《太陽的後裔》製作費高達129.8億韓圜(約8,300萬港元),每集平均為8億韓圜(約512萬港元)。當中最當初劇組曾考慮過去新加坡同印尼拍,但根據劇情設定,拍攝地點必需既隱秘又有異國風情,仲要有啲戰地feel。後來在網上見到沉船灣(Navagio Beach)的圖片,就鎖定目標,無論幾遠都要去拍攝,結果全劇大部份外景均於希臘進行。

所以可以說,一切都因為沉船灣而起:

【理想】隱世秘境談談情

宋仲基為了可以見多喬妹幾面,於是就帶佢去沉船灣(Navagio Beach)談心,仲大耍冧女功話條沉船被美麗的東西迷住所以擱淺在沙灘,暗示自己都被美麗的喬妹迷住。之後又老作傳說在海灘上執走石頭,就一定會再回到海灘,借勢約喬妹一齊再返沙灘。

【現實】旺過馬場!

劇中宋仲基好帶喬妹登錄無人島,四野無人靜靜談心。
但實際上,每逢旺季頭這裡都人頭湧湧,多人到坐無虛席,想搵個位企吓都難。

【多圖!】示範搶灘看風景

如果你無識揸船嘅大尉同行,一般人都係參加 Zakynthos Town 一天遊乘船前往,不過隨時有過百人同你迫船,有網友仲形容個場面猶如「登陸諾曼第」般災難,到時只可以幻想大尉會突然現身打救吧!

模特兒三點式上陣登船!

攀上破船睇實況--生銹的爛船上,不斷有打大赤肋的男人爬上爬落,熱鬧過旺角!他們更會像劇中主角一樣,用地上的石頭在船身刻上文字表示「到此一遊」!

想學宋仲基包船去海灘?船程只需20分鐘左右!另一個方法就係參加Zakynthos Town一天遊,搭2個小時慢船去到沉船灣,不過隻船又嘈又多人,建議都係花多少少錢包船啦!

登陸海灘,兩個方法

Plan A:
Zakynthos一日遊(前往崖上觀景台及2小時慢船往沉船灣)
費用:每人€35-50/HK$298-$425
查詢:Fidelity Travel(www.fidelitytravel.gr)

Plan B:
Porto Vromi 碼頭包船(不包括崖上觀景台,需要自行前往碼頭)
費用:每小時€60-100/ 約HK$510-$850