登上富士山是不少日本行山愛好者的心願,至於龍友,都一定渴望拍到「鑽石富士」(ダイヤモンド富士)。這個名字超浪漫的自然奇觀,出現在太陽剛好親吻富士山頂之時,要睇「鑽石富士」,唔一定要去到富士山腳底,留在東京都,甚至遠在千葉縣、三重縣都可以一睹呢顆金鑽出現!

「鑽石富士」=太陽落在富士山頂


要看「鑽石富士」奇觀,首先天氣一定要好,在無雲的青空下,太陽跟富士山頂kiss kiss就是大家夢寐以求的「鑽石富士」!至於觀看地點,則天天日日在變,稍為有點地理常識的,都知道太陽落山的方位每日都不同,加上日本人對呢場接吻戲相當講究,錫歪了都唔收貨,一般來說,每個看得見「鑽石富士」的地點,一年只得3-5日。

鑽石富士 富士山
圖片來源:©JNTO

3大最佳觀賞位置

至於觀看「鑽石富士」的所在地,以下呢張圖可以解答得到。即係點?都叫你讀好啲地理㗎啦!地圖著燈嘅地方都睇得到,於富士山東面的東京、鎌倉、千葉和山梨縣山中湖,可以在日落時間睇到富士山西面的田貫湖、身延山等地,就可以在日出時有機會睇到。都係唔明?直接跳去以下3個The Best觀看「鑽石富士」位置罷啦!

鑽石富士 富士山
圖片來源:Google

01 | 山梨縣山中湖

山中湖每年由10月中到翌年2月底,都可以看得見「富士鑽石」,是富士五湖之中唯一一個可以在湖邊見埋太陽倒影的地區,鑽石卡數打孖上!每年2月,山中湖更會舉行Diamond Fuji Weeks,湖畔放滿蠟燭冰燈,周末更會放煙花添!

觀賞時間:1月27日-2月24日、10月18-11月15日
網址:yamanakako.info/event/diamondfuji.php

鑽石富士 富士山
圖片來源:yamanakako.info

鑽石富士 富士山
圖片來源:yamanakako.info

鑽石富士 富士山
圖片來源:yamanakako.info

02 | 東京高尾山

距離東京約1小時車程的高尾山,啱啱好擲界在冬至前後幾日睇到「鑽石富士」,從高尾山頂遠望富士山頂上的鑽石出現,好有《你的名字》feel囉!

觀賞日期:12月17-25日(毎年12月冬至前後)
觀賞時間:4:00pm-4:15pm
網址:www.takaotozan.co.jp/diamond

鑽石富士 富士山
圖片來源:高尾登山電鉄

鑽石富士 富士山
圖片來源:はちなび

03 | 羽田機場展望台

東京山手線範圍內一共有23處名為「富士見坂」,在沒有太多高樓大樓的年代,東京多處都可一睹富士山容貌,當中以日暮里的「富士見坂」最出名。不過在2013年因為起咗棟高樓大廈,日暮里「富士見坂」名存實亡,簽名運動都保唔住,成條「富士見坂」企滿人等鑽石情境不再。不過,東京可以睇到「鑽石富士」的位置仲有好多,例如明治神宮前、東京鐵塔,最推介的是羽田機場展望台,仲有公司搞埋觀覽船tour,追捕鑽石一刻!

觀賞時間:2月25-26日前後