近年韓妝大熱,其中一樣韓妝嘅特點-超 Bling Bling 底妝係重點之一。而氣墊粉底,就可以輕輕鬆鬆拍出水潤光澤肌。今次為大家實測試用 3 款最近網上大熱的韓國氣墊粉,除咗有前段時間賣到街知巷聞的 April Skin 外,仲有被稱為佢嘅勁敵 W.Lab 及新興之秀 Vant 36.5,馬上睇睇到底邊款更優秀!

IMG_3064 111copy

1)賣到街知巷聞-April Skin 魔法遮瑕氣墊粉餅(黑色版,23 號色)/$108

IMG_3068 copy

cc_cushion3 copy
左至右:上粉前,上粉後,上粉全日後

編輯試嘅係自然啲嘅 23 號色,遮瑕不錯,面上大部份嘅瑕疵都係上完一層之後遮得七七八八。不過,都幾有妝感,一睇就知有化妝,而且好顯毛孔。過幾鐘之後更開始出油!相信香港夏天想用都要狂補妝!
用後感:
遮瑕度:★★★★☆(3 款入面最遮瑕)勝!
持妝度:★★☆☆☆(過幾個鐘開始出油,不過都勉強 hold 到成日,可能因為妝感重!)
清爽度:★☆☆☆☆(好笠,拍完上面就覺得好多嘢壓咗上面咁)
光澤度:★★★★☆(同事們以為編輯無洗臉,係油光……)

貼面度:★★☆☆☆(上妝幾個鐘之後開始浮粉,兩頰同鼻翼係最明顯)

2)April Skin勁敵-W.Lab雪花氣墊粉底(21 號色) /$168

IMG_3066 copy

cc_cushion2 copy
左至右:上粉前,上粉後,上粉全日後

上星期六,如果有追睇開 GOtrip 嘅讀者,應該記得編輯去咗澳門追黃色小鴨。當日就用咗呢隻氣墊粉啦!大家都睇到果日嘅天氣,好大風好大雨~玩咗成日之後先番香港!但有驚喜咁冇咩出油!
用後感:
遮瑕度:★★★☆☆(大部份瑕疵都遮到,但遮瑕力的確唔夠April Skin好)
持妝度:★★★☆☆(用咗成日都算 hold 到大部份,不過相入面都睇到甩咗好多)勝!
清爽度:★★★★☆(好清爽,冇乜點出油,過咗幾個鐘之後摸上面都唔覺得笠)勝!
光澤度:★★★☆☆(光澤感不錯,feel 到你化咗妝但又唔會好重妝感嘅果種光澤!)

貼面度:★★★☆☆(用咗成日都唔會好誇張咁浮粉!)

3)韓妹新寵-Vant 36.5 空氣感水光氣墊粉餅(白色版,23 號色)/$198

IMG_3065 copy

cc_cushion1 copy
左至右:上粉前,上粉後,上粉全日後

同樣地,澳門之旅地有用上呢隻CC cushion,遮瑕度係最近嘅一隻,不過妝容就最自然。面上嘅斑都唔算太遮得晒,鼻翼都仲睇到毛孔。持妝一般,不過妝感唔重,甩咗都唔太覺!
用後感:
遮瑕度:★☆☆☆☆(遮完之後仍可以見到啲小瑕疵)
持妝度:★★☆☆☆(一般,未算控油,所以夏天用都有少少危機)
清爽度:★★★☆☆(十分清爽,主要因為薄透)
光澤度:★★★★☆(好自然嘅光澤感,似自己皮膚本身光澤,由底 bling 出嚟)勝!
貼面度:★★★★☆(十分貼面,當日上面後同事們都睇唔出)勝!

總結:

香港女仔用嘅話,編輯誠意推介用 W.Lab,當日有兩位編輯都試咗呢個氣墊粉上面,然後係澳門追鴨一天,又風又雨,又室內室外,再出下汗咁,但都無咩出油,唔算甩得多,仲要唔敏感!亦無暗沉!私心推介!

KMarket Korea Skincare & Cosmetics
FB:https://www.facebook.com/kmarketskincare
網站:http://www.kmarket-cosmetics.com/