【日本熱話】日本係出晒名嘅「高壓社會」,而且日本人文化傾向「壓抑」,打工仔苦不堪言,自殺率高企。喺呢個咁嘅環境之下,竟然仲有手機app公司研發「奴隸監測app」!原意係為咗提升職員工作動力,但通常最後只會……唉,你明啦!

撰文:Carmen|圖片來源:日本電視台NEWS

以1步作單位 監測上班中步數

呢個「社畜」app面向需要外出「跑業務」嘅營業員公司,每走一步都會被記錄低,同時仲會顯示埋你所行嘅步數喺公司內排行第幾。

外出「跑業務」嘅營業員,每行一步都會被記錄。
外出「跑業務」嘅營業員,每行一步都會被記錄。

統計步數後,仲會顯示公司內排名。
統計步數後,仲會顯示公司內排名。

雖然,本來就有手機app係畀營業員填寫業務報告等工作,但一加插咗步數統計,立即惹來網絡激烈討論!

加入「步數管理」功能後,就惹來廣泛討論!
加入「步數管理」功能後,就惹來廣泛討論!

唔少聲音提到擔心造成「過於苛刻的勞動」、「將行動監視形式化」等問題。

擔心工作環境惡化嘅網絡聲音。
擔心工作環境惡化嘅網絡聲音。

開發原意:老闆能讚賞職員的付出

研發「奴隸監測app」嘅日本公司負責人指,呢個app嘅原意係提升新入職職員嘅工作動力,令佢哋喺未習慣業務工作,未能做出實績時,老闆都可以通過職員嘅步行總數嚟知道職員有冇偷懶,等新職員唔使捱罵之餘,老闆仲可以讚賞職員步數多,有做出努力。

開發原意:新人得唔到業績,有機會被老闆誤會偷懶而被訓斥。
開發原意:新人得唔到業績,有機會被老闆誤會偷懶而被訓斥。

開發原意:老闆可通過步數了解新人並冇偷懶。
開發原意:老闆可通過步數了解新人並冇偷懶。

開發原意:新人不用被罵,老闆亦能跟進新職員情況。
開發原意:新人不用被罵,老闆亦能跟進新職員情況。

唔止公司內 仲有全國排名!

研發公司負責人仲話,加入咗遊戲成分……全國導入咗呢個系統嘅公司,都會自動「參加」呢個排名,比較1日內日本全國邊個縣嘅營業員行得最多路。負責人話希望以遊戲形式,喺公司內比較邊個行得最多路嚟炒熱工作氣氛。

導入系統嘅公司可以睇埋全國步數排名!
導入系統嘅公司可以睇埋全國步數排名!

負責人表示app能成為公司內一個遊戲。
負責人表示app能成為公司內一個遊戲。

通過比較同事大家嘅步行總數嚟炒熱工作氣氛。
通過比較同事大家嘅步行總數嚟炒熱工作氣氛。

聽聞有導入咗呢個系統嘅公司搞咗個「走很多路了呢賞」(歩いたね賞)頒畀行咗好多路,但業績都冇乜點增長過嘅同事。真係想訪問下得到呢個獎嘅同事當下嘅心情。

唔知得到呢個「步行賞」嘅同事係咩心情呢?
唔知得到呢個「步行賞」嘅同事係咩心情呢?