有留意開日本旅遊資訊,相信都知道名古屋 Legoland 喺今個月初已經開咗幕,呢個繼馬來西亞後,亞洲第2座嘅 Legoland 一共分為7個主題園區,加埋有成超過40款遊戲同表演,如果想1日內玩晒真係冇咩可能,1年飛N次名古屋都話可以買Year Pass慢慢玩,純粹去轉旅行,多數唔會幾日都去 Legoland ,所以要事先做定功課,mark低邊啲最值得睇、值得玩,即刻為大家盤點5大不可錯過嘅焦點!

相片來源:新傳媒資料庫

1. 旋轉展望台俯瞰袖珍版日本

入到 Legoland 第一眼一定留意到50米高地標Observation Tower,漆上紅、藍、黃、綠色嘅展望台繽紛搶眼,望落有少少似用Lego砌出嚟一樣。唔止外觀夠晒吸睛,展望台仲可以360°自轉,大家上到去搵個靚位坐低,就可以俯瞰樂園每個角落同埋全日本名勝,講緊嘅「全日本」係指展望台前面嗰片「Miniland」,用咗超過1,000萬粒Lego砌出日本各地名勝,像真度極高,如果想一眼睇晒或者拍攝全景就要上去展望台。

座Observation Tower真係好colourful好搶眼,離遠都可以清楚望到。
座Observation Tower真係好colourful好搶眼,離遠都可以清楚望到。

2. 潛入Lego海底世界

Submarine Adventure可以話係名古屋 Legoland 最令人驚喜嘅遊樂設施,首先要坐入去Yellow Submarine潛艇,之後慢慢潛入Lego打造嘅海底世界,喺度可以見到金字塔、藏寶箱、海神像等遺跡,又有Lego潛水員,最特別係呢個虛構嘅世界竟然有真鯊魚、魔鬼魚游來游去,感覺好有趣。旅程結束後,去埋出口處個迷你水族館,可以摸下不同嘅海洋生物。

Submarine Adventure入口
Submarine Adventure入口。

坐住真潛艇落水底,投入感都特別高。
坐住真潛艇落水底,投入感都特別高。

平時海底世界最繽紛都係五顏六色嘅魚群同珊瑚,今次俾Lego搶晒鏡。
平時海底世界最繽紛都係五顏六色嘅魚群同珊瑚,今次被Lego搶晒鏡。

3. 過山車全場最刺激

雖然 Legoland 主打合家歡遊戲,但都有速度型機動遊戲滿足下追求刺激嘅朋友。飛龍過山車「The Dragon」係樂園內尖叫指數最高嘅機動遊戲,唔好以為佢外形似足童話故事嘅卡通巨龍就好小兒科,全程大約1分鐘已經有2、3個尖叫位,小朋友太細都係稍移玉步到隔籬嘅迷你版「Dragon’s Apprentice」體驗下好喇!

迷你版Dragon’s Apprentice最啱小朋友過下過山車癮。
迷你版「Dragon’s Apprentice」最啱小朋友過下過山車癮。

4. 瘋狂集郵Lego人

去名古屋 Legoland 有件必做嘅事,就係搵班Lego人仔合照!園內總共有10,000隻Lego人,有真人扮嘅,亦有Lego公仔嘅,遍佈不同園區。識行識走嘅真人版Lego人任攬任影唔嬲,又會同大家互動,所以特別受歡迎,不過佢哋出沒時間地點不定,大家想知可以問定職員。

相_06 相_07

Legoland裡面有好多真假Lego人同主題場景,淨係影相都可以影半日。
Legoland 裏面有好多真假Lego人同主題場景,剩係影相都可以影半日。

5. Lego薯條及精品

玩足成日總要醫肚,Lego造型薯條雖然食唔飽,但用嚟放上網呃like最好不過。另外當然唔少得選購精品,每個園區都有商店可以逛,想臨尾一次過掃貨可以去番正門入口旁邊嘅The Big Shop,基本上所有商品都有齊,咁就可以把握時間玩晒啲遊戲先。

The BIG Shop喺正入口隔離,而且貨款最多最齊,臨走前一定要去掃手信。
The Big Shop喺正入口隔籬,而且貨款最多最齊,臨走前一定要去掃手信。

除咗Lego模型,仲有好多服飾、文具、廚具等周邊精品。
除咗Lego模型,仲有好多服飾、文具、廚具等周邊精品。

Legoland限定薯條,一粒粒好過癮。
Legoland 限定薯條,一粒粒好過癮。

 

去得名古屋旅行,點會剩係入 Legoland 朝聖就算,吃喝玩樂各方面都一定要盡興。日本貨品質有保證,性價比又高,shopping自然係日本旅行唔少得嘅活動。醒大家一個tip,用Visa信用卡喺日本多間電器舖、百貨公司,甚至outlets都有折扣優惠,大家不妨上Visa網頁或者直接到客服櫃枱查詢,當然最緊要係帶埋Visa信用卡旅行!

 

想知今期有咩日本食買玩優惠,可以click入:

WhatsApp Image 2017-04-05 at 17.50.55