【日本電車禮儀】香港港鐵就有明文規定,無論係車廂內定係月台都禁止飲食。雖然日本嘅電車公司冇明文規定,但之前有網友去日本玩,只係喺電車內食咗條百力滋,就有日本人同佢講電車內唔可以食嘢。平時搭日本JR,都會偶爾見到有人喺電車內食嘢,例如飯糰、麵包等小食。咁其實,日本電車車廂內究竟食唔食得嘢呢?

撰文:櫟隊|圖片:irasutoya、新傳媒資料庫|編輯:C

日本電車禮儀:車內能否進食?

之前有香港網友去日本玩,因為搭電車時食咗條百力滋,便被日本人提點車廂內不准飲食。呢件事引起網友們嘅關注及討論,明明冇明文規定,點解又會被其他乘客話?喺電車內飲食其實需要注意啲咩?

網友喺日本車廂內進食,被日本人提醒唔應該咁做。
網友喺日本車廂內進食,被日本人提醒唔應該咁做。

長途列車得?一般列車唔得?
長途列車得?一般列車唔得?

唔整污糟地方就可以食?
唔整污糟地方就可以食?

網民話唔影響到其他人就可以。
網民話唔影響到其他人就可以。

截圖自facebook
截圖自facebook

截圖自facebook
截圖自facebook

截圖自facebook
截圖自facebook

截圖自facebook
截圖自facebook

截圖自facebook
截圖自facebook

日本JR鐵路公司 對車廂內飲食的回應

早於2017年,就有日本網友因為有人喺電車內食味道強烈嘅食物,而直接問過JR鐵路公司,而JR嘅回應係「目前尚未制定禁止車廂內飲食的規則」,網友便理解為係允許進食。

JR鐵路公司表示冇明文禁止車內飲食。(圖片來源:JR東日本official facebook page)
JR鐵路公司表示冇明文禁止車內飲食。(圖片來源:JR東日本official facebook page)

不過與此同時,卻有一條曖昧嘅規定:「禁止為他人造成困擾的行為」,即係若有人認為車內飲食係打擾到周邊人嘅話,就不得不對此作出對策。咁⋯⋯應該要點樣判斷手上嘅食物能否於電車上進食呢?

日本網友:食飯糰都唔好

有日本網友猜想「三文治、飯糰呢種程度就應該冇問題」,不過都要睇下餡料傳出嘅味道是否強烈。網友指,曾經見過有人喺電車內食啲好難以置信嘅食物,例如牛肉飯、便當、蕎麥麵、杯麵、麥當勞及pizza,而且仲好悠然咁喺電車內慢慢食。

圖片來源:東京Metro manner poster
圖片來源:東京Metro manner poster

有網友回應,能夠一口食完嘅話就冇問題,但如果要超過一口先食得晒嘅食物,就應盡量避免,例如香口膠、糖、獨立包裝嘅朱古力都可以,但飯糰、麵包或三文治呢啲就無法接受。

JR公司表示:「目前尚未制定禁止在電車內飲食的規則。」
JR公司表示:「目前尚未制定禁止在電車內飲食的規則。」

日本人又點睇?

2014年曾經有一個「關於電車內飲食」嘅調查,訪問咗500名日本人,認為「冇問題」嘅有91個人(佔18.2%),覺得「唔可以飲食」嘅有172人(佔34.4%),而「視乎場合而定」則有237人(佔47.4%)。訪問中,好多人對電車內飲食都表示不贊成,以下有一啲雙方意見例子。

大家對喺電車內飲食有咩睇法呢?
大家對喺電車內飲食有咩睇法呢?

認為電車內飲食冇問題嘅人認為⋯⋯

如果沒有溢出氣味的話,就不會造成困擾(31歲.女性)。

如果在趕著外出的時候沒有時間吃東西,在一定程度的常識上是可以的(27歲.男性)。

車站飯盒是為了在電車內進食而存在的,本來應該可以食,但TPO(時間、地點、場合)也很重要,如果是在擁擠的環境下,對別人造成困擾就不好了(39歲.男性)。

大多數人都覺得只要唔影響到人就冇問題。
大多數人都覺得只要唔影響到人就冇問題。

認為電車內不能飲食嘅人認為⋯⋯

對氣味和咀嚼時的聲音很在意,所以希望停止這種行為(24歲.女性)。

覺得會把灰塵也食進口裡,很不衛生(27歲.男性)。

令周邊的人困擾(29歲.男性)。

有日本藝人示範,如想於電車內食肉包呢種氣味強烈嘅食物,應該搵個袋套住自己,唔好令味道四散⋯⋯(圖片來源:桃乃木かな公式Twitter)
有日本藝人示範,如想於電車內食肉包呢種氣味強烈嘅食物,應該搵個袋套住自己,唔好令味道四散⋯⋯(圖片來源:桃乃木かな公式Twitter)

日本人又有冇試過喺電車內食嘢?

日本民營鐵道協會於2013年曾發表過「2013年度車站與電車內的困擾行為排行榜」,其中得到9.9%排第13位嘅,就係「曾於擁擠的電車內飲食」。而J-Town.Net於2014年11月6日-28日期間的23日中,曾就「在電車內飲食⋯⋯有?冇?」呢一個主題進行咗一個問卷調查,一共收到1,437人回答。

全國集計嚟睇,答「有」嘅人佔46.8%,而答「冇」嘅,略超於答「有」嘅人,共佔53.2%。答「冇」得票率最高嘅都道府縣為首都圈、名古屋、大阪、神戶、札幌、福岡等大都市居多。另一方面,答「有」嘅地區包括四國、九州、東海等地。

J-Town.Net嘅調查結果。
J-Town.Net嘅調查結果。

月台上點解會有便利店?

明明咁多人都覺得唔可以喺電車內食嘢,又或未試過喺電車內進食,但點解差唔多每個站嘅月台都有便利店呢?咁係咪即係可以喺電車內飲食?日本禮儀邊有咁簡單!即使有便利店,都唔代表可以喺電車內飲食,呢間便利店其實係畀使用者於月台等車時,或者喺等候室時食嘅。

冇明文規定=可以食嘢?

咁多人都話車廂內不應飲食,咁點解唔寫到明?咁係因為日本好多人都好自律,而且都好注重禮儀。佢哋認為禮儀等同於一般常識,而一般常識係唔需要寫出嚟,大家都會自律遵守。

唔係去到好冇人性咁,連水都唔飲得,只要唔影響到其他人,其實食少少食物都係可接受嘅。加上日本人都好注重TPO(時間、地點、場合),所以下次去到日本,要記得唔好買啲味道濃烈,或有機會影響到人嘅食物並於車廂內進食喇!

大氣味嘅食物會影響到其他人㗎!
大氣味嘅食物會影響到其他人㗎!