櫻花妹最愛日本清涼法寶有啲咩?夏至剛到,香港已熱到日日 33 度,不要以為日本緯度高夏日就輕涼些,6 月尾無論是關東還是關西,都發出熱中症嚴重警告。但不得不佩服日本女性,日日 30 幾度,烈日當空,不但唔見佢地香汗淋漓,溶妝化眼線亦唔太覺眼,唔通日本人用日本化妝品先有呢個化學作用?非也,只要細心留意,就知大家的手袋中放有唔少法寶!

Text | 七七子 Edit | Kingyo Hsu(原文刊於SundayMore)

【櫻花妹的必備防曬】

01)  一手搞定防曬噴霧

對我來說,第 2 重要必定是防曬,但七七子為人懶到出汁,要我每小時由頭到腳補防曬一次,難難難!

由上戶彩代言的Kose防曬,推出多款功效不同的防曬噴霧,約¥498。
由上戶彩代言的Kose防曬,推出多款功效不同的防曬噴霧,約¥498。

但去年開始,我選用KOSE噴霧式防晒,擁有SPF50+及PA++++防曬功效,其中幾款配有美白、涼肌或防蚊成份,不止手腳,就連面及頭髮亦可直接噴灑,簡單直接,一隻手就搞掂。

2016年防曬皇牌ANESSA推出的噴霧裝,主打運動形女性,去船P應該最合適不過, 約¥1,800。
2016 年防曬皇牌ANESSA推出的噴霧裝,主打運動形女性,去船P應該最合適不過, 約¥1,800。

今年賣斷市的防曬品牌亦加入噴霧戰團,雖然貴KOSE成倍,但講明流汗、游水都用得,吸引力非常,不過約一星期就用完,有少少肉痛,加上噴霧裝不宜帶回香港,記得小心。

02)  99% UV CUT 日傘!

日傘,意思指為擋大太陽的遮,相對於雨傘,日傘較為細把, 但因為日本好天時陽光非常猛烈,所以日本女性對日傘亦極之有要求,不但最好擁有 99% UV CUT,外觀亦十分講究,可說係Fashion既一部分。每逢夏天,各大百貨公司地下的雨傘部總會人頭湧湧,經七七子觀察,日傘由¥2,000 至¥20,000 不等,去年我就買左悄有名氣的鐮倉Kagoo兩用傘,此牌子手感扎實,每把約¥3,600,唔算貴之餘款式偏向和風路線,有花火、繡球花等花紋,顏色唔會太沉亦唔太花巧,擋太陽擋雨亦無問題。

夏日-止汗-防曬-_01

Click上官網,發現今個夏天推出了新款式。
Click上官網,發現今個夏天推出了新款式。

【櫻花妹止汗法寶】

除咗美白保濕對抗真夏,櫻花妹子們每日都會帶備清涼及抗汗用品,一來保持個人衛生,二來避免不必要的尷尬場面。

03)  -30 度涼感噴霧

可直接吸到皮膚身上的-30度涼感噴霧,於節能的日本效用非常!¥718。
可直接吸到皮膚身上的-30 度涼感噴霧,於節能的日本效用非常!¥718。

涼感噴霧,大家都應該好熟悉,噴於衣服上,帶來清涼感覺。不過今次七七子來推介的,係為長髮或頭髮厚的女性面設的,頭皮涼感噴霧,唔駛我多講,長髮的你感覺好明白!

樽身加入波點設計,一睇就知以女性為目標,長髮的你,想唔想要一枝?¥718。
樽身加入波點設計,一睇就知以女性為目標,長髮的你,想唔想要一枝?¥718。

04)  爽快濕紙巾

爽快濕紙巾,當中Biore推出的一系列濕紙巾深受OL們追捧,因為一抹,不但感覺 涼 ,仲會有用左爽身粉既手感,果份令自己都討厭既癡手感覺瞬間抹走,今個夏天仲加推果莓香味,香到搽左香水一樣。

Biore爽快果莓香味濕紙巾,個人認為需要大量入貨返香港日用夜用,¥198。
Biore爽快果莓香味濕紙巾,個人認為需要大量入貨返香港日用夜用,¥198。

Daiso 100Yen店都推出多款冰涼濕紙巾,俾大汗男朋友做手信,唔錯架。
Daiso 100 Yen店都推出多款冰涼濕紙巾,俾大汗男朋友做手信,唔錯架。

05)  止汗劑及吸汗貼

止汗劑及吸汗貼,你會話香港都有啦,但香港朋友卻成日托我購買,原因無他,就係因為香味夠多,清爽舒服。另外,日本OL亦會用腋下吸汗貼,兩重準備,以免尷尬。

日本銷量NO.1的SEA BREEZE深受年清一代歡迎, ¥429。
日本銷量NO.1 的SEA BREEZE深受年青一代歡迎,¥429。

腋下吸汗貼不是女性專利,男士都有份,¥108。
腋下吸汗貼不是女性專利,男士都有份,¥108。

06)  限定涼肌衛生巾

幾年前開始女性用品品牌「超熟睡」開始每逢夏天推出涼肌限定版衛生巾,沒有想像中的薄荷涼快感,但透氣及舒爽度的確很明顯,女性恩物也。

超熟睡女性用品限定推出涼肌系列,貼心涼夏用品,每年都好快斷貨!¥298。
超熟睡女性用品限定推出涼肌系列,貼心涼夏用品,每年都好快斷貨!¥298。

07) 涼感頸巾

細個阿媽會叫你雪條毛巾入冰箱帶出街用,不過總會嫌重又麻煩。近年大為流行的冰涼頸巾,用法輕鬆方便,而且唔會過凍凍傷後頸,又可循環使用,值得買條慢慢用。

人氣雪條牌子ガリガリ君都學人推出Ice Towel同退熱貼,仲要只售¥108 (Daiso出售)。
人氣雪條牌子ガリガリ君都學人推出Ice Towel同退熱貼,仲要只售¥108 (Daiso出售)。