【酒店入住經歷】有網民分享酒店入住經歷,表示因酒店職員服務態度不佳而發生爭執,其後酒店職員為洩憤,下手打爛網民私家車車尾燈。網民急忙投訴後,酒店竟否認責任,更指「畀咩價錢就有咩服務」。幸好網民友人用一招識破謊話,令酒店立即承認錯誤,其後更打算免一晚費用來息事寧人!

撰文:CY|資料來源:事主授權轉載|圖片來源:unsplash、facebook

酒店職員洩憤打爛車尾燈 酒店欲抵賴反遭醒目住客識破

【酒店入住經歷】近日一位女性網民在Facebook群組中分享早年與友人前往泰國華欣旅遊,入住當地一間商務酒店,並將租用車輛停泊在酒店停車場。次日前往取車時發現車尾燈被打爛,懷疑因曾與酒店職員爭執後被懷恨在心洩憤所致。(酒店示意圖)(圖片來源:Unsplash@allphotobangkok)
【酒店入住經歷】近日,一位女性網民在facebook群組中分享早年與友人前往泰國華欣旅遊,入住當地一間商務酒店,並將租用車輛停泊在酒店停車場。次日前往取車時,發現車尾燈被打爛,懷疑因曾與酒店職員爭執後,被懷恨在心洩憤所致。(酒店示意圖)(圖片來源:[email protected]

為拒絕住客停泊車輛 竟謊稱為傷殘車位

GOtrip編輯向網民了解事件經過。網民表示,早年與友人前往泰國華欣旅遊,自行駕車前往酒店,並打算將車輛停泊在酒店免費停車場內,卻被告知酒店車位已滿,需要自費停泊在20分鐘步行距離外的停車場。

網民友人立刻向該職員表示「見到酒店門口仲有個車位」,卻被告知該車位為傷殘人士專用車位,其後雙方發生爭執。該員工最終讓步,容許網民車輛停泊於該車位。

【酒店入住經歷】網民指出該車位並未有標示傷殘人士專用標誌,覺得酒店員工拒絕的理由過於牽強,並認為酒店方要求客人在酒店範圍外泊車的做法並不合理,表示「如果我哋泊低車行返去酒店(途中)畀人打劫或捉左去強姦,係咪酒店負責?」(圖片來源:Unsplash@robert2301)
【酒店入住經歷】網民指出,該車位並未有標示傷殘人士專用標誌,覺得酒店員工拒絕的理由過於牽強,並認為酒店方要求客人在酒店範圍外泊車的做法並不合理,表示:「如果我哋泊低車行返去酒店(途中)被人打劫或捉咗去強姦,係咪酒店負責?」(車位示意圖)(圖片來源:[email protected]

車尾燈被毀 要求查CCTV卻被辱:畀咩價錢就有咩服務

未料第二日前往停車場時,發現租用車輛的車尾燈被打破。網民表示:「當然就係即刻同酒店反映啦!(不過)佢哋唔認話係酒店問題,仲話番我哋轉頭,話係我哋自己整爛屈佢哋。」

當時酒店總經理得知事件後出面回應。「但竟然夠膽死同我講話佢已經睇咗CCTV,肯定唔係酒店嘅問題,亦唔會同唔需要提供CCTV畀我哋睇,仲話你畀得咩價錢就係有啲乜嘢嘅服務。」

Caption:【酒店入住經歷】網民回憶當時相當憤怒,「我唔expect我揸架車入你度,畀人存心整爛,要同我講唔洗畀CCTV我睇返囉!我當時問佢知唔知自己講緊咩?係咪我要訓喺架車隔離睇住佢?」,認為將車輛停泊在酒店範圍,酒店有責任保障車輛完好。(示意圖)(圖片來源:Facebook@@JCAutoGlass18)
【酒店入住經歷】網民回憶當時相當憤怒。「我唔expect我揸架車入你度,被人存心整爛,要同我講唔使畀CCTV我睇番囉!我當時問佢知唔知自己講緊咩?係咪我要瞓喺架車隔籬睇住佢?」認為將車輛停泊在酒店範圍,酒店有責任保障車輛完好。(示意圖)(圖片來源:[email protected]@JCAutoGlass18)

醒目網民錄音做證據 總經理秒速改口道歉認錯

幸好,網民友人當時醒目用手機錄下所有對話,並藉此要求酒店總經理公開事發當時的CCTV片段。如繼續拒絕要求,則會要求當地警方調查,並將該段錄音傳送至該酒店集團的總辦事處。

網民稱酒店總經理得悉後,「即時啞咗,面紅紅咁,好嬲但又唔敢再駁。」並承認員工打爛車尾燈事件屬實,「更寫番道歉信畀我哋,同埋即刻幫我哋搞保險嘅嘢。」

酒店總經理在過程中多次婉轉要求「我哋(對外要)講話係個人責任整爛」。網民亦相當醒目地回應:「其實我係知我個車保係cover呢樣嘢,保險嘅嘢我哋會handle番。」酒店總經理聽到後,「即刻嬲到塊面紅晒,但仲要笑住咁對住我哋。」

【酒店入住經歷】網民稱該酒店為某國際知名酒店品牌其下的商務酒店。(示意圖)(圖片來源:Facebook@Let's Zzz Bangkok)
【酒店入住經歷】網民稱,該酒店為某國際知名酒店品牌旗下的商務酒店。(示意圖)(圖片來源:
[email protected]’s Zzz Bangkok)

網民:有道理就應爭取到底

網民向GOtrip編輯強調分享經歷並非「翻舊帳」。她在帖文中亦有清楚註明,當時酒店總經理為息事寧人,提出可以免一晚酒店費用,不過她與友人都沒有接受。「我唔會搵佢著數,但我都唔會被佢蝦到上頭頂都唔出聲。」

至於為何事隔多年仍要分享經歷,她表示,希望透過親身經歷讓大家了解爭取權益的重要性。「有時啲嘢明明道理係喺自己嗰邊,(就應該)用正確嘅途徑去投訴同爭取。」不應抱持多一事不如少一事的心態,白白蒙受損失。

網民酒店入住經歷帖文內容

想分享返一個個人經歷,關於消費者應該得到咩嘢嘅服務。
話說我之前去旅行,試過畀人整爛咗個車尾燈,從玻璃碎散落方向睇黎係畀人惡意整爛。
事發前一晚有因為車位問題,我朋友同Front desk嘅Staff爭論過幾句,結果第二日去攞車時就發現車尾燈爛左。

當然就係即刻同酒店反映啦!
佢哋唔認話係酒店問題,仲話返我哋轉頭,話係我哋自己整爛屈佢哋。
即時我哋問佢哋睇左CCTV未,佢答未,話之後會覆返我哋。

之後間酒店個General Manager就出場喇!
但竟然夠膽死同我講話佢已經睇左CCTV,肯定唔係酒店既問題,亦唔會同唔需要提供CCTV畀我哋睇返,
仲話你畀得咩錢就係有啲咩嘢嘅服務(話說嗰間係國際知名品牌其下既Economy Hotel)

勢估唔到原來我朋友係一路錄緊佢音。
我哋嘅反應係如果佢唔畀我哋睇既話,

我哋會即刻報警同埋send段錄音畀佢global office投訴佢先肯認,寫返道歉信畀我哋同埋即係幫我哋搞保險嘅嘢。
(其實我係一路都知道如果我哋同車公司講話係個人問題整爛左,保險係cover嘅,我哋一蚊都唔洗賠)

當然,General Manager同我講返同一翻說話
再婉轉甘要求我哋講話係個人責任整爛
當時我笑笑口同佢講:「其實我喺知我個車保係cover依樣嘢,保險嘅嘢我哋會handle返」

佢即時嬲到塊面紅哂,但仲要笑住咁對住我哋

仲要同我哋講佢知香港打風,我哋都返唔到去,佢可以free一晚房畀我哋(我哋係冇accept佢呢個offer)

問心一句,個人既觀感係,其實好多勢利外國人都會蝦亞洲人
有時啲野明明道理係喺自己嗰邊,用正確嘅途徑去投訴同爭取囉
我唔會搵佢著數,但我都唔會畀佢蝦到上頭頂都唔出聲

【酒店入住經歷】貼文原文(事主留言Facebook截圖)
【酒店入住經歷】帖文原文。(事主留言facebook截圖)