好多人會因為交通不便而錯過欣賞德島的秋色。德島 祖谷 ,為四國山地的群峰所包圍,四國紅葉10月尾入季,脫去一身青蔥翠色的山間,遍野盡是一層一層遞進的金黃艷紅,這秋色秘景,漂亮得教人目瞪口呆,有計劃去德島 祖谷 大小步危追紅葉看絕景的話,不妨加多個行程玩「奧祖谷觀光周遊Monorail」 賣萌甲蟲車 !

世界最長最斜‧絕景單軌


這條觀光單軌電車全長4,600米,高低差590米,最大傾斜度達40度,最高去到約1,380米的山巔及奧祖谷的溪谷,四項都是世界之最,路程起伏,彎位又多,聽落都知有幾好玩。可愛的電動車外形是甲蟲、獨角仙等昆蟲,一架車兩個位,快慢停行由你揸fit自駕,頭30分鐘會以為純粹睇森林賞紅葉,無盡巨杉林景看到中途間中會打呵欠,半個鐘掟個彎,終於到山頂看到群山連峰兼遠眺海洋,彎位攞得盡,畏高者(如我)開始熬底,後半段全程落斜,看見密林那40度斜路,唔平又起凸,飆車飆到心都離一離,好多呢種失驚無神位嚇親人。唯一要提提你65分鐘車程不設中途站,冇得落車,後座乘客冇得揸車,悶到差點瞓咗,仲有部分路段被密林包圍,硬係覺得陰陰森森,背脊有啲涼……

祖谷
坐電動車可自行控制快慢,景色優美時可駛慢少少。

祖谷
祖谷在哪兒? 位於四國德島縣內,由高松市或德島市內開車前往約2.5小時,最近的機場是高松空港,HK Express每星期提供4班直航香港的航班。

祖谷
同區另一絕景,德島人秋遊秘景一定包括西日本第二高的劍山,標高1,955米可全方位無遮擋地俯瞰紀州、濑戶內海及足摺岬的風光,睇紅葉一流。

祖谷

奧祖谷觀光周遊Monorail

地址:德島縣三好市東祖谷菅生

電話:+81-(0)90-7781-5828

營業時間:4月-9月8:30am-4:00pm,10月-11月8:30am-3:30pm, 逢星期三、12月至3月休息

收費:成人 2,000円/HK$152、小童800円/HK$61

交通:JR「大歩危」站轉往久保方向的巴士至「久保」,再轉乘往劍山方向的巴士至「菅生」下車,步行20分鐘

網址:www.miyoshinavi.jp/02miru/detail.php?uid=SS00007