服務業有禮貌

相比之下,好多網友都認同日本人好有禮貌,行入一間店舖,無論你買唔買嘢都會好好笑容,唔似香港一話「自己睇下先」就勁黑面!

日本 旅行
日本人的笑容真係好真誠。

日本 旅行

 

日本 旅行

06 | 天氣較宜居

日本的天氣都比香港好很多,香港夏天又熱又焗,冬天就勁濕凍,加上空氣污染愈來愈嚴重,難怪好多人都會有皮膚過敏、鼻敏感等問題。

日本 旅行

日本 旅行

相比之下,日本的冬天屬於乾凍,冇咁辛苦,而且比較乾爽!好多人一去到日本,皮膚就立即好咗,無論幾凍都唔會起濕疹,連上妝都比較貼服!

日本 旅行

07 | 冇人邊行邊食煙

喺香港好多人都會一路行一路食煙,不幸行喺煙民後面就要硬食二手煙,而且點避都避唔到!

日本 旅行

日本 旅行

日本煙民就會自己去吸煙區食煙,好多車站、商場都會設吸煙區方便煙民,唔會咁易臭到人,更加唔會邊行邊食,好有公德心!

日本 旅行

08 | 地鐵車廂乾淨又靜

坐車的時候唔會有人大大聲講嘢,非常靜,而車門開了之後,會耐心等入面的人先落後上。

日本 旅行
日本人先落後上的觀念依然可以保持!

日本 旅行

日本 旅行

 

日本 旅行

 

09 | 列車指示清晰

好多遊日的旅客都會覺得,日本的地圖超級複雜好難睇!但有唔少網友就大平反,話列車資訊牌好清楚,寫晒地點、第幾卡、月台號等等,完全唔難搵!

日本地鐵圖,幾時睇都會覺得好花!

日本 旅行

10 | 機舖選擇多

有鍾意打機的網友就分享日本機舖相比之下選擇多好多,機種比香港齊全,有TAITO、ROUND ONE 等,仲會喺機旁放條毛巾,可以抹乾淨再畀下一個人用,又或者會供應濕紙巾,夠晒貼心!

日本 旅行
日本機舖多,係好多日迷的最愛!

日本 旅行

 日本 旅行