藝人明星去旅行,通常都幾離地?坐頭等?專人計劃行程?多年前編輯部曾經邀請到鄭中基接受專訪,當年「暴龍哥」 鄭中基 (Ronald)剛與老婆余思敏(Sammie)去了馬爾代夫過二人世界,更在Facebook分享了一張當地靚到堅.離地的夜景相,記者最初一望,還以為係酒店廣告相!但睇真才發現,原來靚相的攝影師,就是暴龍哥自己本人! 一於等暴龍哥講講,作為藝人的旅行和攝影之道。

圖片來源:鄭中基Facebook、鄭中基攝、Baros.com

鄭中基 baroResort002
當年完成澳門演唱會後有幾日空檔,Ronald急急腳叫老婆睇酒店訂機票。她在網上見到這間Baros Maldives Resort的靚相,再睇睇其他訪客評價高企,就決定前往度假。(圖片來源:鄭中基)

鄭中基旅行最怕遇土豪客!最擔心一對留港子女

雖然對行程、酒店安排闊佬懶理,但他都有跟老婆講定,最重要避開太遠的酒店。旅行的日子已經不長,當然想找一間最方便的酒店!今次這間距離機場只要坐15分鐘快艇,不需要轉內陸機般麻煩;同時找酒店千萬不要有太多土豪客啊!「若預上暴龍哥大大聲惡到死這種,日日嘈住咩心情都冇啦!」但講到最擔心,就當然是一對留在香港的仔女:「未出發之前好恨過二人世界,但來到馬爾代夫,又好想快啲返香港。畀其他人照顧,始終都係心掛掛,所以每朝我都好早起身,即刻同佢哋 face time先得!」

鄭中基 昔日「無賴」變身好爸爸,去旅行都要掛住雙囝囡。
昔日「無賴」變身好爸爸,去旅行都要掛住雙仔女。(圖片來源:鄭中基Facebook)

見到靚景冇機又冇鏡,揼心!

去旅行,影相打卡是標準動作,不過Ronald的打卡相並唔簡單,而係較少見的馬代夜景。(最常見的絕對是玻璃靚水+三點式!)他說:

去旅行影相,用手機當然最方便。不過我唔太鍾意自拍,你見我好少放自拍相就知啦!我多數係影風景、影老婆仔女,來到馬代,更加變埋老婆的全職攝影師啊!

鄭中基 Baroresort
(圖片來源:鄭中基攝)

他笑言今次最滿意的並非幫老婆影的寫真,而是馬代的星海夜景。(鄭中基攝)
他笑言今次最滿意的並非幫老婆影的寫真,而是馬代的星海夜景。(圖片來源:鄭中基攝)

鄭中機現實為攝影發燒友

其實現實中,Ronald確實是一名攝影發燒友。在訪問中他更直認,他就是網上攝影平台「tinyeyes」帳戶用家,被網民稱為大師級的攝影師。大師去旅行,當然要番一百幾十張旅行相先不枉此行。「本身諗住輕輕鬆鬆出發,冇帶很多相機、鏡頭。但當我一見到馬代的夜景就好似太空館咁,成個天都係星,就好想試試影埋夜景!不過今鋪蝕喇!手上只有一部Leica、一部潛水相機,反而唔記得帶屋企部SONY A7S, ISO比較高,影星一定會更加靚。見到靚景但又冇鏡,絕對是攝影師最痛。」

鄭中基:「來到馬代,我影景多過影老婆,哈哈!」(鄭中基攝)
鄭中基:「來到馬代,我影景多過影老婆,哈哈!」(圖片來源:鄭中基攝)

與鯊同游!嚇到眼定定

稱得上「度假天堂」、「一生人必到」,馬爾代夫一向以清澈的海水聞名。分享完他最喜歡的夜景相,日景一樣靚到不得了!即使食過夜粥、去過不少國家旅行的Ronald都大讚旅程難忘。「用電話隨手影都好靚!水清可以見到底,遠望仲有好幾種藍色,應該係我見過最靚的海景啦!加上今次我住的是水上別墅,日夜都對住個靚海。在房內有晒救生衣、潛鏡、潛管,隨時跳落水都得。最難忘係一跳落去浮潛,海入面就係鯊魚喇!我老婆仲要唔識游水,著住件救生衣浮浮下比我仲驚!雖然當地鯊魚品種沒有攻擊性,不過首次與鯊同游,事後諗番依然都驚驚哋!」

日夜對住馬爾代夫的玻璃水,Ronald這個假期浪漫到爆。(鄭中基攝)
日夜對住馬爾代夫的玻璃水,Ronald這個假期浪漫到爆。(圖片來源:鄭中基Facebook)

明星出遊講架勢?老婆先係最威!

常人如記者我,對明星生活都好好奇。明星去旅行,是否一定要坐頭等?住五星?今次暴龍哥與老婆去馬爾代夫過二人世界, 7日的行程、酒店其實全由老婆發辦,Ronald在訪問之中不忘讚老婆安排得好。「其實對於去旅行,我都好求其,坐咩住咩都OK!反而往往因為工作時間,好難抽時間出發,所以今次見完成澳門演唱會有幾日空檔,急急腳叫老婆睇酒店訂飛。她在網上見到這間酒店Baros Maldives的靚相,再睇睇其他訪客評價,便決定訂房喇!她安排埋睇海豚、浮潛活動,好正!我只係負責享受,哈哈!」

鄭中基 MR, LAM Ka Him Date of Birth: 23NOV 1987 Passport Number: K05021513 Passport expired dated: 26AUG2025
去完馬爾代夫,兩公婆又計劃下次去希臘旅行。(圖片來源:鄭中基攝)

關於二人世界Baros Maldives

位於馬里北環礁,從機場島搭乘快艇,只需15分鐘的船程。隱密的別墅用茅草建造,室內外均種植茂盛的綠色植物。馬代前5位最好的resorts,當年豪華別墅每晚$4,648起唔算貴。鄭太,好精明呀!未知是否疫情關係,現時在酒店預約網站查看,同一房型在10月每晚只需$3,700。

鄭中基 baro
(圖片來源:Baros.com)