鐘意去旅行的人都唔一定係「大花筒」!其實世界各地都有唔少免費的景點好值得睇,好似係英國博物館、芬蘭的極光等,就連香港的夜景都榜上有名。今次旅遊界達人Lonely Planet幫大家嚴選2015年必睇的旅遊「to do list」,全部以唔使錢為首要目標,一於齊齊跟貼達人,慳錢之餘又睇盡靚景!

 

相片來源:wenrongc

1. 美國 – Nevada沙漠睇星星雖然好多地方睇星星都好靚,不過Lonely Planet就特別推介美國Nevada沙漠,因為個度無光污染,入黑後望上天,係漆黑的環境襯托下,星星多到睇唔哂!

2. 英國 – 睇盡Kensington免費博物館英國博物館一籮籮,當中由以South Kensington的博物館群最值得去,以下就推薦三大博物館:Natural History Museum館藏著名科學家達爾文在生時的物種收藏,非常珍貴;Science Museum則藏有世界上第一架蒸氣火車; Victoria and Albert Museum將5000年來的潮流同設計一一展示出來,由波斯地毯到後街龐克文化都有介紹,最重要係全部一蚊都唔使!

3. 印度 – Golden Temple食「free lunch」有「Golden Temple」之稱的哈曼迪爾寺係錫克教重要的聖地,每日都吸引一大批信徒同遊客朝聖,金光閃閃的哈曼迪爾寺不但入場費全免,就連食lunch 都唔使錢!廟方每日都會在用餐地點Guru-ka-Langar向信徒免費派發一份印度薄餅、雜菜咖哩同飯,不過當地人一般食完之後都會做少少捐獻,幫助一下寺廟的生計。

相片來源:Bogota Humana

 4. 哥倫比亞 – Bogota參加搖滾音樂節哥倫比亞每年都會舉行大型搖滾音樂節「Rock al Parque」,一般為時3至4日,遊客同當地人呢段期間都會集中在首都Bogota,在強勁的音樂伴隨之下,每晚都好似開party一樣。一場咁精彩的音樂會入場費都只係$0,點可以唔去!

相片來源:William Long

 5. 南非 – 登上Table Mountain山頂俯瞰Cape Town去南非想睇哂Cape Town全景?咁就一定要登上Table Mountain山頂啦!叫得「Table Mountain」,全因為山頂似足一張table咁平,自問有力氣攀到上山頂,仲可以搵到心水的位置同Cape Town 來一個360度全景自拍!

6. 巴西 – Rio de Janeiro享受陽光與沙灘巴西出名熱情如火,陽光與海灘一定走唔甩!Copacabana、Ipanema、Leme、Leblon等出名沙灘,每日氣氛都火辣辣,只要帶上泳衣、沙灘蓆同衝浪板,就可以在水清沙幼、美女如雲的沙灘hea足一日。

相片來源:AOL Travel

7. 芬蘭 – Lapland睇極光北歐價格高到嚇死人,竟然上到免費「to do list」?無錯,之唔係極光囉!Lapland位置貼近北極圈,極光出現次數繁多,每年秋末到初春的極光旺季都吸引大批人專程來睇佢,免費俾你睇到夠。極光有幾靚,唔使我講啦?

相片來源:Heather Wolf

8. 美國 – New York坐渡輪坐 Staten Island的渡輪,是細賞美國的好方法,由Staten Island的St George坐到Lower Manhattan的Whitehall,全程睇盡New York心臟地帶,而最特別在於,渡輪會從自由神像腳邊經過,可以由腳趾望番上去個感覺真係好震撼!

9. 澳洲 – Sydney 衝浪活力派旅人去到澳洲又點可以唔衝浪呢?只要有一塊衝浪板,就可以玩足大半日。唔識衝浪都唔緊要,話唔埋到時遇到個靚仔、靚女教你點衝浪,仲可以來一段澳洲情緣!

10. 香港 – 「東方之珠」睇夜景香港夜景向來世界聞名,配合埋「幻彩詠香江」的燈光表演,好多外國人都大讚!想免費睇靚景,可以去尖沙咀海旁又或者灣仔金紫荊廣場,遠眺維港兩岸高聳入雲的建築同璀璨奪目的燈飾,細味欣賞呢個咁值得驕傲的夜景!