潛規則,香港有一條黃線 ,大家都知唔應該過,「Please stand behind the yellow line」,黃線 外等候 ,由細聽到大,點解依家去到機場行李帶,人人都好似睇唔到黃色、有色盲咁嘅?

回港第一個體驗  感受愈來愈差


赤鱲角機場不是輸在跑道,而是輸在旅客在赤鱲角的機場經驗愈來愈差。有人以為起三跑好呀,硬件多就係好,錯囉!有邊個機場要等行李等個幾鐘? 有邊個機場啲人係成架行李車剷到貼住行李帶?有邊個機場啲櫈同地氈係污糟到連行近個閘口都唔想?

airport_lugguage2

英國留下來的 蕩然無存

赤鱲角機場一開始,英國人的設計,行李帶等候區條線係好 subtle 的暗灰色,當時大多數的香港人都會守規矩,知道要企在線外,等先到的行李可以先走,快準有效率,那時我們的機場是世界第一。

黃線警戒 蕩然無存

後來,愈來愈多某國人到來,呢條線開始變得模糊,人人一下就將架車剷埋去,彷彿同條行李帶連成一體、件行李會直送上架車度,慌死蝕底唔執輸的香港人都要爭埋一份。

兩地融合 文明和灰線正式瓦解

最後終於要畫出腸,突兀黃線登場,結果係點?有相睇。機場失去了世界第一的光環。香港輸,係輸在軟件,輸在使用者的質素,輸在服務品質。自甘墮落,正正是香港現在的寫照。

airport_lugguage3