日本便利店零食 速報!踏入 4 月,又係時候睇睇今期有咩好嘢食!

1) Haagen Dazs蜂蜜牛奶雪糕


Haagen Dazs又出新口味喇!乳酪風濃郁牛奶味雪糕,混合埋甜度啱啱好嘅蜂蜜醬,甜甜酸酸咁,好味又健康,啱晒呢個春夏季。

Haagen Dazs蜂蜜乳酪味

【地方】日本全國便利商店、超級市場
【日期】4月19日
【價格】294YEN(含稅)

2)Kiri芝士甜品新款3種

Kiri近日真係好積極咁同唔同品牌、便利店推出特別商品,之前嘅忌廉芝士脆脆雪條同雪糕個個都讚不絕口,今個月又同專做甜品嘅Pureshiam一齊推出3款新甜品﹕白芝士蛋糕卷,層芝士撻,芝士泡芙。3款都用左26﹪嘅Kiri忌廉芝士,非常軟滑。

Kiri新款甜品3種

【地方】日本全國便利商店、超級市場
【日期】4月1日
【價格】白芝士蛋糕卷 500YEN(不含稅) | 層芝士撻160YEN(不含稅) | 芝士泡芙250YEN(不含稅)

 

3)1條$16史上最高級茶味KitKat

KitKat最新推出嘅「I ♥ TEA」 系列非常矝貴,1條索價差唔多$16,到底有咩咁特別?原來用左好多高級茶葉去整,唔怪之得咁貴!有玉露、宇治茶、玄米茶、烏龍茶同紅茶5種,睇下條白朱古力完全見唔到白色就知落咗幾多料,保證夠晒茶香。

KitKat茶味

【發售地方】日本全國便利商店、超級市場
【發售日期】4月1日
【價格】各230YEN(不含稅)

4)Chiroru 母親節培植康乃馨Box Set

Chiroru 期期都有得意嘅新口味,今次就唔係玩味道,而係玩Package。嚟緊5月母親節,Chiroru就出呢個可以種康乃馨嘅Box Set。入面有10粒朱古力,有士多啤梨碎餅同咖啡鳥結2種口味,仲有康乃馨種子,培養土同埋說明書,只需要用Box Set個盒做盤就可以種到,非常簡單。

Chiroru母親節特別版Box Set

【地方】日本全國便利商店、超級市場
【日期】4月4日
【價格】300YEN(不含稅)

 

5)龜田製菓 史上最辣米菓

鐘意辣嘅朋友有福喇!上年同前年龜田製菓都期間限定咁出過5倍辣嘅米菓,但啲人嫌唔夠辣,話要再辣啲,所以今次就再提高辣度到7倍,鐘意食辣嘅朋友快啲挑戰下喇,期間限定到6月尾咋!

龜田製菓7倍辣米菓

【地方】日本全國便利商店、超級市場
【日期】4月4日
【價格】119YEN(不含稅)

下一頁:仲有5款推介  「章魚燒」芝士撻都有?

6)白桃牛奶布甸

食完士多啤梨,又到食白桃嘅季節喇!專出布甸嘅Ohayo就率先推出白桃牛奶布甸。採用乳脂較多嘅娟珊牛牛奶,奶味濃郁,加上白桃果肉,可謂雙重享受。

白桃牛奶布甸

【發售地方】日本全國便利商店、超級市場
【發售日期】4月5日
【價格】開放定價

 

7)不二家 北之芝士撻

北海道芝士撻咁紅,不二家都出埋一份,?下嘅長線品牌Country Maam 今次就推出北之芝士撻,用北海道產嘅cream cheese同cream做成,加上西西里島產嘅檸檬汁做調味,甜而不膩。

日本便利店零食

【發售地方】日本全國便利商店、超級市場
【發售日期】4月5日
【價格】303YEN(含稅)

 

8)Pocky高原軟雪糕味百力枝

話咁快又春天喇,Pocky都換新裝,出咗隻高原軟雪糕味。用牛奶同雲呢拿調和,完全重現軟雪糕嘅味道。最得意嘅係個包裝有得玩,只要將包裝背面對住陽光,就會浮現Snoopy人物嘅公仔,盒盒都唔同,睇下你抽中邊個!

pokky-yokoku1604_16

【發售地方】日本全國便利商店、超級市場
【發售日期】4月5日
【價格】135YEN(含稅)

9)明治橙啤酒味、黑芝麻味朱古力

明治嘅「朱古力效果」系列一向都係高可可豆成分嘅朱古力產品嘅銷量No.1,可可成份高達72﹪。今次推出2隻新口味,1隻係洋式嘅橙啤酒味大豆脆脆,另1隻係和式嘅黑芝麻味玄米脆脆,好味又健康。

明治橙味黑芝麻味朱古力

【發售地方】日本全國便利商店、超級市場
【發售日期】4月5日
【價格】各220YEN(不含稅)

10) 法式焦糖燉蛋朱古力

森永製菓嘅Bake系列又出新口味,今次係法式焦糖燉蛋味,外面燒到脆一脆嘅焦糖,入面就係入口即溶嘅朱古力,個微焦樣夠晒吸引!CM 仲搵埋嵐嘅大野智黎拍,認真落足本做宣傳。

森永製菓法式焦糖燉蛋味朱古力

【發售地方】日本全國便利商店、超級市場
【發售日期】4月5日
【價格】194YEN(含稅)

 

特別推介!!Pablo大阪道頓堀店限定  「章魚燒」芝士撻

話說4月1日Pablo喺官網發表咗一則衝激性嘅新聞,表示將會發售新商品「Mini芝士撻 章魚燒」,仲言之鑿鑿話會用道頓堀川產嘅章魚添!點知原來係愚人節流料。但第二日官網又再發表多一則同標題嘅新聞,但內容就完全唔同,原來今次呢個似章魚燒嘅「章魚燒芝士撻」先係真新商品!芝士撻上面嘅章魚燒其實係泡芙,醬油係朱古力醬,沙律醬係馬斯卡邦尼芝士忌廉,紫菜碎係宇治抹茶粉,鰹魚絲就係焗過嘅椰子碎,賣相真係好趣緻!呢隻新甜品只係得道頓堀嘅 Pablo Premium Café 先有得食,去開大阪嘅朋友千其唔好錯過。

Pablo燒八爪魚丸芝士撻2

【發售地方】Pablo大阪道頓堀店
【發售日期】4月1日
【價格】1,111YEN(不含稅)

*以上價格只供參考

延伸閱讀:

日本 芝櫻|賞花必到4大好去處

日本貼心 藥妝 令你變完美女孩!

Snoopy Museum Tokyo 開幕 | Fans 做足功課未?