【福岡酒店 爆竊】出門在外,最緊要嘅就係啲隨身行李!所以大家去旅行都偏向搵酒店住,感覺staff多,安全性都會高啲。去日本玩嘅時候,都總會莫名地減低戒心,覺得日本治安好,唔會有咩事發生嘅!之但係,隨住留日外國人增多嘅關係,日本呢個地方,好似已經變得冇以前咁單純⋯⋯最近竟然連酒店都遭遇入室爆竊!

撰文:C|圖片:photo AC

福岡酒店 頻遭入室爆竊

福岡縣等地最近發生咗數宗,於深夜時分有不法分子潛入酒店房,偷去住客現金、值錢財物等案件。犯人在確認住客已入睡,房間變成一片安靜時,便解開門鎖入室爆竊。福岡縣縣警至今已拘捕5名中國籍男子,並警戒身處福岡的酒店住客及居民,小心注意散布於四周的中國人集團,警察亦已加強酒店附近的戒備。

圖片來源:photo AC

2018年11月17日凌晨3點,在福岡市博多區的酒店走廊中,發現了在輕聲交談的男子2人組,正在巡邏的警察上前查問後,發現2人手持可疑幼針。

不法分子會偷聽房內動靜,各位住客須小心提高警覺!

2人均為中國籍,並證實曾入侵同區的另一棟商業酒店而被逮捕,隨後再於岡山縣倉敷市的一間酒店入室偷走住客15萬日圓現金(約HK$10,500)及2隻手錶(總值約70萬日圓/約HK$49,000)而再被逮捕!

據警察所講,犯人會在酒店走廊偷聽房內動靜,以房內傳出的呼吸聲確認住客是否已熟睡。然後從門下縫隙放入幼針等工具,從內側操作把會自動上鎖的門打開,並成功進入酒店房間。

圖片來源:photo AC

同類案件 近年西日本常見!

犯人會查找只需從室內將門柄向下壓便可打開房門的,採用自動上鎖方式的酒店房,而且客室樓層沒有設置閉路電視的酒店類型下手。同類型事件最近以西日本為中心發生!2018年於全國發生的酒店入室偷竊案,比以前增加了 64宗,達到320宗,福岡縣內亦增加咗6宗,達到8宗!據報,福岡縣縣警至今已拘捕5名中國籍男子,並警戒身處福岡的酒店住客及居民「小心注意散布於四周的中國人集團」,警察亦已加強酒店附近的戒備!

除了酒店及警察方面會加強保安措施之外,入住酒店的客人們亦須提高警覺,睡前謹記要扣上防盜鏈!

相關文章 – 空姐教路:「安全入住酒店、你要做的 7 件事!」

01 | 先敲門確認房間冇人

我知道好多人好多同事都會入房前意思意思地敲門三下,背後意義你懂的。我都會敲門,但我要確認嘅,係間房冇人!

入房敲門,通報一聲,求個安心,也可以避免入錯房或者有工作人員在內懵然不知!

做過酒店/常入住酒店嘅都會知道,double room 並唔係罕見意外,有次去泰國,同事一開門就大叫,咁好彩幾個 juniors 住附近幾間房,即刻問佢發生咩事,佢話房入面好亂,仲話見到有對男人鞋!同酒店職員講,先知佢哋搞錯咗房間!

02 | 即刻掛請勿打擾牌

呢個係空姐比較常做嘅事,去到一啲 lock and seal 嘅 outport,全日喺房煲劇、足不出戶,你當然唔會想你睇韓劇睇到喊晒口時,清潔姐姐衝入嚟打掃⋯⋯真係好掃興㗎嘛!

就算有時會外出,我都會掛個牌出去,特別係某啲東南亞國家如印尼等,因為有同事試過冇掛牌出咗去玩,返到房就唔見咗部 iPad!同酒店講,酒店竟然怪我同事唔將貴重物品放入保險箱!

03 | 關好門窗,安全鎖都要鎖埋

入到房,我會用防盜眼望下走廊有冇可疑人物(有一次就係咁,睇到機長帶住個女人入房,哈哈哈)。

我哋成日一堆制服人喺 lobby,其實係幾惹人注目。平時自己去旅行,特別係自己一個女仔去旅行,出入都最好留意下身邊!

T_bankok_06

至於要鎖埋安全鎖係因為房卡係電卡嚟,太兒戲唔安全,仲要有頭先同大家講嘅 double room 意外,都係鎖埋好啲!

hotel_check5_01

04 | 熱水壺唔好飲第一轉

詳情原因可以睇番我之前寫落嘅文章( 編按,慎入:「決戰酒店熱水壺的最高境界」)!簡單一講,就係你唔知原來有人會用熱水壺嚟浸絲襪,仲有強國人會用嚟⋯⋯

有興趣去睇番篇文啦!第一轉煲滾嘅熱水倒落廁所,諗落的確係好浪費,所以我會倒喺浴缸,順便消毒!

酒店熱水壼

05 | 睇清楚!邊啲小食要錢

唔好講笑,我試過攞咗要畀錢嘅soft drink嚟飲,而當時我一直以為是免費的!某啲酒店有時會額外送嘢食、飲品畀crew,有次聽個同事講話,間酒店有送汽水畀我哋!

咁我咪以為是但一罐都係free der~結果當然不是了!Checkout 時只好乖乖畀錢!

IMG_3546
澳門永利的 mini-bar 就出名「自動收費」,只要移動過啟動感應,就當你食咗,此系統唔少美國酒店都有用!(圖片:RunHotel

06 | 記得帶定個人用品,如牙刷、毛巾

如果去外國嘅話,最好帶定私家牙刷同毛巾,因為通常都冇嘅!就算有,都奉勸大家盡量用私家毛巾,因為真係好污糟!(詳情可以睇番:酒店房4樣設備的暗黑傳聞)。

呢個周末同屋企人去波士頓玩,點知屋企人竟然唔記得帶牙刷!嗰陣喺偏遠地區,返到酒店又已經好夜,大家估下佢用咩嚟刷牙?

hotel_check

07 |  多拍照,之後出事都有證據

(編按:除了 blogger 以上 6 項,編輯還有以下一點想溫馨提示大家!)

早前有港人入住韓國酒店時,checkout 後,收到酒店通知指他弄壞了酒店房門,然後在沒有通知住客的情況下,從他的信用卡扣除了HK$2,088作賠償!(詳情:韓國明洞酒店冤枉住客?|聲稱木門被弄壞賠 300,000KRW!)不想 checkout 後發生以上事件,入房後馬上拍下照片是其中一個好方法,當然沒有可能把房間每一個角落都拍下,但出事時,可能就剛好被你拍下入住前的狀況!

tnews_seoul0102

網民分享 酒店防盜法!

早前亦有網友分享過「最強自製酒店防盜鎖」,而材料只需要一個衣架和一張有椅背的椅子!

原理是外面推門,衣架會同時推動門的上扣,並緊緊扣實門的下手柄,估計伸腳要重達 50lbs,才可把門踢開。至於椅背要 45 度斜放在門下方,對方表示只有 SWAT team 才可衝入來!這個感覺超級安全,又不用帶多樣物件在行李裡面呢!

旅遊安全

住酒店自救 自製防盜門鎖

【#GOtrip旅遊教室】早前有網友分享「最強自製酒店防盜鍞」👍 針對酒店門鎖壞掉的狀況,建議用衣架替代做門鎖,記者就在出差期間試試!(🔊大家留意:記得用完後將衣架掛回原位,這個做法適用於治安較差地區、尤其是單身入住酒店洗澡時,多重保障最合用!)資料來源:泰旅谷真好玩@Andrew Leung ▼旅遊教室!女生行李必備的 6 件法寶www.gotrip.hk/?p=344567▼酒店員工 戴頭盔爆料! 酒店房真係好多污糟嘢啊!www.gotrip.hk/?p=342210

Posted by GOtrip 旅遊看世界 on Monday, July 31, 2017

網友:膠杯防盜法 !

亦有網友分享,只要把一隻膠杯放到酒店房門的手柄上,只要有人闖進來,膠杯就會掉在地上並發出聲響,從而讓自己知道有人闖入,並嚇走入侵者。

不過這個方法就只適用於沒有地氈的酒店房間。

旅遊安全
網友分享以膠杯來防盜的方法。

網友:用椅子頂住大門!

有網友分享指,其實只要用椅子頂住房間的大門和露台的門口,就可以防止賊人闖入。

旅遊安全

做好酒店防盜可以令你的旅程更安全,保安專家的寄語是「事先計劃」(plan ahead),計劃的重要性可見一斑。以後計劃行程的時候,除了留意食玩買的情報外,還要收集當地的資訊、留意天氣變化等,這樣一來就能保證開開心心上路,平平安安回家了!

下一頁:瞓瞓下覺 驚現鏡頭!| 出遊住酒店、民宿 11招教你防偷拍