相信好多人去旅行玩了一整日，都會想在 酒店浸浴 ，但你有沒有想過，酒店浴缸可能比機艙更污糟！有調查指酒店清潔人員平均只花三十分鐘整理一間房，為求快，很多時都會不斷重複用同一塊抹布或海綿，浴缸衛生問題不容忽視，隨時會引起皮膚病等問題。
一定要浸！去旅行就應該要嘆到盡！
「假期的意義是離開我自己的床！」
假期難得可以去旅行，住進豪華大酒店，還有個超大浴缸，香港不是人人都可以晚晚浸浴，而且酒店錢已經付了房租，不好好享受一下怎麼可以？！加上好多高級酒店都有高科技的淋浴系統，難得有機會，當然要試一下！
「老是害怕病菌，很可能會錯過燭光、香檳相伴的泡澡美好時光。」
在 酒店浸浴 能夠令人放鬆身心，消除一天的疲累，對不少人來說，是一件可以好享受的事，想像下浴缸旁邊放著燭光，泡澡時一邊喝香檳，一邊看書，寧靜而寫意。但大家要知道，其實酒店周圍都滿布細菌！
浸浴有風險，博唔過！
「酒店浴室其實同公廁差不多，一樣唔知有幾多人之前用過。」
有人覺得在 酒店浸浴，同其他不認識的人share同一個浴缸沒有分別，個浴缸在你用之前，有多少人留下過他們的腳毛真係無從得知，絕對不是人人都接受得到！尤其暖水能滋生病毒和細菌，熱水缸更是皮膚病或性病的感染溫床，始終有風險，不值得啊！
「酒店浴缸咁大，其他人曾經喺入面做過啲咩，真係冇人知！」
豪華酒店個浴缸通常都幾大，大到令人懷疑……會唔會係情侶專用？對於有潔癖的人來講，應該不敢繼續想像下去！曾經有一家六口入住賓館浸浴後均染上性病，所以千萬不要小看浸浴背後的風險！浸浴雖然係可以好享受，但如果唔好彩，感染病毒，真係得不償失啊！
網民回應：「幾高級嘅酒店都唔浸！」
有網民覺得所有酒店的浴缸都暗藏污垢，所以點都唔會浸。早前女星魯芬疑因入住衛生差的酒店致皮肌炎一事，更令網民對大陸酒店失去信心。
消毒、消毒，再消毒
另外有網民就話點都要浸，最多事前做足清潔，而大家的清潔方法都層出不窮，想浸都可以參考下！
首先係滾水黨：
不過就有網民回應指，酒店房內的水壺都靠唔住。
還有人會自備消毒工具！
呢兩位網民醒目！可以嘆一嘆之餘，又唔使自己落手落腳清潔浴缸咁麻煩。
網民推介懶人恩物：浸浴膠袋
有網民就話通常去旅行都會帶備呢種膠袋，鋪上浴缸即浸。不過就有網民話做法唔環保，而且分分鐘個膠袋仲污糟過浴缸啊！
