【餐前蔬菜汁減肥法】雖然好多人都聽過「蔬菜汁減肥法」,但大家都會以為係用蔬菜汁取代正餐!其實今次有少少唔同,係「餐前蔬菜汁減肥法」,即係完全唔使節食,當然更唔使做運動,就可以輕輕鬆鬆減到肥。係咪好想試下呢?咁究竟係咩原理?又要點樣實行呢?

撰文:主場・日本    圖片:電視截圖

餐前沙律減肥法大熱

日本電視節目《林先生が驚く 初耳学》中提到,日本女生最近流行「餐前沙律減肥法」,因為先食沙律再食正餐,會減慢血糖值突然急升!

飲蔬菜汁跟食沙律有一樣效果!

節目指,其實唔使食沙律咁麻煩,飲蔬菜汁,其實都有同樣的效果!

但同時,有唔少人擔心,在製造蔬菜汁的加工這程中,有唔少營養會流失!

真人實測!

為了測試飲蔬菜汁有冇同樣的功效,節目找來一位小肥的女生來做實驗!

結果:一個月減了3.8公斤!

維持「餐前蔬菜汁減肥法」一個月之後,小肥女生再上磅,發現輕了3.8公斤!腰圍減了8.2公分!好厲害啊~

點解蔬菜汁都work?

大家都唔明白點解飲蔬菜汁同食新鮮蔬菜有同樣效果,所以節目搵咗營養師關口絢子問個明白。關口小姐指出,原來蔬菜汁含有非常豐富的茄紅素,而茄紅素就是用來抑制血糖上升的。另外,蔬菜汁亦較易被人體吸收!

「餐前蔬菜汁減肥法」成功秘訣

想成功減肥,有兩點是必須跟著做的:

  1. 每日3餐前都一定要飲蔬菜汁。
  2. 必須於餐前30分鐘飲。