上海迪士尼度假區於3月8日進入「開幕倒數100天」,官方網站出現一個「電子倒數器」勁似引爆裝置,同日園區首批10張實景圖片亦正式公布,仔細睇,勁有「虎豹別墅」feel!

/實景01/花木蘭變臉——「世界之窗」睇12生肖

在Gardens of Imagination有個向「中國12生肖」致敬嘅部份(唔知點解叫「晶彩奇航」),出現12個迪士尼角色雕塑,你睇下溫《花木蘭》嘅亭台樓閣幾有深圳雕塑feel:
木蘭變村姑,好似整咗容,臉型亦都唔同咗!如果你記得,本來動畫設定係一對Lucy Liu咁嘅鳳眼⋯⋯


/實景02/ 小熊維尼童話屋 殘體字「萬歲」

遊客進入小熊維尼歷險記,與小熊維尼和他的伙伴們一起穿梭在超大型的「中文」故事書中,開啟冒險旅程,為咗乎合國情,場景內嘅故事書都係以殘體字顯示:

跳跳虎倒吊,對白講「万岁」,如果你記得強國網民點睇習近平同奧巴馬,呢個場景可以觸發無限聯想!


/實景03/加勒比海盜——重口味!沉落寶藏之戰

見唔到Jack Sparrow,但係就有八爪魚臉Davy Jones,寧舍重口味:

下一頁:崩壞再下一城,魔盜王變「橫店張保仔」!

/實景04/探險島:又嚟理想與現實

上海迪士尼樂園獨一無二的「探險島」,玩法係領遊客進入一個全新發現的遠古部落。


「這裡彌漫著神秘的氣息」,睇返預想圖!好似仲爭艘船!

/實景05/「張保仔」出沒?!  說好的Johnny Depp呢?

在海盜區的三張圖片入面,早期宣傳經常出沒的「積克船長」依然未見到影!但係就有疑似張保仔的洪永城替身出現:

仲笑喎!專業少少好唔好?

/實景06/全球首曝光- 「無臉人」過山車

「創極速光輪」以電影《創戰紀》作藍本,將成為全球迪士尼主題樂園中首創的景點:
高速、刺激⋯⋯遊樂項目前正用沙包人進行設備測試。

下一頁:吊起胡迪!Toy Story主題酒店玩呢啲…

/實景07/Toy Story酒店 山東風箏吊高胡迪

在Toy Story酒店的food court開餐時,遊客會發現頭上飄揚以《Toy Story》主角為主題的中式風箏,官方指出風箏靈感源於中國山東濰坊的傳統風箏工藝,真係唔講唔知!

/實景08/全球最高城堡,得個影?

右圖才是「百日倒數大」發布的城堡照,竟然只得個夕陽側影:

舊年10月傳出過疑似火災,不過目前進度似乎良好(城堡內部就真係唔知道。)

/實景09/七個小矮人礦山車

這個適合全家人一起體驗的過山車項目《白雪公主和七個小矮人》,算是全輯圖片最乎合迪士尼標準的一幅!

/實景10/上海迪士尼樂園酒店大堂

上海迪士尼樂園酒店大堂內細節豐富,終於見到米奇嘅雕塑,留意返,本月28日起可以訂房:

 

如果你仲想去……
門票、酒店、劇場同日開賣

上海迪士尼渡假區今天並在其官方網站(www.shanghaidisneyresort.com)啟動線上倒計時鐘。而從本月28日起,遊客將可通過渡假區官方渠道(包括渡假區官網www.shanghaidisneyresort.com)及官方授權的渠道購買主題樂園門票、渡假區內百老匯音樂劇《獅子王》的演出票和預訂酒店客房。

預料客量1,000萬

據中新社報導,上海迪士尼將在6月16日開園。業界人士估算,上海迪士尼開業年客流量將達1,000萬人次,一期完滿運後可達1,600萬人次,直接年收入人民幣100億元左右,創造近13萬個就業機會。樂園去年10月已開始大規模招聘員工,包括設施營運、遊客服務、清潔等部門等前綫人員。

表演員工過萬 媲美橫店

另外,上海迪士尼度假區目前雇有超過4000名本地表演人員,接下來還將繼續擴展,預計6月16日正式開幕時將擁有約1萬名表演人員。

下一頁:講返車站,貨不對辨終極展現

相關文章

香港網民強烈恥笑,串爆迪士尼車站回應合輯!

上海迪士尼必睇 3 大注目園區及 6 大遊戲

香港迪士尼VS上海迪士尼

上海迪士尼出發前QnA