有冇諗過可以有份工一邊打卡影相、一邊瘋狂享受美食呢?啱啱就有酒店推出一份絕世筍工,可以滿足大家嘅願望喇!鍾意成日周圍食,同朋友分享嘅你一定唔可以錯過!

文:Ellissa | 圖:網上圖片

萬豪筍工: 2,500間餐廳、酒吧試菜

萬豪酒店剛剛推出呢份筍工,就係Foodie Ambassador一職,專責喺集團旗下亞太區超過2,500間餐廳、酒吧試菜,立即成為Linkedin上「Job of the Week」!萬豪(Marriott)去年與喜達屋(Starwood)合併,品牌共30個,最豪嘅Ritz-Carlton、St. Regis都是旗下酒店,呢份筍工,睇落真係超筍喎!

香港麗思卡爾頓酒店裡面嘅OZONE露天酒吧及壽司吧係美食代言人可以去嘅其中一間酒店!
香港麗思卡爾頓酒店裡面嘅OZONE露天酒吧及壽司吧係美食代言人可以去嘅其中一間酒店!

香港灣仔萬麗海景酒店嘅滿福樓都係其中一間!
香港灣仔萬麗海景酒店嘅滿福樓都係其中一間!

飲飲食食 食盡全世界

今次呢份工並冇講人工,亦都冇講請幾多位「幸運兒」,但job description話:「Foodie Ambassador 們有機會到集團旗下包括香港、上海、新加坡等亞太區內的餐廳及酒吧工作。」睇嚟offer唔止一個人咁少。雖然唔知呢份工係咪長,但「跑散」都可以去勻24個國家當吃貨,當係食盡全世界喇!

仲有馬爾代夫好出名嘅鯨魚酒吧!
仲有馬爾代夫好出名嘅鯨魚酒吧!

新加坡萬豪酒店嘅餐廳都喺名單上面!
新加坡萬豪酒店嘅餐廳都喺名單上面!

愈social愈易被揀中

究竟酒店要揀咩人?Linkedin上寫嘅要求包括以下幾點:

• 富有企業家精神
• 有無窮創意
• 對飲食具有無比熱誠
• 領導才能積極進取、以客為本
• 有出色的交際及溝通技巧
• 有強大的組織能力
• 對社交媒體有深厚認識
• 有解難能力
• 了解市場的需要

想打呢份絕世好工最緊要嘅係一顆熱愛美食嘅心、平時有玩開fb、Ig開心share自己識飲識食嘅經歷、豐富無比嘅創意,基本上已經可以去in喇!

印尼峇里島水明漾萬怡酒店都有份㗎!鍾意東南亞菜嘅你可以諗下!
印尼峇里島水明漾萬怡酒店都有份㗎!鍾意東南亞菜嘅你可以諗下!

泰國蘇梅島嘅W酒店酒吧都榜上有名!
泰國蘇梅島嘅W酒店酒吧都榜上有名!

夢想住周圍飛、返工當旅行嘅你,一定唔好錯過喇!

上海麗思卡爾頓酒店嘅Flair Bar都係其中一間啊!
上海麗思卡爾頓酒店嘅Flair Bar都係其中一間啊!

中國江蘇嘅常州萬豪酒店亦都榜上有名!
中國江蘇嘅常州萬豪酒店亦都榜上有名!