賞櫻係日本人嘅盛事，所以淨係預測櫻花期嘅日本網已經有好幾個。早前就同大家睇過《日本気象株式会社》嘅第一回櫻花預想期，事隔一個星期另一個網頁《Weather Map》都出咗佢哋嘅第一回預想期，睇下有咩唔同先！
(左：日本気象株式会社 14/1 更新 | 右：Weather Map 22/1 更新)
1)關東區（熱門地點：東京、茨城、橫浜）
睇下香港人人最鍾意去嘅關東區先，比較 1 個星期前，花期遲咗 3- 5 日不等，東京市內嘅滿開日就遲咗 3 日。
2)關西區（熱門地點：京都、大阪、奈良）
另一個熱門賞櫻地關西都有啲唔同，但相差不遠，京都、大阪都只係遲咗 1 日。
3) 中部昇龍道（熱門地點：名古屋、岐阜、金澤）
新興熱門旅行路線昇龍道都係一個唔錯嘅賞櫻點，事隔 1 星期，大部分地方都遲咗，金澤區分別不大，相差最多嘅就係名古屋同岐阜，Plan 緊行程嘅朋友要注意啦！
下一頁：中國、四國、九州預測，有啲哋方竟然早咗？
4) 中國四國地區（熱門地點：廣島、鳥取、下關）
嚟到比較冷門，但好值得去嘅中國四國地區，滿開日嚟講相差不大，最大分別就係高知，差咗 3 日。
5) 九州地區（熱門地點：福岡、熊本、鹿兒島）
至於九州方面，大部分都係同其他地區一樣都係遲咗，不過留意返有啲地方係早咗架，例如宮崎就早咗 2 日，鹿兒島相差最大，足足早咗成個星期！
Weather Map 暫時就未更新東北同北海道方面嘅資料，不過大家都知早前日本遭遇大雪，櫻花有可能會因為太凍而遲開。GOtrip 會同大家緊貼櫻花資訊，隨時更新，大家要留意啦！
