呢幾年,多謝 HK Express 用極平嘅票價,仲有創意嘅 marketing campaign,帶咗我去唔同地方玩。雖然肯肯定有人會話,買得廉航預咗服務會差啲,但係見到最近關於 HK Express 嘅新聞,混亂情況已經超出咗我接受到嘅範圍 (取消唔少航班,而家仲要連 CEO 都離職)⋯⋯我應該會暫時停止入貨了!要再睇下 HK Express 點樣改善營運先決定繼唔繼續錄用。手上仲有四套機票,搭埋就算,除非佢有改善。我奉勸大家一句:小心睇路!

原文授權轉載:禧.戲世界 Hei Hei World

數細 HK Express 中伏 3 宗罪!

相信唔少人對於廉航嘅理解,以為只係無飛機餐、行李揀位另計咁簡單,但其實廉航仲有好多同傳統航空公司服務上有唔同嘅地方!

01 |  用盡每一架機

為咗慳成本,HK Express 後備機數量唔多。呢度會衍生其他情況:

  • 航班時間會因為機隊調動關係而有調整,所以成日收到改航班嘅通知。
  • 壞機 / 天氣問題而 delay,會引起連鎖反應,甚至 cancel 退錢比你就算!
  • 雖然航空公司唔會因為成本而降低安全標準,不過日日咁樣操機法,小毛病都總會有啲,唔會影響安全,但小小維修都足以 delay 啦…

 HK Express

02 | Outsource 晒啲服務比人

比晒人做,自己唔使煩!所以客戶服務始終爭啲。有咩問題(e.g. 取消航班更改訂位),都唔係求其搵個地勤解決得到,因為佢哋都只係代理!最近就有香港傳媒報導指,航空公司的客戶服務熱線被投訴長期無人接聽,懷疑是與其廣州外判公司拖欠員工部份薪金有關,每日平均多達2,000個旅客來電,但均無人接聽,求助無援!(新聞來源
 HK Express

03 | 航班處理問題

呢個要真係睇你受唔受得住,一有咩冬瓜豆腐,cancel 咗你班機,只會退錢比你,未必有安排其他航班 (剛剛的取消航班事件除外),要自己打爆 hotline 去安排,或者等唔切就要買過張機票。如果係天氣 / 機件問題都可以 claim 到保險,但係如果係營運原因就真係仇都無得報。(暫時未有保險公司包營運原因)

而上星期再有一班由日本東京飛往香港的航班連番延誤,雖然沒有取消航班,但卻延遲超過21小時!除了要找住宿外,旅客要時刻留意航班動向,整晚亦不敢休息睡覺,比直接取消航班更糟糕⋯⋯

 HK Express
Hei Hei World 近年選搭 HK Express超過十次,算得上是熟客仔,絕非「忽然廉航友」,雖然見慣風浪,但對上月航班大規模取消,也頗感吃不消。

Hei Hei World

網友補充  UO以外廉航個案

每次有關於 HK Express 的控訴,總會招來「搭得廉航就要有心理準備」的回應,今次網友提供了自家的個案,還分享了申請賠償的心路歷程:

有網友分享申請退機票錢的艱辛。

也有網友分享溫哥華飛台北後,轉搭廉航Peach去沖繩的經驗。

廉航用家:唔係偏幫、間間公司都用盡航班!

有網友分析廉航運作模式,重申航務原因不受保的現實,奉勸大家「買得就唔好驚」。

延誤與取消 撞到正只能認黑仔……

說到尾,關於低成本航空的旅程,絕對是一場心理質素的訓練,正如 禧.戲世界 Hei Hei World 所說,能否承受,絕對視乎閣下的接受程度。

下一頁:廉航 vs 傳統航空 | 買機票前你要注意的四件事