面向富士山開工!?有冇咁筍!!!Google的工作文化一向為人所嚮往,估唔到連東京的辦公室都羨煞唔少打工仔!究竟 Google東京辦公室 位置喺邊?喺入面做嘢有幾爽?即刻解答!

text & photo: 字旅航間

員工飯堂窗外的風景。 

環境心曠神怡 壓力都小啲!

秘密基地位於六本木之丘,一邊係富士山,另一邊就望到東京鐵塔,而且室內環境都裝修得非常住家,啲員工返工完全冇苦瓜乾面口,好想問一句:「仲請唔請人啫?」

飯堂環境好chill~完全感受唔到緊張的打工氣氛!

一入門口的coffee bar係有得免費柯打咖啡,朝早開工前醒一醒神係必需的!

正式踏入辦公室範圍(Google Plex),招待處予人輕鬆嘅感覺!

靚景飯堂 免費任食!

之前有研究指出,有食早餐的學生可以比冇食嘅喺TSA考高50分,Google亦深明早餐的重要性!所以有個無敵員工飯堂,我今次就食咗早餐,營養豐富到爆,唔夠仲可以不限次數,攞多幾轉~

寓娛樂於工作 有何不可?

日日朝九晚六,返工都要唞下氣嘅⋯⋯Google Office好貼心地設有街機同貼紙相機,充完電先繼續為公司拼搏啦!

貼紙相機係位於另一層的 YouTube Space(Google旗下)。

YouTubers只要累積滿10,000個followers,都可以借用這裡的studio!

免費借用YouTube Space 攝錄大本營

YouTube Space非常鼓勵已有一定fans base的YouTubers借用場地拍攝,作品的版權最後會由原創人跟YouTube共同擁有。

當日參觀了4間錄影室,導覽指會因應不同節日做布置。
借用詳情:www.youtube.com/yt/space/tokyo.html

控制室的panel。

 開眼界 新科技玩意

家陣去旅行怕且都冇人攞地圖,全靠Google Maps搵路,當中街景功能的背後⋯⋯就係靠呢架三輪車!

Google Assistant擁有類似Siri的功能,只要企喺腳板處回答問題,例如:「What images do you want to see? 」屏幕就會跟你對話互動⋯⋯

大家記得like埋我個page啊 :)