上次講咗三個神奇喼神,但世界上神奇嘅旅遊裝備點止咁少?愈來愈多 高科技行李 面世,好多都得意又有用!今次再介紹三款畀大家!

text: Sammi / photo: 網上圖片

高科技行李 01 | Trunkster | 趟門喼

如果大家唔想住宿費咁貴,可能會幾個人迫喺一間房。往往唔會係張床唔夠位瞓,而係冇地方打開各自嘅喼!要輪流開去執喼,時間都冇咗好多。拉開一個喼,打平佢放嘢入去,都佔咗間房唔少位。如果大家去到機場仲想執喼,就要打開個喼多一次,路人都睇晒自己有咩行李啦!不過有一個喼,終於唔使拉拉鏈,而係趟開用!真係唔怕拉鏈再爆,快啲一齊 「打開門仔、打開門仔」……

高科技行李
《Pokemon GO》 令人知道外置電的重要性,所以有多一個唔怕,何況它設有 3 Amp,15,000 mAh 電池,可以有排用。

高科技行李
有hand carry size、寄艙 size 畀你揀。

高科技行李
內置行李磅,自己磅自己!

高科技行李
趟門喼咁得意,唔見咗點算喎? 放心,有 GPS 可以搵番!

高科技行李
手柄跟喼闊度去整,帶住佢行好有安全感,唔怕佢會斷!

高科技行李
用鋁及聚碳酸酯製造,咁「堅」,唔驚會被人整爛!

詳情:Trunkster

02 | COWAROBOT | 識行識走喼

大家有冇諗過喼都可以好似機械人咁,跟住自己行?現實真係有咁嘅喼!將來可能有 《Star Wars》 入面嘅 R2-D2 或者BB-8 機械人出現,一定唔會覺得出奇!

高科技行李
真係唔使拖住,佢都跟到你行!

高科技行李
手柄、喼底內置感應器,可以連接手帶。

高科技行李
不過使用者須佩戴行李箱專屬手環,佢先可以跟隨你步伐。

高科技行李
行駛速度最快可達到每小時 4.5 哩,唔怕跟你唔到。

高科技行李
不過又唔好驚唔望住佢就會唔見咗,因為當你同喼嘅距離超過 1.5 公尺,手環就會畀警告提醒你。

高科技行李
如果佢好曳,你唔知佢走咗去邊!就用 GPS 捉佢返來。

高科技行李
仲有外置畀大家叉電,可以放外置喺喼,又可以攞出嚟用。不過用呢個功能要記得幫佢叉足電!

高科技行李
敲一敲手環鏡面,只要你同喼嘅距離在 50 公尺內,喼就會識自己回到你身邊。

高科技行李
唔需要鎖,只需手環感應就可以打開喼,所以要好好保管手環!

高科技行李
平時過安檢要將電器攞出來,這喼的最前位置就係畀大家放電子儀器,唔使打開成個喼。

高科技行李
一 app 多用處。

高科技行李
唔好以為行動裝置好佔行李空間,其實計埋都係佔 4%。

詳情:COWAROBOT

03 | NOMATIC | 幾十層背包

去旅行最想就係方便,拖住喼行相信已經滿足唔到你,可能你有一個做背包客嘅夢。咁跟住介紹嘅喼就啱大家,就算唔係背包客,都可以扮下嘅。仲要一個袋入面有好多袋可以畀大家裝嘢,分類咁放,你係一個幾亂嘅人都會被佢征服!

高科技行李
攞又得,背又得。

高科技行李
有壓縮袋,真係一袋走天涯!

高科技行李
設計好細心,連大家嘅污糟衫褲都諗埋!特登整多個袋畀大家放。

高科技行李
背包可能唔方便在於你要放低佢先攞到嘢,但現在喺背包外面有一個小袋畀大家放 passport,趕飛機都可以快快手攞出來!

高科技行李
仲提供 TSA lock ,方便又安全。

高科技行李
MacBook、notebook 、laptop、Tablet 或 iPad ,都有位畀大家放,終於唔使次次都將佢哋放喺最底喇!

高科技行李
留下一個小窿,放喺背包繼續叉電!

高科技行李
有一個位係畀大家放水樽,入面用防水物料整,唔怕會漏水整濕其他嘢!

高科技行李
下格可以放鞋,唔怕整臭其他衫褲!

高科技行李
上格就可以放內衣褲、襪,沖涼前唔使周圍搵!

高科技行李
最最最上格又可以放電話。

高科技行李
叉電器同線可以好整齊咁放,一冇電即刻搵到!

高科技行李
旅行隨手想記低嘢 、想寫旅行日記,或者睇睇自己行程,一手拉開拉鏈就攞到本簿。

高科技行李
放簿仔、機票亦可。

高科技行李
沖涼袋一攞就可以,仲要有個鈎勾住,唔怕唔知放邊同整濕啦!

高科技行李
鞋袋有埋!

高科技行李
仲想整齊啲?畀多個衫袋你!

高科技行李
真係唔可以以貌取「袋」,估唔到一個袋可以放到咁多嘢,仲可以分類放!