大阪環球影城 15 週年活動已經開始咗啦!大家最最最有興趣嘅,相信都係號稱「全球最長」同「最大落差」嘅全新過山車「飛天翼龍過山車」(The Flying Dinosaur)!
對上一次USJ的實體過山車要數 9 年前的「荷里活美夢」,難免令fans引頸以待,開幕日深夜更有大批fans在樂園門口通宵排隊,等一開門衝入場,認真誇張!記者早在2月中預購 Fast Pass,結果都只獲得上周五晚上的time slot,而且開園20分鐘已經截龍,最長足足等12小時!!!所以要玩的話,一係買Fast Pass(詳情),一係就開門直衝!未出發嘅不妨睇定以下資料:

部份原文刊登於〈新假期〉週刊及記者Facebook 主場•日本 

1. 「 飛天翼龍過山車 」喺咩位置?

「飛天翼龍」過山車位於大阪環球影城嘅侏儸紀公園區,因為實在太太太受歡迎,想玩嘅朋友除非你有 Express Pass (不過根據有 Express Pass 嘅記者所講,佢喺早個幾月買,但最早已經得返夜晚 7 點個時段!而且有 express pass 都排咗一粒鐘!),如果唔係慢少少都冇機會玩!所以,一入場,唔使諗直衝過去就冇錯架啦!畀埋地圖你,Plan 定路線啦!

2. 有冇高度限制?

有!大阪環球影城為咗安全起見,限制高度介乎 132 cm至198 cm之間,若高過 198 cm 嘅朋友都唔可以玩!

3. 點解個個都話「飛天翼龍」好玩?

「飛天翼龍」好玩之處,是全程「趴住玩」,感覺就好像翼龍咬著你飛上天,軌道又接近地面,好似隨時會撞落地,刺激度倍增!

4. 試玩完咩感覺?真係咁正?

記者Katty試玩足本感想:

##embed-label-3##

長頭髮朋友注意!

放心,唔係唔畀你玩!不過記者玩完就提大家,「 如果頭髮長就紮起先玩,否則遮住塊面,咩都睇唔到,好無癮㗎!」啫係點?睇相就知!

同場加映:飛天翼龍紀念照

趴住玩過山車真係冇幾可,所以樂園都會幫大家影低被翼龍「捕捉」一刻嘅樣,一張盛惠¥2,500/HK$175!

獨家實地採訪,更詳細「USJ 15週年6大興奮位」報導,刊登於#863期〈新假期〉週刊

下一頁:唔想排咁耐隊?Express Pass 幫到你!

延伸閱讀:

大阪環球影城15週年必買10款手信!

大阪環球影城15週年QnA