在越南會安的迦南島,近日興起一項新玩意,令各地旅客爭相到訪打卡。所說的是會安傳統竹桶船,hit爆當然唔止出海咁簡單,話說力大無窮的漁夫會大力擺動船槳,桶船頓變瘋狂 水上咖啡杯,睇住船上的遊客幾乎被拋到河中央,剩睇片都嚇到頭暈!

3美金轉到暈 ! 桶船變身咖啡杯


越南桶船本身唔係新玩意,但起底發現這極限 水上咖啡杯 船河在會安有得坐,只要參加當地一日團,多付3美金貼士便可誤上賊船,體驗有如旋轉咖啡杯的服務!

去片(台灣媒體 鏡食旅 拍攝)!

瘋狂逐格睇

爆旋陀螺凼凼轉

一隻桶船只接受1名參加者,膽小的朋友唔使旨意有人陪!遊客在船上又似爆旋陀螺般凼凼轉,真正揈到嘔!每次有遊客參加,現場其他花生友隨即尖叫打打氣,氣氛不錯。

重要消息--大力漁夫只得2個!

礙於太受歡迎,供不應求,做開獨家生意的發起者漁夫,公開傳授獨門秘技予行家,奈何門生中就只有一位學得識,因此現時總共有兩位漁夫能夠提供此項服務,有興趣的朋友記得提早預約啊!

越南會安「桶船一日遊」

報名:越南ONONBOOK旅行社
地址:越南峴港市海珠區2月3日街第132號
費用: US$50 / HK$390( 包桶船遊、表演、午餐、釣魚、烹飪班)
電郵:[email protected]