【日本熱話】不少香港人近年喜歡到日本買樓投資,有沒有考慮去東京近郊置業呢?最近有日本網民在Twitter出post,表示自己老家附近有棟泡沫經濟遺留下來的高層住宅,10萬日圓(約7千港幣)起就買到,而且以「滑雪放題」、「附設溫泉」、「附設暖水泳池」、「無限大的房間」作賣點,即刻吸了4萬幾個likes及引起網民熱烈討論,究竟係咪咁抵?定係有鬼?

撰文:主場・日本    圖片:網上圖片、相關機構、新傳媒資料室

出post十日即吸4.2萬likes!

這位名為ヒュージ‏(HUJI)的網民,於12月10日在Twitter出post,至今已經有超過4.2萬個likes、3.4萬個retweet(即share),更引來不少網民留言討論!雖然建築物外觀被他自己形容似「卒塔婆」(即佛塔或舍利塔),但睇相都算正正常常,背後仲有無敵的雪山景,大廈內又有溫泉又有暖水泳池,7千蚊真係買到一個單位?係真唔係呀?

東京近郊置業

看大堂及溫泉的照片,感覺似大型的溫泉酒店多一點!

東京近郊置業
大廈內有溫泉。

東京近郊置業
桑拿浴室。

東京近郊置業
健身室。

東京近郊置業
投幣式洗衣機。

東京近郊置業
放滑雪用具的ski lockers。

講都唔信!東京坐新幹線80分鐘就到!

咁抵買,香港人覺得一定會在「山卡拉」的地方,例如北海道或東北一帶較偏遠的鄉鎮,否則就一定係凶宅或有鬼!唔使擔心!有外觀的相,日本的網民當然即時起底,好快就check到呢棟大廈叫做「ライオンズマンション越後湯沢第3」(Lions Mansion越後湯沢第3)。越後湯沢?冇錯!就係香港人好喜歡冬天去滑雪的越後湯沢,由東京坐新幹線,最快80分鐘就到!

東京近郊置業
唔單止由東京坐火車去越後湯沢近,由車站行去大廈,都只係4分鐘!

東京近郊置業
越後湯沢跟香港人最愛的Gala滑雪場,只是相隔一個JR站,車程只需3分鐘,滑雪季節更有免費穿梭巴士往來。

即刻睇,有冇7千蚊咁平!

如果你喜歡滑雪,係咪覺得好吸引呢?一年去滑一兩次雪都回本!因為當地附近的溫泉酒店,在滑雪季節每晚房租都起碼千幾二千蚊,不如自己買間住仲抵!於是我上網check價錢,發現最平一間要200萬日圓,即是約14萬港幣,雖然都算好抵,但卻未至於有衝動買啊!

東京近郊置業
最平的單位要200萬日圓(約14萬港幣),面積約417呎,其實都好抵買!

東京近郊置業
房間沒有特別的間隔,飯廳、客廳跟開放式廚房都是這裡!

東京近郊置業
就算你仍然覺得好抵買,但都請三思!因為每個月的管理費加雜費,還有每年的稅項,加起來,每年要2萬幾蚊!

泡沫經濟遺產

話說80年代中至90年代初,日本泡沫經濟的年代,全國各地都流行發展度假村,滑雪場及高爾夫球場愈開愈多,附近一帶當然是起樓起酒店,同時吸引了不少人買屋來做別墅!但隨著泡沫經濟爆破,加上大家對滑雪及打golf的熱情冷卻了不少,以湯沢町為例,有6成的別墅,屋主一年都不會住到一次!

東京近郊置業
雖然「Lions Mansion越後湯沢第3」沒有網民說得那麼便宜,但在湯沢町的確可以用10萬日圓(7千蚊)買到一層樓!

冷知識:買滑雪場別墅,原來關〈Last Christmas〉事?

每年聖誕,無論在香港還是日本,在商場或是餐廳,都總會不停不停不停聽到Wham!的〈Last Christmas〉!明明是首講失戀的歌,但卻在普天同慶的日子日播夜播,聽到人心都煩!(不是嗎?)原來,日本人在80年代流行滑雪及在滑雪場附近買樓,其實〈Last Christmas〉都要負一點責任!話說這首歌在1984年推出,紅遍全球,而MV入面,就是以滑雪場及滑雪場旁的別墅做背景!

東京近郊置業
MV的拍攝地在雪山。

睇片: