「大陸嘢!小心食死人啊!」「Made in China,買件衫都會爆炸㗎!」

呢啲言論,相信大家一定聽唔少,不過口裡說不,身體卻很誠實。我發現雖然大家睇落好唔鍾意大陸,但實際上有好多人都有買大陸產品、返大陸玩。

最緊要夠平,抄襲根本唔重要

先睇啱啱過咗嘅「雙十一」,好多平日死都唔會上淘寶嘅人都會破功,因為實在太平太優惠!而好多香港公司亦睇準呢一日嘅商機,推出一系列嘅減價。

正如每次我經過抄襲無印良品嘅「名創優品」,裡面都一樣塞滿客人,好多人都覺得最緊要價錢平,係咪抄襲根本唔重要。

好多人都覺得最緊要價錢平,係咪抄襲根本唔重要。

愈來愈多人返大陸飲飲食食

飲食方面,大家又會唔會堅守到呢條線呢?開始有YouTubers 或bloggers介紹「大陸文青cafés」「大陸平飲平食推介」「乜茶必試」嚟吸引觀眾。

起初我都唔敢相信,以為係大陸人假扮嘅香港YouTubers或bloggers!因為有次我唔小心寫咗一個大陸詞彙,就被網民鬧到飛天。

大陸文青cafés?!香港人點會接受得到簡體字啊!但事實上,呢類介紹的確有大批觀眾支持,真係好奇怪。

而事實上,呢類介紹的確有大批觀眾支持,真係好奇怪。

當然,對於娛樂,每個人都可以有自己嘅選擇,冇話邊個先係正確,可能鬧made in China會爆炸嘅人,根本唔會入名創優品,雙十一會瘋狂掃貨嘅人,都唔會鬧人用簡體字。

當然,對於娛樂,每個人都可以有自己嘅選擇,冇話邊個先係正確。

未來大陸店進軍香港 小店難續命……

倒不如理性分析下點解咁多人鍾意返大陸吃喝玩樂?我自己食過一次香港嘅「海底撈」火鍋。

我覺得佢嘅辣湯底的確唔錯,但未有令我「再去」嘅意慾。不過最令我深刻嘅係服務態度,尤其喺香港嚟講,佢嘅服務真係好好,朋友話喺大陸嘅海底撈,服務態度會更加好。

朋友話喺大陸嘅海底撈,服務態度會更加好。

未來一定會愈來愈多大陸商舖進佔香港,如喜茶、海底撈、小米、名創優品。

香港一向嘅賣點都唔係服務,當大陸店舖進駐香港,佢哋畀得起香港租金,一定會令更多香港小店關門大吉……

當大陸店舖進駐香港,佢哋畀得起香港租金,一定會令更多香港小店關門大吉……

香港又有咩賣點令客人非去不可?平唔夠淘寶平,服務唔夠大陸好,質素係咪真係好過大陸?

定係我哋只可以接受香港愈來愈多大陸店舖呢?呢啲都係大家值得思考嘅問題。

下一頁:人生總會住過幾間中伏酒店!