(Presented by AirAsia)

鍾意水上活動同戶外運動嘅你,冬天想欣賞椰林樹影、水清沙幼嘅海島美景、伐獨木舟同攀岩?今個12月不妨考慮飛去泰國喀比(Krabi)。 AirAsia將於12月開通香港/澳門直飛喀比新航線,香港/澳門出發單程連稅只係港幣$310起/澳門幣$210起*,真係抵到冇朋友!即刻介紹10大必去景點同必玩項目,大家快啲請假計劃行程啦!

1. 悠閒靚景沙灘-奧南Ao Nang

返工咁攰,有時只想靜靜咁度過假期,在喀比嘅奧南(Ao Nang)絕對可以畀你過個悠閒海灘假期!雖然冇大型購物商場,但有美麗嘅沙灘以及親民嘅小型購物街。同旅伴瞓醒就去沙灘游水,游到攰就坐埋一邊睇書、傾偈,亦可以浮潛同魚仔接觸,呢種自在嘅環境令人不自覺地放鬆晒~

2. 一天跳島遊-Hong Island及Poda Island

喀比面對安達曼海,擁有30多個島嶼,一定要出海去外島玩。Hong Island係當中其中一個最美麗嘅外島,保留著優美嘅自然景觀,有潔白沙灘、紅樹林同岩石奇觀等等。出海只去一個外島梗係唔夠啦!去埋最大嘅Poda Island,喺長長嘅沙灘上面黃昏漫步之後先走都得!要去玩嘅話,包船或參與當地旅行社搞嘅day tour都可以。

3. 碧藍之湖中暢泳-翡翠湖 Emerald Pool

喀比內有幾個自然生態保護區,因此好多自然環境同生態都得到保護,喺野生動植物保護區Khao Pra-Bang Khram中嘅翡翠湖(Emerald Pool)就係以嗰片碧藍色嘅湖水而聞名。水池被樹林環繞著,身處其中暢泳,令人忘卻煩惱。

4. 伐獨木舟穿過紅樹林-Ao Thalane

觀賞自然美景有好多唔同嘅方式,伐獨木舟近距離接觸紅樹林就未必人人試過。喺Ao Thalane就可以喺紅樹林底下划舟,沿途除咗茂密嘅紅樹林、石洞景觀,仲可能睇到猴子等野生動物,喜愛大自然嘅你一定唔可以錯過。

5. 邊食晚餐邊睇日落靚景+火舞表演

在喀比,一啲酒店餐廳喺晚餐時段有火舞表演,亦有沙灘餐廳,可以邊睇日落同表演,一邊進餐,生色不少。喺如斯美景之下食飯,真係好難忘。

6. 挑戰天然攀岩場-Railey

有種旅人喜歡喺旅程中挑戰唔同嘅運動,喀比嘅Railey有世界數一數二嘅天然攀岩場,有興趣一定要試試。喺Railey Beach半島上唔難搵到攀石店,新手都可以參加體驗課程,包裝備同教練。岩壁有唔同難度嘅路線,不過即使最簡單嘅路線也有一定難度。如果對自己嘅體能有信心,不妨嘗試,但謹記要遵循教練指導。

7. 至chill泰國夜生活-喀比市集

每次去泰國,都一定要行市集,雖然喀比唔係繁華旅遊區,不過呢度都有周末市集 – 喀比市集。雖然不及曼谷、芭提雅、布吉島嗰啲咁大型,不過都好熱鬧,有好多小攤檔同地道嘅當地小食。

8. 遠眺城市風光-虎窟寺

虎窟寺離喀比市中心約5公里,佛寺內有條樓梯長達1,260級,攀上去有佛像,亦可從山頂遠眺城市風光。沿山路行仲會睇到猴子,很有趣!

9. 去007電影場景-James Bond Island

James Bond Island位於攀牙灣,經典電影占士邦 007曾經喺度取景。各位影迷一定要去朝聖呀!雖然小島唔大,不過都好多人去參觀,大家記得帶定相機留影~

10. 揸車叢林探險-ATV越野四驅車

你有冇試過喺布滿叢林嘅海島上揸越野四驅車呢?去到喀比就可以嘗試到!可以選擇唔同路線,喺叢林探險,有教練從旁教導,即使唔識揸車都可以玩,相信鍾意刺激活動嘅你,一定唔會錯過!

AirAsia 香港開航10周年慶 設港澳直飛泰國喀比航班

為咗慶祝AirAsia喺香港開航10周年,佢哋開通咗港澳直飛泰國喀比獨家航線,澳門每周有4班航班(逢星期一、二、四、六),而香港則每周3班(逢星期三、五、日)。香港出發航線將於12月2日首航,單程連稅港幣$310起*;澳門出發航班則在12月1日首航,單程連稅澳門幣$210起*。即上AirAsia.com 訂飛啦!

*訂購日期:即日起至2018年10月20日

出發日期:2018年12月1/2日至2019年3月30日
優惠票價只限BIG會員|須受條款及細則約束。
飛AirAsia抵到冇朋友,帶你遊盡東南亞!

立即訂飛:https://bit.ly/2P7fh0f