香港作為亞洲運輸及物流樞紐,航空業地位舉足輕重,當中更提供眾多就業機會,例如空姐空少、地勤、飛機工程維修,以至機師等等,都是不少年輕人嚮往的職業。YouTube 節目《職場 ETV》 就請來前空姐 Jennifer,為大家講述空姐面試、入職要求及工作情況,揭開空姐真面目!

(原文轉至《經濟一週》

Q1:空中服務員的入職要求以及面試,對外表其實有沒有要求?

A:乾淨整潔便可,例如男生的劉海會不會太長呢?俗稱不要太MK即可,女生也一樣要乾乾淨淨,不要披頭散髮;但係靚女靚仔真係唔係必要條件。

Jennifer 強調面試時除了衣著整齊,最好還要戴手錶,因為守時對空中服務員來說非常重要。

Q2:面試有甚麼需要準備?

A:首先要準備的是剛才說的外表,至於面試的時候最主要是調整心態,例如要多微笑、要有禮貌、要有同理心。條件方面,中英文的語言能力、處理難題或關係時的態度與手法也很重要。

Jennifer 分享當年面試經驗,指面試前已預想多個可能出現的問題,但最出人意表的面試問題是問她懂得煮甚麼拿手菜式,結果她答了「霸王雞」。

Q3:面試有何不明文潛規則?

A:都唔算咩潛規則,不過面試期間嘅言行舉止比面試內容更重要。面試一般分兩輪,第一輪係group discussion,入咗圍就到個人面試。

面試答題時可提及自己與朋友相處融洽,又懂得照顧自己,以顯示獨立及有團體精神。

所謂言行舉止比面試內容更重要,如在 group discussion時一定要識得笑,唔好太aggressive太過爭住嚟講。

有傳聞話考官都唔係好聽大家討論嘅內容,而只係留意講說話嘅manner。

Q4:空中服務員的工作範疇包括甚麼?

A:最主要職務係照顧機艙內每位乘客嘅安全同飲食,亦都要畀乘客了解關於免稅商品服務以及該程航班嘅資訊。同時,亦要處理好多保安嘅工作,例如觀察有冇可疑人士上機等。滅火、救護以及突發情況等相關工作都要懂得如何處理。

小至整理布簾,大至機上安全事項,空姐都需要幫忙處理!

Q5:空中服務員的訓練包括甚麼內容?

A:訓練主要分兩類,分別係安全訓練及服務訓練,要通過安全訓練嘅考試,先可以進一步進行服務訓練。

安全訓練指要了解急救知識、滅火知識、飛機嘅設備等等;以急救知識為例,我哋要學識唔同嘅病症同埋可以點樣應對;至於滅火知識,除咗睇書之外,我哋仲有實境模擬嘅練習,要喺煙霧瀰漫嘅場景入面嘗試救火。

至於服務訓練係指學習派餐、應付乘客要求同問題等等。

舉個例子,派餐來講,一定要先派窗口位,然後再派走廊位,因為要避免整跌旁邊嘅餐盤;成人、小朋友、老人家、男人、女人等嘅條件都會影響派餐嘅次序。

應付乘客嘅要求就例如係要知道有關機上提供餐飲嘅資料,包括不同茶類嘅名稱等。

準備餐車除了放置飛機餐外,原來餐車上的飲品都要按既定位置放置,不然就會放不下所有飲料。

Q6:訓練時有甚麼難忘的開心事與辛酸史?

A:開心事當然係有一班一齊共進退嘅同學分享憂慮,一齊溫習一齊熬底、一齊冇得瞓。

辛酸史就真係要短時間背晒兩大本manuals,真係好惡鯁!同埋CPR真係要好大力,壓唔夠低就會fail, 女仔都要叫出嚟做助力,同埋有怕高嘅同學唔夠膽跳逃生滑梯,喊晒咁樣,我哋每個人都畀勁多鼓勵佢哋先鼓起勇氣跳落去,場面好感人。

public domain,evacuation slide

Q7:做空姐有冇得瞓覺?

A:機艙人員有一個休息位置,如果長途飛行嘅話,可以喺床瞓覺。

即睇前空姐Jennifer 講述空姐面試、入職要求及工作情況的完整影片。

下一頁:空姐傳授儀容秘技 | 一學就會的 4 個實用小技巧

延伸閱讀:空姐講你知 | 9 個 航空界 行內術語

Tags :