【日本熱話】由細到大,阿媽買鞋時都會叫買「大一隻手指位」,原來唔止係香港人的習慣,日本人都會咁做!不過,以後可能要認真考慮一下應唔應該買大一個size的鞋!因為,剛剛播出的日本電視節目《林先生が驚く 初耳学》中,指出著過鬆的鞋會腳臭呀! 原因竟然係……

撰文:主場・日本 | 圖片來源:電視截圖

超過7成人買大size鞋

電視台職員訪問了50名日本男女,當中有38人都表示會買比對腳大的鞋,只有12人回答買合size的鞋!

大部分人都表示唔喜歡夾腳,所以買較鬆身的鞋。

腳臭原因:出汗!

著大size的鞋會引致腳臭,原因係摩擦出汗!

真人測試

節目做了個實驗,模特兒分別著合size的鞋及大1cm的鞋,步行30分鐘,再測試腳部溫度的變化。

結果發現,著大1cm的鞋,雙腳外側的腳趾,溫度都會比較高!

因為size唔啱,外面的腳趾會「努力」撐住隻鞋,所以溫度上升,繼而流汗!

腳臭的成因,是細菌會將汗發皮脂分解!但如果著合size的鞋,便不會過分地出汗,那就減少腳臭的發生!

就算想穿得舒適一點,最多都只可以買大0.5cm的鞋!

下一頁:【 FlyJapan 】除鞋臭暈身邊人 腳臭煩惱超困擾|7招冬日防腳臭