男友遊日不忘買手信：你一定會鍾意！
日前有女網民於Dcard討論區發文，分享男朋友買手信的爆笑經歷。她指她男朋友日前去完日本旅行，回港後向她開心share，寵愛女朋友的他表示自己買了很多手信給她，更豪言對方一定會鍾意他所送的手信。她聞言後亦十分開心，感覺到男友在旅行的同時也不忘留港的自己，「佢旅行冇唔記得我仲買咗好多嘢俾我」。
獨特手信令女友爆笑 購買理由堪稱「花式找死」
之後一日她到男友家並順道取手信時，原本以為他會買自己最愛的食物作為手信，豈料一打開盒令她直接爆笑，「望完之後我真係笑到停唔到，我完全冇諗過佢會買呢啲俾我做手信！」由事主所上載的影片可見，紙箱內包著1個滿臉皺紋、面露驚慌的老人木雕面具，還有2隻猩猩頭部掛飾與1隻穿著黑色底褲的白色不知名生物擺件。而男朋友的購買理由堪稱「花式找死」：「 佢話：覺得呢幾隻嘢嘅樣同我好似，所以諗都冇諗即刻買曬翻嚟！」
除了以上4件獨特的手信外，還有一隻上面寫著「千萬兩」、「開運」、「招財」、「招福」、「富貴」的金色招財貓，看似十分普通，但特別的點再次來自男友神奇的購買原因，「佢話：見你最近咁窮，呢隻應該好啱你！」雖然男友買以上手信的原因令她哭笑不得，但亦令她不禁感嘆到：「笑死，第一次收咁特別嘅手信，突然覺得平時收嗰啲嘢食真係太普通！」
網民笑言：佢還健在嗎？
事主的帖文引起大批網民熱議，因為她的標題是「男朋友去日本竟然買呢啲俾我做手信」，不少人都誤以為她是嫌棄男友所送的手信，沒想到原來是個「放閃post」：「直男的愛」、「你男朋友好搞笑」！同時也有網民笑言男友買此種手信是「花式找死」：「佢還健在嗎？ #零生存意識系列」、「一碌落去嚇咗一嚇」、「依家大家都知樓主係咩樣」。
