去首爾,揀酒店最緊要就腳方便購物,而明洞區一直是不少人的心水選擇,因為喺市中心,酒店多而且附近又有得行街。不過,如果問問住過在 明洞酒店 的朋友仔,都會答你:「下不為例。」網上的首爾博客都好少會推薦大家住明洞,而我作為韓國線記者都絕對唔建議,因為住過一次就知中晒伏!今日同大家講真話,力數住明洞的5大罪狀,除非你好想去的景點就在明洞附近,如果唔係?揀其他區的酒店吧!

明洞酒店 5大罪狀

01 | 難搭車!去邊都唔方便!

講真!好多人都以為明洞喺市中心,所以去其他地方都好方便!完全錯誤!雖然首爾地鐵四通八達,但由明洞出發,去弘大、新村、梨大、安國、江南、狎鷗亭、光化門等熱門景點,全部都一定要轉車!

(編按:不過,亦有不少明洞的酒店位置靠近 2號線「乙支路入口」,從這一區的酒店步行至地鐵 2號線大概 10分鐘,可以避免轉車的麻煩。)

明洞酒店
明洞是地鐵4號線的其中一站,雖然去首爾站轉車入機場幾方便,但去其他熱門景點就一定要轉車,有點麻煩!

要知道首爾搭地鐵轉車要出閘入閘好複雜,地鐵線路圖又密密麻麻,轉錯車出事率極高,所以第一次去首爾的朋友仔,住明洞真係不是一個好選擇!

明洞酒店
反而推介要住在地鐵2號線沿線,因為去弘大、梨大、新村、合井、東大門、往十里、江邊(漢江)、江南等等,搭地鐵2號線就去到,超方便!(圖片來源:韓國觀光公社)

02 | 嘈到爆!酒店真係勁多人!

試過旅行旺季去首爾朝7晚10做嘢,夜晚11點先拖住疲累的身軀返明洞酒店,一踏入酒店門口就知出事,因為真係好多人,全部強國大叔大媽喺大堂鬼殺咁嘈,排隊爭入電梯上房,最終等咗成30分鐘……

明洞酒店
強國人有個習慣,就係爆買後會在街邊/lobby聚集吹水,好古怪!

諗住返到房冇事?錯!旁邊房大媽用丹田吹水吹足幾個鐘,上層大叔又不停叫囂,最後擾攘到3、4點先開始安靜,我表示超無奈!最慘係……大叔大媽兵團晨早6點又出發,超高聲浪勁過鬧鐘!所以去旅行想舒舒服服休息,旅遊旺季時,千祈咪揀明洞!

明洞酒店
圖片來源:韓國文化體育觀光部門

03 | 絕對不是行街首選地點

揀得住明洞,好多人都係因為貪方便,諗住一落酒店就可以行街!但事實係……去過明洞就知絕對唔係行街的好地方!雖然妝物店林立,但款式唔特別,行街時又迫勁多人,最後行一陣已想放棄!

明洞酒店
入夜後真係好多人,迫到唔想行!

女仔都仲可以去買妝物,男仔就真係只可行Aland、8 Seconds、ABC-MART等等,選擇超級少,最後行1、2個鐘已經想轉去弘大、梨大等地方,已經肯定永不回頭!所以點解要為一個只會行一陣的地方,而住喺嗰度呢?

(編按:夜貓子注意,明洞行街不方便的另一個原因是,不少店鋪大概 10點就會關門,喜歡逛夜街的朋友建議選擇東大門附近的酒店,因為該區不少商場會開至凌晨 4點,而且行餓了還有餐廳營業!)

明洞酒店
而且選擇唔多,通街都係大集團大品牌的旗艦店。

04 | 最嬲!成日被人當係強國子民!

呢樣真係終極難頂!因為你在明洞任何舖頭,都一定會被當成強國人!雖然大家都明白店員講普通話係想方便溝通,但當你用唔鹹唔淡的普通話或英文回應時,佢哋一察覺你係香港人,就一定會黑面+是但招呼+睇唔起你+覺得你阻住做生意,寧願去招呼會爆買的「真。強國人」,咁 嘅服務態度實在令人嬲到爆!

明洞酒店
成街都好多簡體字!

其實明洞多數係連鎖服飾或美妝店,其他地區都一定搵到,為何要留在明洞受氣?而酒店員工亦會當你是強國人招呼,嘴藐藐令人難受!我發誓,從此不會住明洞!

明洞酒店
大陸人會爆買!當你被發現是香港人時,就一定會被黑面!

05 | 突然發現,便利店好難找!

大家去明洞時,有冇注意到一件事,就係明洞區好少便利店!平時一條街總有一兩間GS25、CU、7-Eleven,十分好找,但明洞的便利店大多隱身在小巷裡,加上附近充斥各種店鋪,一不留神就會錯過了!可能因為被大財團收購咗商場、服飾店及美妝店,明洞大街上的便利店不算多。

明洞酒店

當然唔係間間酒店都係咁,但便利店出現率偏低!所以住明洞夜晚想食雪條食宵夜,不熟路的朋友要花點時間找便利店了。

明洞酒店

網民分享中伏經歷

不少網民都留言,分享了自己的中伏經歷,舉出明洞酒店並非首選的其他原因。

網民亦試過在明洞商店遭遇「不平等對待」。
網民亦試過在明洞商店遭遇「不平等對待」。

另有網民指出明洞另一缺點,就是黑店多。不過,其實不少旅客區都出現這種貴價但質素低的食店,專騙旅客。
另有網民指出明洞另一缺點,就是黑店多。不過,其實不少旅客區都出現這種貴價但質素低的食店,專騙旅客。

網民建議:忠武路、東大門歷史博物館

也有網民認為,上述情況只限於明洞大街的酒店,指明洞也有其他地區的酒店值得入住。不過,除了明洞,網民亦建議了以下地區的酒店。

喜歡清靜、人少的話,可以選擇忠武路和首爾塔附近的酒店。
喜歡清靜、人少的話,可以選擇忠武路和首爾塔附近的酒店。

忠路3街和東大門歷史博物館附近的酒店則是方便、便宜之選。
忠路3街和東大門歷史博物館附近的酒店則是方便、便宜之選。

新手就建議住在仁寺洞附近。不過另有網民指出,近年江南和新沙的酒店都是內地旅客的熱門選擇,不喜歡的朋友可能要避開這兩區了。
新手就建議住在仁寺洞附近。不過另有網民指出,近年江南和新沙的酒店都是內地旅客的熱門選擇,不喜歡的朋友可能要避開這兩區了。

延伸閱讀:韓國 首爾酒店 | 住明洞好伏? 記者推介住邊區更好

超中伏!住明洞酒店5大罪狀 | 真係去邊都唔方便!