機票訂晒,連潛水團都報埋,但撞正女仔嗰幾日,又唔可以臨時甩底,究竟仲可唔可以孭樽落水?港女記者Yuki之前就遇著同樣情況,仲要在 斐濟潛鯊 ,你都咪話唔驚!不過佢就話,M come潛鯊 都是OK的!

攝影:黃家活、Yuki @港女講旅行

M come睇鯊得唔得?

聽過好多新手女潛友都會問,M come可唔可以潛水?仲要潛鯊,會不會有危險?其實是絕對OK的,不過我個人唔想旅行或者落水時不方便,會預早一星期搵醫生攞荷爾蒙藥延遲經期,食到潛完先停藥,成功率都有8、9成。不過心血來潮話唔定,又或者唔想食藥的,很多女潛友都會選擇用棉條,加上水底有水壓,雙重保險唔怕有滲漏。

在 斐濟潛鯊 無鐵籠相隔,近距離睇鯊超震撼。
在 斐濟潛鯊 冇鐵籠相隔,近距離睇鯊的經驗並非到處都可體驗得到。

冇鐵籠隔住 零距離睇鯊

不過話晒咁大個女,剩係試過隔住個mon同水族館玻璃睇過鯊魚,第一次在斐濟潛水睇鯊就要越級挑戰──冇鐵籠隔住、零距離睇!雖則我生得細細粒粒冇肉食,但都超級忐忑,更擔心連食藥都冇用,一陣血染海底,引誘鯊魚大哥咪死!聽聞鯊魚在老遠就會聞到血腥味,但原來很多測試都證實,牠們聞到人血不會變得有攻擊性,甚至當人冇到。比起人,其實魚先至係鯊魚最愛的大餐!

潛水FAQ: M come先嚟潛水得唔得?港女 斐濟潛鯊 零距離selfie
每潛都有60+條鯊魚,這一刻應該係我成世女見過最震撼的畫面。

腳震震!跪拜斐濟鯊

不過又食藥,又棉條咁麻煩,其實都係為了睇一次鯊魚大軍啫!斐濟納迪港(Nadi)對出的Shark Reef Marine Reserve潛點,出名可以睇勻8款鯊魚品種,全球獨有!我專登上網查過我幫襯嘅潛鯊公司,營辦近廿年標榜完全零意外,仲確認了超過十次,死就死啦!朝早坐快艇出發,大概40分鐘就到!第一次下潛就落30米深,我眼都不眨望住海底,驚死鯊魚好似電影中突然游至。待同行20名潛友一字排開跪在礁石背後,餵鯊員立即打開裝滿豐盛美食的「垃圾桶」,我連喘息的機會都未有,主角就出場了。

在水底捉實麻繩,就是為了靜待鯊魚在頭上掠過的這一刻。
在水底捉實麻繩,就是為了靜待鯊魚在頭上掠過的這一刻。

近廿條超過一米長的公牛鯊聞食物而至,同時亦有體形較小的礁鯊和一群色彩斑斕的魚群,目測超過半百條巨魚在我們眼前亂舞。我們全程都不敢亂郁,屏息靜氣望住帶上安全裝備的餵鯊員手持一塊塊魚肉,餵到鯊魚口邊。食完一啖,牠們會輕輕游開,有些會剛好掠過我的頭頂,牠們的血盆大口只有兩隻手臂的距離,每次游近我都忍唔住閉氣以免被發現,諗番起仲以為遇到殭屍!

890fiji-add1
潛導隨時都會跟在潛友身後,睇實有沒有鯊魚埋身。如果鯊魚過近,就會以鐵鈎輕輕把牠們推開。

記者隔個桶都聞到魚弭的腥味,在水底打開時更會見到陣陣綠色飄出。
記者隔個桶都聞到魚餌的腥味,在水底打開時,更會見到陣陣綠色飄出。

馭鯊有術!我見過最勇猛嘅男人

第2潛,我們在15米水底留40分鐘,有了經驗個心淡定得多,我仲開始留意全程在我後方、手持一支長鐵鈎為我護駕的幾位斐濟猛男,個個身形勁過香港先生,好有安全感!

890fiji-add8
餵鯊員會不斷左右移動,擠牙膏式打開「垃圾桶」,引來十幾條鯊魚及過百魚毛在桶邊游來游去。

仲有一位走在餵鯊最前線的潛導Serevasio, 用身體吊住魚餌「垃圾桶」,一打開蓋就引到班鯊魚乖乖聽話埋身;有時他更徒手拿出魚塊,放在巨鯊嘴邊餵飼,認真未死過。

斐濟男表示:伸長隻手餵鯊,哥是有練過的。
斐濟男表示:「伸長隻手餵鯊,哥是有練過的。」

上水後好奇問他,原來N 年前第一次落水時跟我一樣驚青,不過同鯊魚日見夜見,一星期潛足5日,自然friend 過打band!偶然遇上初來埗到的新鯊魚,猛撞「垃圾桶」等唔切被餵,撞到成個頭傷晒添。

唔好睇斐濟鯊咁兇狠,其實在牠們大多已經被餵養得很馴,現場觀察攻擊性不高,亦都不太活躍。
唔好睇斐濟鯊咁兇狠,其實牠們大多已經被餵養得很馴,現場觀察攻擊性不高,亦都不太活躍。

佢仲即場開電話裡的鯊魚相:「唔係寵物,而係同朋友一樣,點見都唔悶!我哋仲可以認得每一條,好多都有改花名!」等我望真啲!條條都好似一樣樣嘅喂,真係斐濟人先認得出!

險過剃頭!挑戰水底selfie

叫得港女記者,當然要做港女必做的事!水底打卡,我就做唔到嘞!但見生長在保護區內的野生鯊「本性善良」,攻擊性又不高,被餵得肥肥白白, 記者愈來愈大膽, 挑戰水底 selfie 與鯊自拍。

港女記者以為自拍到已經好威威豬,原來90%斐濟男人都識游水、潛水,連我遇過酒店內的服務員都會晚晚放工自己潛水餵鯊,同落街買個餸無咩分別。
港女記者以為自拍到已經好威威豬,原來90%斐濟男人都識游水、潛水,連我遇過酒店內的服務員都會晚晚放工自己潛水餵鯊,同落街買個餸冇咩分別。

不過影還影,我都記住潛導落水前的提醒,千祈唔好伸長手臂!影完一張,即刻縮番埋隻手!話口未完,又有2、30條公牛鯊和黑尾真鯊殺到埋身。今次淡定慢慢睇,發現牠們從餵鯊員手中食完一啖,又會蠱蠱惑惑U-turn 再食一次,好鬼為食。

攝記Woody:「我差唔多十年無潛水,落水前都仲十五十六,不過玩完覺得很安全,水流不急,新手都玩到。有今生無來世!」
攝記Woody:「我差唔多十年冇潛水,落水前都仲十五十六,不過玩完覺得很安全,水流不急,新手都玩到。有今生冇來世!」

男攝記一臉血 險過剃頭

以為已經見得夠多鯊魚,滿載而歸?點知潛導事後話我們所見的只是碎料,高峰期可以一潛看到超過 70條,見到巨型虎鯊才是最幸運。不過計我話最幸運嘅係,上水之後突然見到攝記大哥一臉鼻血,回想起他在水底一身血腥跪在我身邊,感覺就似執番條命仔!好在斐濟鯊魚真係鍾意食魚多過食人!連佢都話執番身彩, 全程有當地潛鯊員帶實,先至可以一臉血,一邊淡淡定咁影相交差。

每次潛鯊最多20人一組,分兩船出發。同船的澳洲潛友Nick去過不同國家潛鯊,都大讚斐濟睇鯊一流!
每次潛鯊最多20人一組,分兩船出發。同船的澳洲潛友Nick去過不同國家潛鯊,都大讚斐濟睇鯊一流!

斐濟追鯊最出名!

潛鯊位置: 著名潛點Beqa Lagoon位於斐濟南部,可碰到公牛鯊、虎鯊、黑鰭鯊、護士鯊等8個品種。
潛鯊過程: 兩潛各40分鐘,第一潛會先到30米睇鯊,再上升至10米近距離欣賞餵食礁鯊。休息1小時後,第二潛到15米。

最佳季節: 潛鯊團全年開辦,不過 5-9月是潛鯊最佳季節,見鯊數量最多,能見度亦最遠。

斐濟男表示:伸長隻手餵鯊,哥是有練過的。

Beqa Adventure Diver

地址:Lagoon Resort, Pacific Harbor, Fiji
電話:+679(0)345-0911
價錢:潛鯊2潛FJD325/HK$1,227(逢星期一、二、四、五及六),租全套裝備另加FJD50/HK$189
營業時間:8:00am-4:30pm
網址:fijisharkdive.com

斐濟實用資料

簽證: 持BNO及特區護照均可免簽證逗留4個月
機票推介: 斐濟航空每周有四班往來香港至斐濟的航班,在10月31日前訂購11月20日前出發的機票,來回只需HK$4,680起!網址:fijiairways.com