一家四口在泰國開展 365 日旅居體驗,他們更出版了《全家變泰》一書,告訴大家到泰國旅居的點滴。出發去旅居,事前有好多工夫要做。平時去泰國都係訂下機票酒店,今次就要租樓,帶埋小朋友仲要搵學校,成件事即刻唔同曬。唔識唔緊要,作者列出咗大家要注意的事項,而大家最關心的當然是錢啦,究竟要預備幾多錢先夠呢?

衣食住行預算一覽


每月預計:

    • 屋租 $10,000
    • 燈油火蠟 $ 1500
    • 學費 $10,000
    • 衣食行 $5,000

每月總數:$26,500港幣
一年總數:$26,500  X 12 = 約$318,000 港幣,再加上旅行去玩去購物等,一年共$400,000 港幣就差不多了。

旅居泰國 | 衣食住行預算提案!

泰國消費比預算低 房租一萬包清潔!

出發前作者都知道曼谷生活指數低,但原來以上的預算是包埋好多意想不到的東西,發現很多使費都「大失預算」。

住:屋租一萬港元包了每星期兩次全屋清潔和打理花園服務,完全是額外優惠。

旅居泰國的衣食住行預算提案

吃貨、購物狂天堂

衣:平時香港一件Tee平平地都要$100 ,在泰國$25 就有兩件!

旅居泰國的衣食住行預算提案

食:三餸一湯都是$100 港幣。由於作者一家人食素,基本上以清菜淡飯為主,$200 泰銖已經可以餵飽一家。在美食廣場,一碗魚蛋粉平均$40 泰銖,叫淨粉只要$20 泰銖,廚師更因此免費加底,$5 港幣食到肚都大。

旅居泰國的衣食住行預算提案

交通費超低 學費「二人同行」打折

行:作者在曼谷以單車代步,每架都只是$400 港幣,更加可以免費做 gym。如果住得較遠,可以搭 BTS,最貴都只是$13 港幣。的士起錶$9 港幣,最正是巴士,小童免費,大人$1 港幣。一家四口去購物,兩大兩小車費都是$2 港幣。香港65 歲長者坐地鐵,最平都要$2 一程啦!

旅居泰國 | 衣食住行預算提案!

學:本來預算一萬元的學費,原本有得揀月供和年供,年供仲有 95 折,每月足足慳了$1500 港元。「二人同行」仲有優惠,大佬細佬一齊讀書,細佬學費另外有 9 折。

旅居泰國 | 衣食住行預算提案!

作者每月約有 4 萬港幣流動現金,一半交租一半學費。除開 30 天,一家四口其他開支每日可用$667 港幣,已包括全家衣食行和日常用品。

粗略估計,作者一家每月才花$5,000 港幣,除開每天$166 已經可以豪過生活。

圖片來源:商務書局
圖片來源:商務書局

延伸閱讀:旅居泰國 | 全家變泰前準備-簽證篇

旅居泰國 | 衣食住行預算提案!