行李箱尺寸推薦|開關後大家都急不及待飛翻轉,但咁耐冇去旅行,是時候了解下點樣可以揀一款適合自己的行李箱。很多人都會有疑問究竟行李箱尺寸、材質要點揀?去4日/7日旅行要帶幾大嘅喼?即睇空姐親身分享兩大揀喼秘訣!

5招避免行李失蹤

行李箱尺寸推薦|3大情景 空姐教你揀喼秘訣

硬殼VS布質行李箱

入行之後,每次返工要用喼,放假去旅行又係帶喼!對於買行李箱,我的心得絕對比買手袋的多!哈哈!

行李箱尺寸推薦|硬殼VS布質 行李箱要點揀?空姐教你揀喼秘訣
(圖片來源:Rimowa官網)

行李箱迷思1. 硬殼真的較實淨?

自己就是一個活生生例子,行李箱被託運後,遭到粗魯對待,到埗後,成個轆差唔多甩晒出嚟,所以硬殼都未必真的好用。

我會覺得硬殼行李箱比較重,去旅行上上落落會較吃力。如果一定要買硬身的,我推介Rimowa嘅Air系列,出名輕身,又撞唔爛。

行李箱尺寸推薦|硬殼VS布質 行李箱要點揀?空姐教你揀喼秘訣
(圖片來源:Rimowa官網)

自己冇用過,身邊不少空姐空少,甚至機師都係揀呢款,佢哋話,真係好好推同埋硬喼嚟講,算輕身!呢個牌子係德國製,去德國買比喺香港買,便宜3-4成,所以我去親德國,都會收到好多朋友落order!

行李箱尺寸推薦|硬殼VS布質 行李箱要點揀?空姐教你揀喼秘訣
硬喼嚟講算輕身!(圖片來源:集郵空姐)

行李箱尺寸推薦 使用合適的行李箱非常重要。
使用合適的行李箱非常重要。(圖片來源:[email protected]

行李箱迷思2. 布質會遭人割開?

個人比較喜歡布質的行李箱,因為大多款式都可以用拉鏈擴充厚度,不論返工定旅遊,買多咗嘢都唔怕,尤其我大部分情況只用20吋喼!

有聽說過用布喼容易被人偷嘢,個人看法,就是不論用甚麼行李箱,都不要放太多貴重物品寄艙。大部分布質的也較輕身,我自己用過頗多品牌的軟喼,對Samsonite的印象不錯,至少它陪伴我遊歷完大半年後,還一樣的好用!

行李箱尺寸推薦|硬殼VS布質 行李箱要點揀?空姐教你揀喼秘訣
布質的也很好打理,弄髒了,用濕布擦擦就可以了!(圖片來源:集郵空姐)

行李箱尺寸推薦 機師及空姐空少多用布質行李箱。
機師及空姐空少多用布質行李箱。(圖片來源:衝上雲霄2劇照)

行李箱尺寸推薦:行程內容決定行李箱尺寸

大部分時間,我其實都是用我的小黑走天涯,身高20吋,4個轆,很輕身實淨,手柄位很實在,不會有「鬆飄飄」就甩的感覺。原因是我懶得換行李箱,加上覺得一個小黑夠我去一趟如台灣等東南亞城市。

以下教你用幾多吋喼的方法,我會覺得不夠個人化。誇張一點的例子,明星去登台出show,就算只是一兩天,可能寄艙好幾個大喼,原因是他/她有很多服裝等。

行李箱尺寸推薦|硬殼VS布質 行李箱要點揀?空姐教你揀喼秘訣
所以說,用幾多吋喼,應該是根據你的行程內容和個人習慣為準則。(圖片來源:Gotrip)

以我自己為例,我也喜歡購物,不過我有自家一套行李打包術,所以我去過咁多地方,也從未試過失手,行李超重。有機會我會再分享一下我是如何打包的。

情景1: 出差/行程中沒購物/目的地冇嘢買

如果只是出差1-2日,行李比較少,可以帶20吋嘅行李箱,以便帶埋上機,不用託運行李咁麻煩;就算是3-4日去鄰近國家嘅行程,特別是夏天,也可以試試看!

行李箱尺寸推薦|硬殼VS布質 行李箱要點揀?空姐教你揀喼秘訣
太多人旅行時帶太多嘢出門,其實有很多東西是多餘的,還是那句,有機會我會再分享我的獨門執行李技巧!(圖片來源:Gotrip)

情景2: 5 日以上的旅行

外遊5日以上要帶嘅行李,特別是衣物,都比較多!如果到當地會購物,就需要較大尺寸的行李箱!記得要留意航空公司託運行李嘅規定,唔好塞爆喼搞到超重啊!

行李箱尺寸推薦|硬殼VS布質 行李箱要點揀?空姐教你揀喼秘訣
記得要留意航空公司託運行李嘅規定啊!(圖片來源:GOtrip)

情景3:留學/長期居留

長期居留?就更需要揀選放入行李的物品喇!因為帶嘅行李箱愈大,你就會不自覺帶好多物品去,所以要諗清楚邊啲一定要帶、邊啲去到再買過都得。

個人建議是,如果目的地都係發達國家,大部分香港有嘅嘢,嗰度都可以買到,可以唔使帶。又或者,先寄一部分物品到目的地,減少行李的重量!

總結如下:

旅行日數 行李箱尺寸推薦
1-2日 18-20 吋
3-6日 22-26 吋
7 日或以上 27-32 吋

常見問題

硬殼行李箱較布質行李箱實淨?

有空姐分享硬殼行李箱被託運後,遭到粗魯對待,到埗後,成個轆差不多甩晒出來…詳情請看

7日旅行應帶甚麼尺寸的行李箱?

其實無論是去4日或者5日,行程內容都會決定行李箱的尺寸,即睇:3大情景教你揀行李箱尺寸

撰文:集郵空姐圖片來源:集郵空姐、Gotrip、Rimowa官網、Unsplash、衝上雲霄2劇照