講到日本奈良,相信大家都會諗起當地嘅鹿仔。只要畀少少錢買包鹿仙貝,就可以親親小鹿,餵鹿仔同佢哋影相。早幾日係日本黃金周連假,難得嘅假期,唔少日本人都一家大細出外郊遊,當然不少得去奈良餵鹿仔啦!但連假嘅人潮超多,加上觀光嘅旅客,令到奈良嘅鹿仔食到飽晒,甚至放到眼前嘅仙貝都唔肯食!

撰文:Alva | 圖片來源:Twitter、新傳媒資料庫

遊京阪神,必去奈良餵鹿仔

好多人去大阪、京都旅遊,都一定會抽一日去奈良公園,探下公園入面嘅鹿仔。

公園附近仲有好多檔仔賣「鹿仙貝」,去親都會平平哋買包餵下鹿。

日本黃金週
在奈良公園可以買鹿仙貝餵鹿。

黃金周連假,奈良小鹿被餵到飽晒

剛好上星期係日本黃金周連假,日本人都趁難得嘅假期一家大細出嚟玩。

但有唔少打算去奈良公園嘅日本網友都有點失望,因為當佢哋去到奈良買好鹿仙貝準備餵鹿時,發現鹿仔已經被人餵到飽晒,郁都唔想郁。

理想:餵鹿仔影靚相

日本黃金週
最理想係被成堆鹿圍住影相。

日本黃金週
或者餵住鹿仔影女神相。

現實:鹿仔見到你已經食唔落

日本黃金週
點知現實係,放塊仙貝喺佢嘴邊,佢都唔食。

日本黃金週
鹿仔內心OS:「Leave me alone……」

上年黃金周,同樣奈良鹿飽到唔想食!

其實上年同樣時間,都已經有網友指奈良公園好多人去,奈良嘅鹿已經被餵飽晒!

甚至前面成堆仙貝,鹿仔都不為所動,飽到冇胃口食。

其實每逢節日假期,遊客人流高峰期嘅時候,奈良公園都會出現呢個情況,入面嘅鹿仔都飽到唔想郁。

睇佢哋個樣,好似講緊:「放過我啦!人類!」

下一頁:觀光客注意 | 奈良公園鹿傷人案件大增 被咬的大部分是中國人!