李佳芯(Ali)剛剛在無綫萬千星輝頒獎典禮憑《BB來了》獲得最佳女主角(視后),想當年李佳芯(Ali)未做Cable主持前,已經是旅遊記者熱門選用的Model,多次成為《新假期》的封面女郎。李佳芯唔單止同我哋上山下海,最勁甚至去過南極?呀!(計起來仲早過旅遊大師兄洪永城兩年呀!)即刻同大家回顧下TVB女神初育成之路!

text:孖田|photo:新傳媒資料室

最新視后李佳芯 《BB來了》演活港媽

Ali在《BB來了》不惜自毁形象(Ali自己都咁講㗎!),七情上面由「港女」演到「港媽」,道盡新手媽媽辛酸,難怪憑此劇奪得視后之位。雖然如此,早前更傳李佳芯決心成視后甘願延遲結婚生B,但又因傳媒推劇可能無緣攞視后,但最終無綫都給予Ali演技的認同。在頒獎禮上,李佳芯上台逐一多謝,她說︰「我要多謝一型允豬呀!我唔係贏在起跑線嘅人,我一直都好努力靠自己,做好眼前角色,我只係知一直都要做好。」

李佳芯成為最新視后。
李佳芯成為最新視后。

早前Ali的Instagram超過70萬追蹤者,為答謝一眾粉絲支持,Ali都好識做,大派福利。

《BB來了》飾演新手媽媽,獲得一眾港媽舉腳支持。

入無綫6年星途佳

Ali 2012年離開有線加入無綫,初期多做綜藝節目主持,曾主持《學是學非》、《搵食飯團》等節目,加入無綫短短6年,李佳芯一直機會多多,很快就嶄露頭角成為上位花旦,形象亦正亦邪而且肯捱肯搏。14年於台慶劇《名門暗戰》中,飾演岳華情婦開始漸露頭角。

##embed-label-2##

自《名門暗戰》之後,李佳芯多咗好多拍劇機會,好似《倩女喜相逢》、《潮流教主》、《巨輪II》等。Ali喺《巨輪II》入面畀吳岱融大鬧「臭雞」(臭妓女)令唔少人都為Ali覺得唔抵,而呢一套劇更令Ali演藝路更上一層樓;至到16年《律政強人》,Ali第一次擔正電視劇女主角。

2016年《律政強人》為Ali第一次擔正電視劇女主角

《踩過界》入面Ali飾演法官,不過夜晚就放低嚴肅身份,經常蒲夜店做豪放女。

Ali法官look

Ali夜蒲look

李佳芯喺《BB來了》豁出去演「港媽」唐恬兒,七情上面演活由女強人因有意外有咗而表現出做準媽媽的不安心情,獲網友激讚!

重溫李佳芯 多次上《新假期》封面

Ali加入無綫之前,可能大家未必記得她曾經是Cable藝員,當年亦都在旅遊記者界頗出名,經常跟《新假期》出trip,出名肯捱肯搏好相與,同《新假期》上山下海的經歷,由台灣、日本,去到意大利、澳洲、斐濟,最勁仲去埋南極!以下的封面同內容,眼利網民又記唔記得先?

由收費電視主持,轉到大台做「是非精」,再由情婦角色做到入屋,全靠呢副煞食笑容。

Ali 今年在劇集《踩過界》中變身豪放大法官,以前出trip都已夠放,健康bikini碎料啦!

01|當model第一次 走勻全台灣影婚照(2005年)

13年前的Ali剛投身model界(當年「?模」呢個term仲未出現),還未做有線主持,第一次同《新假期》出trip,人生第一次的婚紗相就要走勻全台灣影。當年的妝髮造型今日睇起上來當然娘味十足,不過當年唔興過分的Photoshop、唔興假眼睫毛和大眼仔,Ali 靚樣同今時今日差唔多,證明靚樣真材實料啦!

影靚相彈性要高,見到條公路都可影一餐,Ali 一樣配合到。

李佳芯Ali首次為《新假期》拍封面,就穿起嫁衣!(307期|2005年7月出版)

當年仲興嘅Sammi式幼眉、冇大眼仔、冇粗黑眼線,天然無添加都已夠靚!

攀山涉水擺甫士

影過婚紗相的人就知,靚相一般在兩日內瘋狂影晒。Ali在拍攝期間要著住婚紗攀山涉水、公路狂奔:爬上台南的七股鹽山、在青青農場拍攝薰衣草和野花遍地的場景,在38度高溫及長期曝曬下受盡折磨。

七股鹽山的鹽堅硬?手,Ali著住婚紗爬上去影相都唔易。

以為影靚婚紗相好glam?Ali踩住泥都一樣交足戲。

當年的記者憶述,拍攝當日台北天氣驟晴驟雨,拍攝團隊只好躲在車內,待雨停時,Ali立刻跑出車影,影不到兩三張又下雨了,又要躲起來。如是者,跟天公玩足一整天躲貓貓。Ali都以專業態度面對,第一次出trip,其實好難得!

拍攝時38度的高溫,又時晴時雨,Ali 坐埋一邊整理妝髮都冇黑面。

呢張相Ali應該都唔想睇番!

翻閱2005年的陳年舊雜誌,當年記者好鍾意寫詩,而影相的攝影師亦好鍾意model頭戴一大朵花(利申:那位是台灣婚攝公司的攝影師)。

去到墾丁海邊叫Ali同臨記「老公」耍親熱,絕冇托手踭!

02|天寒地凍 沖繩追櫻(07年1月)

為了向廣大的讀者報道日本的櫻花情報,本刊記者往往要帶同model 提早出發。去完台南的1年半後,Ali跟《新假期》記者2007年1月出發到沖繩,在短短5日拍攝時間內,要影櫻花又要影海邊resort。當年的記者指,那時候Ali已經是模特兒界的女神,過程雖然辛苦捱凍,但一樣好影冇架子有交帶。

1月出發沖繩影櫻花,其實仍凍,但為咗封面靚,赤膊捱凍仲笑容燦爛!(390期|07年2月出版)

其實當時花期未到,只得間唔中有一、兩棵開了櫻花的樹,Ali 獨個兒爬入山谷花叢扮晒全部花花世界,上山落水冇怨言,工作態度一流。

春寒扮初夏 背心短裙頂硬上

1月的沖繩還是冬天,只有10度的低溫,但為了畫面好看,拍攝時全程要穿上春裝,背心短裙,女神一樣拍心口頂硬上,抵讚!

繼續是招牌燦爛笑容,邊個會估到Ali今時今日會做到咁奸嘅角色!

在櫻花祭中童真的一面,背後其實凍到震!

白滑背脊第一露!

要知道旅遊記者去一個trip唔止返一隻稿,當年1月已經要去影resort,你估下呢間冇人曬太陽嘅resort,當時有幾咁凍?就係咁,Ali首次露出了白滑背脊畀《新假期》同廣大讀者。

咪睇女神個靚背脊就以為影resort 好爽,鏡頭背後不知幾凍!(396期|07年4月出版)

只可惜Ali的泳衣照唔多,而且張張都好wide。旅遊雜誌嘛!睇景舒服重要過睇人啦!唔通張張相叫model舉高手又踢腳咩?

Follow Ali to……

去到海邊resort,蔚藍海岸耍脾氣,時晴時雨、大風、陰陰涼,女神毫不扭擰,要著bikini落水永不say no。最正係去到海邊,攝影師為滿足親近女神慾望,情不自禁,影了一大堆拖住著得性感嘅Ali女神隻手踏浪呀!咦!拖手相,咪仲早過Instagram手拖手遊世界的 #FollowMeTo情侶Murad Osmann!

放開個女仔!攝影師的拖女神相,係咪要畀嬲先?

睇真啲當年雜誌個版面,Ali張相只係出咗手心咁大咋!仲細過同頁的豬頭!

03|冇P圖!早過男神勇闖南極(07年11-12月)

翻查資料,當時的Ali 未做主持,但當時在model 界她都多見報,算搶手貨。原來女神仲早過洪永城兩年去南極拍攝(編按:洪永城在nowTV年代曾以幕後身分,與黃貫中前往南極拍攝《一個地球》),係咪威先?

好多人問張相係咪key,當年《新假期》美術部主管確認,只得左邊放大嘅企鵝有做手腳,輯相真係去咗南極登岸影㗎!(435期|08年1月出版)

有相為證,真係有企鵝㗎南極!

李佳芯 南極 新假期
早前 Ali 接受訪問時,也曾回憶起model生涯,並表示「能親身去南極,是其中一趟最難忘的旅程」。

辛苦捱到去極地

咪以為去極地就好爽皮,其實要坐足兩日半的飛機,由香港飛荷蘭落阿根廷,幾乎環遊全球,然後再捱30個鐘的船程⋯⋯聽到都想準備嘔吐袋。坐郵輪入南極,大浪到有如坐足兩日海盜船,而且南極天氣變幻莫測,能否如期登岸也需聽天由命。所以,女神每日就像飛虎隊般,隨時候命。

隨時候命!女神日日整裝待發出發影相都冇怨言。

當年去南極的郵輪不是豪華郵輪,得上下格床,Ali都要影一餐!

話說前往南極大風大浪,每日都嘔幾次;郵輪廁所的骰,女神高身兆身形都要屈就下。

自備企鵝拍selfie

去南極當然想睇企鵝,但為保護牠們,規矩講明必須跟企鵝保持最少五米距離,以免影響企鵝的生活。唔知係咪女神太靚,(定手上的企鵝公仔?)對人類已沒有戒心的企鵝們也會自動走近,又或乖乖站在附近任影唔嬲。

如果當年有Ig, 女神呢張相應該爆晒like。

要坐雪地等企鵝埋位影相,Ali投入又冇怨言!

影咗幾日,突然放晴,一聲令下再影,Ali保持專業即瞓落雪地上。

據知登岸時Ali 忘記帶銀包,南極之行的紀念品大概只有postcards。

再證實一次,Ali係有去到南極㗎!

陰功!出場少過企鵝

揭番當年本雜誌,Ali出場位主要在封面,文中幾乎只有冰山大相同企鵝相,當同船的大陸客也有full page赤祼照一大張,Ali只獲得細碎行行企企食飯典床版面,好在這輯照片重新「出土」,否則政府圖書館都睇唔番!

Opening只得半身退地人。

企鵝都有一個spread啦!

為了「表達南極大陸絕對唔止平坦嘅地勢」,記者與攝影師構思了Ali 斜坡趴雪地的構圖,最後又係冇刊登,嗚嗚⋯⋯

呢張相笑得咁開心,可惜因為「企鵝擰轉咗面」而無緣刊登,少少花絮都唔肯公開,當年個編輯都幾挑剔⋯⋯

04|終極一脫 三點式玩斐濟(09年)

雖然Ali 沒有好似一般?模出寫真集,平日出席大台活動都鮮有走性感路線,不過,女神其實一向不介意健康性感,2009年和《新假期》去斐濟時,就大晒bikini +長腿。

去到斐濟陽光與海灘,封面冇bikini,但內裡有不少健康性感照。(519期|09年8月出版)

睇住靚景浸浴,當然夠晒嘆。

望住包毛巾的女神,唔准心邪呀!

話說私人別墅的泳池足有270度的海景,靚人靚景!

極罕之長腿!

又到揭雜誌時間,斐濟出名陽光海灘,配上Ali同樣燦爛的笑容,你估下呢張拋花球青春少艾相出咗幾大版?

青春無敵的Ali,比現在多了份青澀感。

大家搵唔搵到Ali喺邊呢?佢輸咗畀搽泥鬼妹!!!

不過睇番斐濟的稿,其實Ali出場已經多過之前去南極㗎喇!

05|跟水哥達人遊澳洲(09年7月)

2009年的Ali 已經成為有線主持,主持《體育王》,被網友追捧為「體育女王」,知名度已大大提升。《新假期》難得就到檔期邀請李佳芯去斐濟,同一個trip順便part埋飲食達人紀曉華Walter Kei,去埋澳洲塔斯曼尼亞嘆世界食好西。

封面上Ali比Walter勁搶戲!(517期|09年8月出版)

Ali 跟住紀曉華飲飲食食,仲學到不少下廚心得。

回到Ali未紅時,成個trip都做水哥下把,一齊搞笑。

美食稿當然要影食嘢相!

當時去採訪的旅遊記者回憶,話說採訪塔斯曼尼亞東岸蠔場時,位處南半球的塔斯曼尼亞正入冬,到訪之時白天只有8-10℃,天寒地凍,Ali 和紀曉華都要著上「賣魚勝」裝束落水。咁嘅情況下,正常人都會嗌凍,但當時人氣已不俗的Ali 毫無嗌辛苦怕凍的,震住都快手開工。

落水得幾度,女神笑容依然燦爛,襟撈!

咁大盤翻蠔勁抵食!

見到可愛的Tasmania Devil,Ali 都忍唔住露出可愛樣。

對住細路,攝影師要捉Ali自然神情話咁易。

Cooking class上,Ali堅有幫手,唔係扮嘢影相等導演嗌cut㗎!

 06|意大利慢食、揸靚車之行(08年5月)

跟住《新假期》出trip,真係為女神帶來好多難忘的時刻,好似08年的意大利都靈、五漁村之旅,女神就連續兩星期登上《新假期》封面。

坐在經典中的經典Alfa Romeo Spider 1600老爺車之中,在意大利最美麗的托斯卡納(Tuscany)山地飛馳,羨慕死人!(456期|08年6月出版)

夏日遊意大利,雪糕、雪條是不可缺少的道具!

靚景超開揚 名車趕羊

今次意大利之旅,Ali跟著記者採訪拍攝Alfa Romeo的四天古董車托斯卡納豪華自駕遊,當年都索價2千歐羅!不過坐在經典的Alfa Romeo Spider 1600老爺車中,駛過一片片鮮黃油菜花田,穿梭於一字排開的柏樹之間,享受頭髮被風吹起的感覺⋯⋯好屈機呀!

意大利鄉郊靚景處處,有老爺車加俊男美女,輕易構成靚相。

開車途中遇上羊群,造就成為當年的封面。

用跑車趕羊,真係好浮誇!

成隊Alfa Romeo老爺車車隊,就如皇帝出巡一樣,陣容強大,連當地人都覺得好奇。

真正深度遊 意大利五漁村

意大利的五漁村(Cinque Terre)近年成為亞洲人的熱門之選,女神當年去到,除了學習地中海人悠閒步伐,在漁村影靚相,仲有機會大嚼當地海鮮同松露。

陽光普照的旅程,絕對唔止景點打卡咁簡單。

去酒莊與當地人開餐,體驗慢食文化。

素顏零瑕疵

要知道旅遊記者出trip冇化妝隨團,咁近影大頭相,睇得出Ali幾乎零瑕疵!

出trip成日面對住成櫃甜點、朱古力,女神都係keep得咁好。

七彩小鎮 花絮曝光

意大利五漁村的繽紛小屋,加埋女神食雪糕,靚!(455期|08年5月出版)

五漁村勁多靚景位,影足幾粒鐘Ali都保持專業,雪糕都影咗好多杯!

都靈大教堂前的Ali 好搶眼。