最近天氣終於冇咁凍,好多人都開始瘋狂飲凍嘢,有啲比較注意健康同養生的朋友,就四季都指定熱飲,不過其實太凍或太熱,都對身體唔太好。最近日本出現了常溫販賣機,所有飲品都維持在20度,Twitter 就有好多日本網民分享自己成功見到常溫自販機,仲大讚此設計!

text : Cynthia|photo : Twitter、新傳媒資料庫

凍飲熱飲都傷身

好多人都知道飲得太多凍嘢對身體唔好,會令到脾胃功能都變差,鼻敏感加重,而女性長期飲凍嘢的話,更加會令M痛加劇!好多人就鍾意熱到冒煙時飲,但其實太熱熱過65度,都可能會致癌!所以好多中醫師都建議,要喝常溫的飲品,對身體先係最好。

常溫自販機
近年香港的手搖飲品店愈來愈多,但凍飲飲得多對身體唔好!

常溫自販機
世衛將高於攝氏65度的飲品列為「 2A級致癌物」,所以太熱都唔好!

日本新設 常溫自動販賣機

冬天去日本最愛熱熱的粟米湯機,就算落雪都唔覺得辛苦。但如果係貓手/貓舌好怕熱的話,成日都要等涼啲先可以飲!日本最近增設了常溫自動販賣機,維持在20度的溫度剛剛好,有茶、果汁、咖啡等等,攞上手有少少暖,四季都可以飲!

日本網友大讚貼心

近日Twitter 開始有好多網友,都貼圖分享自己成功捕獲的常溫自動販賣機,出現的地方集中在各大車站,包括橫濱駅、鶴橋駅、新宿駅、武藏小杉駅及西船橋駅等等,大家去日本的話,不妨留意一下!好多網友都大讚設計貼心,照顧到老人家、病人、脾胃較差的人!

常溫自販機
很多日本網友都大讚常溫販賣機的設置。(圖片來源:Twitter 截圖)

常溫自販機
無論是對大人還是小朋友,常溫飲品都更適合!(圖片來源:Twitter 截圖)