不少人都會特地購買行李套保護行李箱,以免在運送過程中刮花,坊間也有不少別具特色的行李套吸引大家購買。但你又有沒有想過,用了行李套的行李箱反而更容易出事?不少地勤都指出,若不正確使用行李套,反而會造成地勤人員搬運時的困擾!

地勤:不想行李出事?請不要再用行李套 !

ViuTV播出節目《晚吹-又要威又要戴頭盔》就有地勤澄清自己不是「憎人富貴厭人貧」,對某些牌子的行李箱特別粗暴!只是有些人對自己的行李箱特別「愛錫」,特別是用行李套的客人,把行李箱的扶手都包住,地勤就只好用踢和推的方法。

你用行李套,連扶手都包住,我可以點幫你搬?惟有踢同推啦。

行李套 viutv_ground2_01
(圖片來源:ViuTV《晚吹-又要威又要戴頭盔》截圖)

防塵套摩擦力小,運送途中易脫落

由於沉重的行李需要使用人力搬運,平滑材質的防塵套摩擦力小、易鬆動,非常不便於人工搬運,而且防塵套也容易在運送中脫落。另專門針對行李所設計的保護套,雖是可以露出拉桿與把手,較易加掛行李 barcode 帶,但是搬運員多採用抱住行李箱對角線部位的方式搬運,因此鬆動的防護套與防塵套都不利搬運,輕則造成行李滑落,重則造成搬運人員受傷,建議少用。

編輯的朋友,現職地勤V說:「最麻煩是遇上個客用滑面的行李套,質地似絲襪緊緊包住行李,但貼行李 tag 會甩,有外露手柄位還好,有啲連手柄都包住,好難搵位貼行李tag。」

行李套
(圖片來源:[email protected]_official影片截圖)

影響機器讀取

一般坊間常見的行李套,有區分為防塵套與保護套。防塵套僅是適用在家裏收納行李箱時使用。防塵套把行李全部包起來,把手與拉桿沒有外露,地勤人員無法掛行李 barcode 帶;掛上行李 barcode 帶之後,條碼牌也被遮住,會影響機器讀取。

行李套
(圖片來源:[email protected]_official影片截圖)

優先選擇「有摩擦力、透明、露出手把」款式

選擇保護套時,也可以優先選擇「有摩擦力、透明、露出手把」等款式,以利地勤辨識與搬運。另外也建議可利用貼紙、行李tag等方式增加辨識度,方便旅客找尋自己的行李。有些乘客還會在手把上加掛絲巾、絲帶等裝飾以作識別,有地勤建議長度也不可過長,以免捲入機器中。

行李套 HT1YHBrFINdXXagOFbXc
(圖片來源:淘寶)

網民回應合集:矛盾對決!

對於地勤不鼓勵旅客使用行李套,網民就持不同看法,支持的人認為大家應要體諒工作人員,但也有網民認為保護好自己的行李箱也是自己的權利,不會放棄使用!

支持行李不戴套,體諒工作人員:

有部分網民認為用行李套本身就是多此一舉,因為行李箱是用作保護入面的東西,本身行李箱就應該承受得起碰撞或刮花,加行李套也為工作人員帶來不便,若因此而造成航班延誤更是相當無謂!

【行李套好無謂】「去開旅行嘅人都識點保護行李內易爛物品,行李箱表面保護嚟做乜?堅拒用套,最憎因為工作人員用多咗時間做無謂嘢搞到航班延誤!」

【delay同行李套有關!】「下次用套嘅朋友要記得假如架機有delay唔好再投訴,要諗吓登記個barcode貼係邊,過機要幫你抽出嚟再放返入去,一班機過兩成人用套真係delay唔好問點解!」

【行李套好㧥手】「喼都係預咗俾佢掉㗎啦,有搬過嘢嘅人會知,如果你搬果樣嘢係每一件重量都係一樣咁都會搬得快啲,但行李本身件件都輕重不一形狀又唔同依家仲要加個㧥手嘅嘢係上面,唔洗講太多自己諗,建議搬運嗰啲見一個拆一個!」

為行李做足安全措施,堅持要戴套:

但也有網民認為自己的行李箱屬個人財物,自己有權利保護好,不是理所當然受到粗暴的對待!

【憑咩就你?】「點解去旅行要預咗個喼俾人粗暴對待?一日幾千個喼,就係理由俾你發脾氣搵人哋個喼發洩,你哋都唔關心人哋嘅財產,點解人哋又要遷就你而唔用套?相向㗎嘛,哥哥仔」

【They are well paid for it】「痴線唔好喺度偷換概念。搬運行李係一份工,你返得呢份工就就預咗係瘋狂搬㗎啦。唔通我做酒店自助餐侍應,啲碟重到仆晒街,我又掉入洗碗房咩。唔通我做裝修,又嫌辛苦,起啲豆腐渣出嚟啦喎?有時唔係客人問題,係你工種/公司制度問題,咪吓吓都成日話啲客人無理人感受先得㗎。」

【用咗無咗易俾人掟爛】「咪L玩,乜你估我哋好鍾意check in前又特登笠個套,次次拎完個喼又花又爛又盛盛盛,回埋樓上咩花唔花又咁様用,咩又要用又要驚花,總之我就用咗先唔會花,唔用就俾班人掟9爛曬,乜你買個喼返嚟prefer係花9晒?復古啲型啲?我就會繼續用,我都會繼續鼓勵人用,我冇咁有錢一次旅行一個喼。」

不想行李箱被掟爛?網友推介用這個牌子!

有網友在 GOtrip Facebook 留言,建議大家可以考慮這款「Pelican」,超多功能,保護一流!他更指這款行李箱可以「防水、防塵、防火、防撞、防彈、防爆、防車壓、防幾層樓高掉落嚟」!

行李套 網友:「唔用套又怕花怕爛用呢個囉~防水防塵防火防撞防彈防爆防車壓防幾層樓高掉落嚟。超愛,係重咗啲。」
網友:「唔用套又怕花怕爛用呢個囉~防水防塵防火防撞防彈防爆防車壓防幾層樓高掉落嚟。超愛,係重咗啲。」(圖片來源:[email protected] Long Yeung)

他分享:「LeoIsaac Legina 由於始終算係軍用級別,料厚硬淨,所以始終比一般真正for旅行嘅喼重啲,同埋佢唔係四邊轆,如果裝爆晒個箱加上本身個箱嘅重量,拉一段長時間都幾攰(快步加1個捷運站距離,不停行冇停頓)。不過,當攰嘅時候你咪停一停坐一坐唞一唞囉(成個人坐上去,唔使就住就住,成個瞓低可以4個人一齊坐)!我覺得得兩邊轆拉或推反而動作靈活啲流暢啲,同埋重點係你掟佢唔爛!」

行李套 13667858_1181195855235218_5322660895903426515_o
網友以$3,780入手這個行李箱,是有點貴,但他表示絕對物有所值!(圖片來源:[email protected] Yat Long Ieong)

圖片來源:ViuTV《晚吹-又要威又要戴頭盔》截圖、[email protected]_official影片截圖、淘寶、[email protected] Long Yeung