【影相技巧】各位男朋友有冇試過幫女朋友影相時,無論影幾多張,女朋友都係唔滿意?唔好灰心住!睇睇最著重可愛嘅日本女生點影相,下次幫女友揸機影相時,就唔怕影到女友發晒脾氣啦!

撰文:Carmen|圖片來源:網絡、Instagram

日本女生影相潮流

日本Twitter流行一個名為#彼女とデートなうに使っていいよ嘅tag,意思係可以用作「正在與女朋友約會喔」。喺日本女生之間,形成咗最受歡迎嘅影靚相潮流,爭相影出可愛感滿滿嘅「偽女友」照。咁要點先影到呢種相呢?

表情篇

1|笑容

笑容無疑係最強表情,但影女友感嘅相,最重要嘅係「像孩子一樣」嘅咧嘴笑。

因為係男朋友影緊女朋友,所以請擺出「只在男朋友面前展露」嘅笑容!不造作嘅自然笑容係重點!

2|視線稍微錯開

擺出一個好像思考緊嘅表情,唔望鏡頭,稍微錯開視線,可以營造出大人感嘅可愛。

有種喺不知情下被突然影咗嘅感覺,效果都好好!

能夠咁近距離影女朋友係男朋友嘅權利!如果喺影相時會在意鏡頭,而無法擺出好表情嘅話,呢種影相方法相對簡單,推薦試試!

3|可愛地望鏡頭

習慣後,就可以嘗試擺出可愛表情望鏡頭,帶少少「小惡魔感」嘅表情,更可令睇到相嘅人有心動嘅感覺!

https://twitter.com/MhMeqc/status/1021048764620931073

視線稍為向上,面帶微笑,表情淡淡不誇張就可。

動作篇

1|手肘放桌

影相必備pose!除咗有小臉效果,亦都能夠營造可愛感,非常推薦!

如果決定唔到要擺咩pose,咁就做「牙痛pose」,用手遮蓋輪廓啦!

2|冇任何pose

另一款就係冇擺任何pose,似係講講下嘢突然被拍攝嘅感覺。

其中最重要嘅係「自然感」!

因為如果決定咗pose,就會自然地連表情都會擺好,影相時,須注意呢一點!

3|同食物一齊影

同食物一齊影都係其中一種技巧。

因為食緊嘢時嘅表情最為自然,可以更易拍攝到充滿女友感嘅可愛照片。

而且,因為唔需要故意擺出任何表情,所以推薦呢種拍攝手法!

常見問題

最新的日本入境及疫苗要求詳情?

日本入境開關最新消息,本厚生勞動省公布了最新入境放寬政策的詳情有打針及沒有打針都有相關的方法入境。在入境日本前,建議先用Visit Japan Web完成一部分檢疫手續,便能更快速地入境日本,即睇使用教學,例如註冊步驟及同行家人如何填寫等,以及買定日本電話卡。而日本回港時,香港政府早前都發表了最新的香港入境檢疫措施。立即看。

去日本有什麼好去處及景點推介?

未諗好去邊好,可以看留意東京自由行大阪自由行沖繩自由行大阪新Outlet以及北海道自由行