東京就連機場都是濕平天堂!不管你是否購物狂,都會在機場最後衝刺買手信!T1、T2共有超過100間店舖,成田機場必買手信多的是,半價手工蛋卷、機場限定文具精品等!雖然店舖位處禁區外,不過場內不時有折扣優惠,買到退稅話咁易,下次記得儲定彈藥留喺上機前盡地一煲!

Text:阿妹今晚去旅行

成田機場必買 8大手信店

港人最常在成田T1或T2登機,最後衝刺買手信一定要眼明手快!記者整理出編輯部同事私心推介,T1及T2都有份,總有一款啱心水!

T2 4大必掃手信店

01 | Blue Sky必掃日式食品特產

跌錢指數:★★★★★

Blue Sky有售各種食品、甜品糕點,作最後衝刺的好地方,在T2回港,必來這裡掃手信!

Blue Sky

地址:4/F, No.58

02 | 伊東屋掃機場限定精品

成田機場的伊東屋絕對是文具控天堂!機場店經常推出限定精品,到訪當日就被航班指示板造型的鉛筆深深吸引!還有一系列富士山精品,360度富士山書、富士山小擺設、明信片、就連富士山劍球都有得賣,超毒!

跌錢指數:★★★★☆

伊東屋

地址:4/F, No.15

03 | Air Bic Camera最後血拼

跌錢指數:★★★★☆

一直有感在機場買家電,感覺很老土。殊不知T2 的Bic Camera專門售賣輕巧旅行家電,摺疊風筒、電髮棒、熨斗等多得令人花多眼亂,加上8成以上電器海外適用,害記者很老土地買了枝電髮棒!

Air Bic Camera

地址:4/F, No.29

04 | NIPPON CHACHACHA掃和風銀包

跌錢指數:★★★☆☆

深得少女歡心的Nippon CHACHACHA,店鋪售賣多款日式風情小布袋,一些地方特產如九谷燒廚具賣相精緻,家品控不妨一看!

NIPPON CHACHACHA

地址:4/F, No.49

必睇T2 LOCKER位!

去機場shopping,最理想當然是先將行李寄倉!不過太早到機場的話,租機場Locker也是不錯選擇!T2 Locker位集中在3樓,R及D段對出,提提大家,即使check in後,仍要預留至少1小時過關呢!

T1 4大必掃手信

05 | 手信福音!平價掃Yoku Muku

跌錢指數:★★★★★

邊個話在機場買手信一定等於行貨?要買平靚正手信記得要到東京食賓館,店內售賣的手工牛油蛋卷Yoku Muku售價比香港平近一半,多買幾盒送同事都唔肉赤,成田機場必買item!

 

東京食賓館

地址:4/F, No.31

06 |  Traveler’s Factory文青失守旅行精品
跌錢指數:★★★★☆

售賣旅行精品的Traveler’s Factory備受旅遊控歡心,筆記簿、膠紙、貼紙、明信片等精緻文具都是文青必買items!機場店更設世界各地的國家名印仔,買張貼紙再去吸印,勁開心!

Traveler’s Factory

地址:4/F, No.73

07 | 7 折掃潮牌 Beams X Yoshida

跌錢指數:★★★☆☆

由Beams與Porter生產商Yoshida聯乘品牌B印又是日牌愛好者的必逛商店,雖然香港Beams專門店都會買到相關產品,不過機場店無論價錢及款式都較香港吸引,最緊要都係唔撞款,必睇!

B印Yoshida

地址:4/F, No.67

08 | 兒童專區!爆買Sanrio精品

跌錢指數:★★★☆☆

Hello Kitty Japan顧名思義會搵到海量Hello Kitty精品,tote bag、梳、文具……就連限定零食都超過20款,fans肯定破產!除此之外,專櫃亦會搵到大量Melody及蛋黃哥精品,送畀姨甥冇得輸!

Hello Kitty Japan

地址:4/F, No.36

T1 Locker 位

成田機場商店區
地址:千葉県成田市古込1−1 4/F
營業時間:8:00am~8:00pm
網址:www.narita-airport.jp

即日起至2018年12月31日!憑滙豐卓越理財信用卡累積單一合資格簽賬滿HK$800之交易兩次,就可用HK$250享用機場轎車服務一次往/返指定機埸,俾你有個好頭好尾!
優惠須受條款及細則約束。借定唔借?還得到先好借!
即click以下連結登記: