日本人創意無限, 日本文具 設計外型美觀之餘,功能亦十分實用,改良傳統文具變成全新設計亦得!以下 9 款創意又實用的 日本文具 ,文具控絕對不能錯過!
撰文:Penny  | 圖片:網上圖片

01| 無MEMO紙 用靜電黏著板

隨手用紙/MEMO 記事,怕過一陣唔知飛左去邊?日本 KING JIM 的靜電黏著板,可將紙條、卡片用靜電貼在板上,桌面更整齊企理,亦不怕紙張周圍飛。更多詳情:KING JIM

02| 畫圖最啱用 五角擦膠

KOKUYO 設計這款擦膠,一舊有齊三角形、3mm、4mm、5mm、6mm五種闊,在使用時可以輕易作出細微修改,不怕擦出界,畫圖好啱用!更多詳情:KOKUYO

03| 環保為上 隨行白板筆記簿

Obun 這本簿就像一塊便攜白板,可以使用白板筆塗畫。全新設計更配有相應的APP,將筆記電子化。白板簿輕巧,最適合傾 project、見客、brainstorming,不怕浪費紙張,環保至上。更多詳情:Obun

04| 唔用螢光筆 極幼彩色螢光memo紙

想在書上記下重要句子,又不捨得用螢光筆塗花心愛的書?用這款極幼螢光memo紙,可以把句子記下,又不怕弄花本書!咁喺圖書館借嘅書、朋友借俾你嘅書、想用完賣番出去嘅書,都可以放心做筆記啦!更多詳情:www.amazon.co.jp

05| 終於出現!斜寫筆記簿

其實好多人寫字都鍾意打斜個身,依一款筆記簿的格線,是用對角傾斜的設計,打斜寫都得,創意十足呀!更多詳情:Select Penguin – Rakuten Japan

06|  激似!鯖魚筆袋

這款筆袋外型就是一條烤鯖魚,你以為得個樣?把筆袋打開,內裡的印刷一樣像真度極高!更多詳情:

打開筆袋,連魚肉及魚骨都看到,就像切開一條真鯖魚一樣!(圖片來源:mousou kousaku)

Mousou Kousaku

網站shop.mousou-kousaku.com

07|  家用亦可 便攜碎紙機

需要掉棄含個人資料的文件,但又沒有碎紙機時,很多人都會選擇徒手撕碎。HARAC 就設計出便攜碎紙機,可隨時將私人信件剪碎,小巧設計,剪碎文件話咁易。更多詳情:HARAC

08|  大人細路都啱用 超貼心剪刀

這款剪刀是 HARAC 另一創意產品,有別於傳統剪刀,使用時只需輕按圓形的部分,即使手力較弱的老人家也能控制。而且刀背上加了保護套,不怕剪到手,小朋友用都ok!更多詳情:HARAC

09|  寫哂全板都得 軟環記事簿

傳統鐵線記事簿,最常在寫字的時候被鐵圈頂住隻手,唔可能寫晒全版紙,收藏筆記簿時鐵圈亦會凸出,無辦法同其他書簿拍齊。kokuyo 設計的D 型軟環記事簿,軟環不會阻礙書寫,仲可以拍齊內頁。書寫時可以用盡全版紙,亦唔怕隻手頂住。更多詳情:kokuyo