阿珍年中接待唔少來鳩嗚的大Lulu,最怕遇上大肚婆,好驚佢哋唔知幾時衝關,要生唔緊要,阻住團友嘅行程,有咩事阿珍被人恐嚇咁點算?! 講開生仔,已經做到乘務長嘅姊妹 D 畀咗一個「有咩未見過的眼神」我,然後拋下一句:「你有冇見過空中衝關?」

機上產子驚魂記


「衝入急症室生仔算係小兒科,夠膽喺 機上生仔 啊,癲!」姊妹 D 話航空公司早有規定,孕婦必須持有醫生證明或陪同才可以上機,懷孕 34 周或以上的孕婦,佢哋見一個就 reject 一個。有一次從香港飛美國的航班,就嚇到姊妹 D 個大耳窿都冇肉。「可能地勤同事好 jun,個大肚婆又好似陳慧琳咁,就嚟生都仲瘦過我!結果起飛無耐已經陣痛,喺廁所穿晒羊水,好彩機上有位護士,幫手接生,如果唔係可能要折返香港去醫院。」生完倦極了的新手媽媽,定過神來劈頭一句便問:「窩嗲去到邊度?」

落機即取美國護照

原來當時航班已差不多到達美國上空,女嬰算是在美國境內出世,順利成為美國公民,相信呢位女士應該得償所願了。不過姊妹 D就話其實博唔過:

「有啲 case 係要根據航空公司嘅註冊地點嚟判決 BB 嘅國籍,因為海事法規定,只要這艘船或飛機的註冊地是法國,從法律角度說,你就踏在法國的領土上。」

講到咁複雜,姊妹D 話一句到尾,空中生仔就係危險!因為飛行時起降震動、高空氣壓變化等因素,會引起子宮收縮、胎動, 甚至可能引發早產。分分鐘贏了護照, 輸咗條命。 而阿珍就覺得, 講多無謂, 整張一世免費任搭機票最實際!