【極光 衣著】每年9月至4月是出發睇極光的旺季,無論你揀去睇極光圓夢嘅地點係芬蘭、挪威、冰島定加拿大,都要準備好禦寒衣服和裝備。以下6大衣著裝備貼士,出發前要留意。

撰文:Gotrip編輯部|圖片:新傳媒資料室

要知道極光唔係一叫就出現,要等要捕㗎!而且見到極光時,唔止影一張相就滿足,所以有足夠禦寒衣物才可影到靚靚極光相。
要知道極光唔係一叫就出現,要等要捕㗎!而且見到極光時,唔止影一張相就滿足,所以有足夠禦寒衣物才可影到靚靚極光相。

記者試過去挪威同芬蘭追極光,晚晚都要冒著寒冷等,面部外露太耐到冇知覺!
記者試過去挪威同芬蘭追極光,晚晚都要冒著寒冷等,面部外露太耐到冇知覺!

01 | 最貼身的保暖內膽

通常香港冬天著件褸就夠,但去寒冷地方,base layer很緊要,呢件貼身的上下身內膽不是貼身就夠,更不能是棉質,因為吸汗後棉質會好難乾,會令身體失溫,所以一定要選Merino羊毛或polyester物料,最好準備兩三件替換。除咗推介Uniqlo Heattech或近年新的加強版Ultra Heattech,Smartwool也是好選擇,不吸汗、快乾也不易臭,戶外用品店有售。

Uniqlo近年新的極超暖版Heattech,最啱冇乜血氣體溫的人保暖。如果體溫正常的話,一般Heattech都好有保暖功效。(圖片來源:Uniqlo)
Uniqlo近年新的極超暖版Heattech,最啱冇乜血氣體溫的人保暖。如果體溫正常的話,一般Heattech都好有保暖功效。(圖片來源:Uniqlo)

Smartwool羊毛內膽,有出上身和下身,建議選擇貼身的尺碼,才能發揮保暖效用。(圖片來源:Smartwool)
Smartwool羊毛內膽,有出上身和下身,建議選擇貼身的尺碼,才能發揮保暖效用。(圖片來源:Smartwool)

內膽唔同leggings!

以為香港夏天著leggings已經好熱,即係有保暖功效,咁就錯晒!坊間leggings的物料不一,有些純粹有彈性貼身,但並不代表有保暖效果,有時候leggings內再穿絲襪保暖仍可以著得收身,但正正常常搵條保溫嘅base layer比較好。

Leggings不等如內膽褲子。
Leggings不等如內膽褲子。

02 | 中層保暖zip-up

在base layer之上,視乎去的地方有多寒冷穿著insulation layer,可以是fleece或者羽絨,建議是zip-up並且沒有hoodie帽的中層,因為中層衣服有帽會較為不便,而且拉鏈方便脫下或拉低降溫,若經常出入室內及極寒戶外會較方便。

中層fleece通常都是zip-up,方便穿著或脫下。(圖片來源:Haglof)
中層fleece通常都是zip-up,方便穿著或脫下。(圖片來源:Haglof)

中層羽絨建議較薄身,不要怕唔夠暖,反而貼身更重要。(圖片來源:mont-bell)
中層羽絨建議較薄身,不要怕唔夠暖,反而貼身更重要。(圖片來源:mont-bell)

03 | 防水透氣外褸及長褲

最外層是防風防水的layer,一件Gore-Tex褸和滑雪褲就最好,要知道在雪地很容易沾上雪粉,出入室內外時,雪粉會溶成水,防水層可防止令內層變濕變冷。若穿羽絨大樓要確保外層有防水層,否則就有可能因濕掉而失去保暖功能。

Gore-Tex外層可有效防風防水。(圖片來源:The North Face)
Gore-Tex外層可有效防風防水。(圖片來源:The North Face)

一生人要睇一次|極光旅行 禦寒衣著穿搭+裝備6大貼士

有些雪褸設計是外層防水加中層羽絨保暖,咁樣就可以省去一件褸。記得在進入室內時,立即將大褸上的雪撥走,以防雪塊溶化後,變成水弄濕衣物。

一生人要睇一次|極光旅行 禦寒衣著穿搭+裝備6大貼士

04 | 高筒厚底鞋

有齊以上3層衣物作洋蔥式穿搭,還未足夠,一雙防水的高筒厚底鞋或者雪靴,在雪地上走動較為方便,而且在雪堆玩也不怕入雪。即使是淘寶貨,都有不少是來自韓國的防滑雪靴,內有毛毛保暖,效果不錯,最緊要睇鞋底的坑紋夠不夠多,愈多愈深代表抓地力愈足夠,在雪地較難滑倒。

厚底比高筒更重要,因為使你隔離雪地的凍氣,高筒就方便你走入厚雪拍照或玩雪。
厚底比高筒更重要,因為使你隔離雪地的凍氣,高筒就方便你走入厚雪拍照或玩雪。

 

著UGG去雪地,外層易濕,底又不夠厚,即使內有毛毛保暖也不建議!
著UGG去雪地,外層易濕,底又不夠厚,即使內有毛毛保暖也不建議!

05 | 智能手機用手套

以前手套最緊要防風就得,但因為去睇極光唔能夠唔影相,所以可觸動手機屏幕的手套好緊要。AEON同MUJI都有平平哋貨仔,若果驚毛冷質地會入風,可以揀對薄身手機用到的手套,再外加一對滑雪用的防水防風手套。

記者試過因為戴咗手套而不能用iPhone,影相時要除下手套,勁麻煩!
記者試過因為戴咗手套而不能用iPhone,影相時要除下手套,勁麻煩!

無印多款手套都已對應可以用手機。
無印多款手套都已對應可以用手機。

タッチパネル手袋=可用手機的手套。(圖片來源:MUJI)
タッチパネル手袋=可用手機的手套。(圖片來源:MUJI)

06 | 冷帽、頸巾、耳罩不可少

冷帽同頸巾是基本必備,頭同頸最需要保暖才能覺得暖,另外可加個耳罩,在雪地影相多一件替換著物。

頸同頭部最需要保暖。
頸同頭部最需要保暖。

唔想日日戴冷帽,可以準備可愛的耳罩為耳朵保溫。
唔想日日戴冷帽,可以準備可愛的耳罩為耳朵保溫。