每年9月至4月係冰島極光旺季,有車牌可以租車自駕遊當然冇問題啦,但如果你好似我哋嘅特派員KiKa咁冇車牌,又係咪真係跛腳鴨,焗住參加貴價巴士團唔好玩呢?每晚大概9點,雷克雅未克市內都會有大量旅遊巴直出發到所有睇極光的地方,團費價格約由HK$400起。今次KiKa就直闖「雷克雅未克」玩足5日巴士團,報告實況畀各位「無牌仔」知!

BE5A2708_1

文:Kika | 攝:Yee Ng @新假期周刊  

Tour 1) $400迫爆巴士團 人山人海睇極光!

價錢:ISK$6,400 / HK$400
時間:出發9:50PM > 回程12:30AM
車程:來回約1小時55分鐘
團員:約80人
行程:首都Reykjavik > 市效Threngsli 停車場

Reykjavik Excursions 是冰島最大的巴士旅遊公司,賣點係你喺飛機上,己經可以報名當晚嘅極光團,而且如果睇唔到,第二日會再免費比你多一次機會。到咗目的地,除咗自己同車大約80個團友,之後再相繼有5架大旅遊巴到達,全場近400人,場面人山人海,與想像中寂靜嘅極光構圖完全唔同。

BE5A1633-TOUR1

曾經參加Reykjavik Excursions 極光團的網友留言指,此公司會考慮極光指數及雲層厚度,大約於下午 4 時半至 5 時公布當晚會否出團,而不少 Reyjavik 酒店也會將出團資料放在酒店 reception 枱前。亦有網友分享經驗,

網友 Janeter:我參加過 RE 的極光團,當日多雲,極光指數只有2。我喺當日下午 12 點幾已收到電郵話極光團取消。

BE5A1596-TOUR1


全車80人,你與導遊嘅距離好遙遠,不過如果有問題發問,在熄燈前,佢都好樂意過嚟答。

【跟團過程大解構】

BE5A1547-tour1

當日我志哋喺晴朗的一天出發,網頁寫9點半至10點係巴士去酒店接人嘅時間,但當晚等到9點55分先有車,中間等待嘅25分鐘仲以為自己被遺忘咗。

tour-1

事實上旅遊巴冇去酒店,而係泊喺轉角街口,再落車搵團友,司機語氣仲勁差咁叫「Go! Go!」。
tour-1-1
旅遊巴會接送到公司巴士總站再轉乘另一架巴士,但過程冇人講要行咩方向,建議係櫃檯問清楚好。

BE5A1682-TOUR1

幸好當晚遇上超強極光,肉眼目擊嘅極光更加Amazing!

跟得過指數:★★☆☆☆

補充資料:

【地點】固定於Thingvellir 國家公園、小鎮Hella 或西部Snaefellsnes
網址】www.re.is
服務】專線唔係24小時,可以於10點出發前,在該公司巴士總站報名,要留意此團不會每日更新資料及通知是否出團,想去就要主動啲去問啦
買點睇唔到可以免費再去一次。

Tour 2) 90% 保證見極光!老爺車極光團!

價錢:ISK$7,900 / HK$494
時間:出發9:05PM > 回程12:30AM
車程:來回約1小時30分鐘
團員:最多19人

行程:首都Reykjavik > 油站洗手間 > 不知名車站

BE5A4154-tour2

對比之前不論天氣如何都會照常出發嘅巴士極光團。另一間叫Gate To Way 嘅中型巴士旅遊公司,喺Trip Advisor 網站上得到最高評分,其網站更指「只要出發,90% 保證見到極光。」,面對變幻莫測嘅極光都可以囂張如此,唔可以睇少!遇著天氣差,都唔好驚住,因為月光太強會影響觀察極光,情況就如城市有光污染睇唔到極光一樣。

【跟團過程大解構】

天有不測之風雲,Gate To Way 極光團亦連續兩日6點半前喺網站上公布取消行程,到第三日天氣稍為好轉,但依然雲層厚實,網站查看竟寫上照常出發,令我帶著「因為要做生意先唔取消」嘅心態出發,誰知擁有26年帶極光團經驗嘅領隊Bob很放心指:「今晚雖然天氣差,但我們望向的位置應該11點左右就開始有極光。」

BE5A4151-tour2
到目的地之前,會先到油站讓大家去洗手間,喺大團冇㗎!領隊亦講咗足足20分鐘關於極光嘅故仔、研究極光嘅歷史以及自己睇咗廿幾年極光都唔悶嘅經驗,仲會解釋極光嘅流動轉向。
BE5A4166-tour2

投身極光團超過50年嘅司機伯伯Pjarmi 多次隔著車窗與雨水,指出隱形極光位置叫大家落車影相,百發百中。

BE5A4256-tour2
「老練」領隊用嘅車都係老爺車,除車門難開關,離開時另一架小巴死火行唔到,大家仲要落車幫手推。

BE5A4171_2

坐的是16座位的小型巴士,在約45分鐘的車程後停在公路旁不知名的小徑上,未到預計極光出現的時間大家可以安坐車中,聽導遊講極光故仔。時間到,即使下著雨,大家也看到淺綠一片在前,相當神奇!Bob自豪咁話:「睇極光靠的是經驗與科學,並不是運氣!」

跟得過指數:★★★★☆

補充資料:

接送30分鐘前在酒店門口等待接送
地點因應極光探測決定
網址www.gatewaytoiceland.is (每日6:30PM在網頁公布是否出團)
【服務24小時專線,團被取消只要打去講名字及說清「Rebook Northern Lights tour」即可

買點睇唔到可以免費再去一次。

Tour 3) 最平最抵巴士團,$400有找!

價錢:ISK$6,106 / HK$382
接送:45分鐘前在酒店門口等待接送
團員:約80人
地點:因應極光探測決定

Untitled-2

有研究過冰島巴士團嘅朋友都知,境內觀光主要由兩大公司包攬,除咗之前嘅Reykavik Excursions (幕後由長途巴士公司Grayline 營運),後者嘅極光團HK$400有找,全城最抵,乘車配套、夜攝時間跟第一團分別唔大,行程亦與第一團差唔多,但人數更澎拜!幸運地當晚極光夠強,肉眼可見嘅舞動時間持續45分鐘,大家可以睇到夠!

跟得過指數:★★★☆☆

補充資料:

接送45分鐘前在酒店門口等待接送

地點因應極光探測決定
【網址】
www.grayline.is
【服務】有24小時專線,想改酒店資料立即可以,但接線生冰島口音嚴重,較難溝通。但每日6:30PM前通知所有酒店、旅館
【買點】睇唔到可以免費再去一次。

特派員Kika表示Tour 2嘅老爺車團最跟得過,佢亦都提醒大家,如果喺網上報名,出發前最好在香港印出團費發票,因為所有巴士團都要收取紙印的證明,如果剩係放在電話畀領隊睇,都唔得嫁!

下一頁:雪地冰地穿鞋5大要點+網友QnA