10大去旅行執行李貼士　出發前必睇　隱形眼鏡盒原來大有用處！

01 | 將要帶的衣服捲起先入喼

將 T- shirt 等衣物捲起，既可以增加行李喼的容量，帶多幾件衫，同時又可以避免衣物在寄艙過程中被整皺。

02 | 用tic tac 盒來收藏髮夾

呢個貼士最啱女仔，用tic tac 盒來收藏髮夾，既可易於攜帶，又可避免髮夾太細而跌於行李深處的問題。

03 | 將皮帶捲起放喺恤衫領口

既可以保持皮帶整齊，仲可以keep住恤衫領口挺身。

04 | 隔熱墊變身捲髮器套

有時帶埋捲髮器或直髮夾去旅行，用完未變涼時就要執行李，呢個時候可以用屋企常見的隔熱墊／手套包起佢，咁就唔怕會燙壞其他衣物啦！

05 | 用隱形眼鏡盒裝護膚品

大大支護膚品帶去旅行又重又唔方便，唔使特登去買旅行裝，只要將旅行日數分量的護膚品裝入隱形眼鏡盒中就搞掂！為免自己認唔出邊樣打邊樣，建議最好都係貼張標籤在盒上就萬無一失。

06 | 用藥盒來收納飾物

每日要戴的飾物一目了然，仲可以用來誤導賊仔！

07 | 保鮮紙防止樽裝液體滲漏

只要在洗頭水或護膚露等樽裝液體的樽口加上一層保鮮紙，然後才蓋上蓋子，就可以預防滲漏情況發生。

08 | 用浴帽來包裹鞋子

旅行時要帶多對鞋？唔使用膠袋，只要將用過的浴帽來包裹鞋子，就可以避免整污糟其他喼內的衫，仲好環保！

09 | 用游水吹氣手袖來保護紅酒

此方法同樣適用於喺泳池中暢飲時刻！

10 | 衣物柔順紙保持衣物清香

咁就可以保持衣物去到目的地都好似剛剛洗完一樣清香！

即睇原片！